🪷 Mahābhārata · Strī-Parva · Chapter 20

The Book of the Women · Parva 11 · 32 unique Sanskrit addresses · pinned Critical Edition-derived witness

The Devanāgarī Yathārtha · 32 Shlokas

MBh 11.20.1
गान्धार्युवाच अध्यर्धगुणमाहुर्यं बले शौर्ये च माधव पित्रा त्वया च दाशार्ह दृप्तं सिंहमिवोत्कटम्
MBh 11.20.2
यो बिभेद चमूमेको मम पुत्रस्य दुर्भिदाम् स भूत्वा मृत्युरन्येषां स्वयं मृत्युवशं गतः
MBh 11.20.3
तस्योपलक्षये कृष्ण कार्ष्णेरमिततेजसः अभिमन्योर्हतस्यापि प्रभा नैवोपशाम्यति
MBh 11.20.4
एषा विराटदुहिता स्नुषा गाण्डीवधन्वनः आर्ता बाला पतिं वीरं शोच्या शोचत्यनिन्दिता
MBh 11.20.5
तमेषा हि समासाद्य भार्या भर्तारमन्तिके विराटदुहिता कृष्ण पाणिना परिमार्जति
MBh 11.20.6
तस्य वक्त्रमुपाघ्राय सौभद्रस्य यशस्विनी विबुद्धकमलाकारं कम्बुवृत्तशिरोधरम्
MBh 11.20.7
काम्यरूपवती चैषा परिष्वजति भामिनी लज्जमाना पुरेवैनं माध्वीकमदमूर्छिता
MBh 11.20.8
तस्य क्षतजसंदिग्धं जातरूपपरिष्कृतम् विमुच्य कवचं कृष्ण शरीरमभिवीक्षते
MBh 11.20.9
अवेक्षमाणा तं बाला कृष्ण त्वामभिभाषते अयं ते पुण्डरीकाक्ष सदृशाक्षो निपातितः
MBh 11.20.10
बले वीर्ये च सदृशस्तेजसा चैव तेऽनघ रूपेण च तवात्यर्थं शेते भुवि निपातितः
MBh 11.20.11
अत्यन्तसुकुमारस्य राङ्कवाजिनशायिनः कच्चिदद्य शरीरं ते भूमौ न परितप्यते
MBh 11.20.12
मातङ्गभुजवर्ष्माणौ ज्याक्षेपकठिनत्वचौ काञ्चनाङ्गदिनौ शेषे निक्षिप्य विपुलौ भुजौ
MBh 11.20.13
व्यायम्य बहुधा नूनं सुखसुप्तः श्रमादिव एवं विलपतीमार्तां न हि मामभिभाषसे
MBh 11.20.14
आर्यामार्य सुभद्रां त्वमिमांश्च त्रिदशोपमान् पितॄन्मां चैव दुःखार्तां विहाय क्व गमिष्यसि
MBh 11.20.15
तस्य शोणितसंदिग्धान्केशानुन्नाम्य पाणिना उत्सङ्गे वक्त्रमाधाय जीवन्तमिव पृच्छति स्वस्रीयं वासुदेवस्य पुत्रं गाण्डीवधन्वनः
MBh 11.20.16
कथं त्वां रणमध्यस्थं जघ्नुरेते महारथाः धिगस्तु क्रूरकर्तॄंस्तान्कृपकर्णजयद्रथान्
MBh 11.20.17
द्रोणद्रौणायनी चोभौ यैरसि व्यसनीकृतः रथर्षभाणां सर्वेषां कथमासीत्तदा मनः
MBh 11.20.18
बालं त्वां परिवार्यैकं मम दुःखाय जघ्नुषाम् कथं नु पाण्डवानां च पाञ्चालानां च पश्यताम् त्वं वीर निधनं प्राप्तो नाथवान्सन्ननाथवत्
MBh 11.20.19
दृष्ट्वा बहुभिराक्रन्दे निहतं त्वामनाथवत् वीरः पुरुषशार्दूलः कथं जीवति पाण्डवः
MBh 11.20.20
न राज्यलाभो विपुलः शत्रूणां वा पराभवः प्रीतिं दास्यति पार्थानां त्वामृते पुष्करेक्षण
MBh 11.20.21
तव शस्त्रजिताँल्लोकान्धर्मेण च दमेन च क्षिप्रमन्वागमिष्यामि तत्र मां प्रतिपालय
MBh 11.20.22
दुर्मरं पुनरप्राप्ते काले भवति केनचित् यदहं त्वां रणे दृष्ट्वा हतं जीवामि दुर्भगा
MBh 11.20.23
कामिदानीं नरव्याघ्र श्लक्ष्णया स्मितया गिरा पितृलोके समेत्यान्यां मामिवामन्त्रयिष्यसि
MBh 11.20.24
नूनमप्सरसां स्वर्गे मनांसि प्रमथिष्यसि परमेण च रूपेण गिरा च स्मितपूर्वया
MBh 11.20.25
प्राप्य पुण्यकृताँल्लोकानप्सरोभिः समेयिवान् सौभद्र विहरन्काले स्मरेथाः सुकृतानि मे
MBh 11.20.26
एतावानिह संवासो विहितस्ते मया सह षण्मासान्सप्तमे मासि त्वं वीर निधनं गतः
MBh 11.20.27
इत्युक्तवचनामेतामपकर्षन्ति दुःखिताम् उत्तरां मोघसंकल्पां मत्स्यराजकुलस्त्रियः
MBh 11.20.28
उत्तरामपकृष्यैनामार्तामार्ततराः स्वयम् विराटं निहतं दृष्ट्वा क्रोशन्ति विलपन्ति च
MBh 11.20.29
द्रोणास्त्रशरसंकृत्तं शयानं रुधिरोक्षितम् विराटं वितुदन्त्येते गृध्रगोमायुवायसाः
MBh 11.20.30
वितुद्यमानं विहगैर्विराटमसितेक्षणाः न शक्नुवन्ति विवशा निवर्तयितुमातुराः
MBh 11.20.31
आसामातपतप्तानामायासेन च योषिताम् श्रमेण च विवर्णानां रूपाणां विगतं वपुः
MBh 11.20.32
उत्तरं चाभिमन्युं च काम्बोजं च सुदक्षिणम् शिशूनेतान्हतान्पश्य लक्ष्मणं च सुदर्शनम् आयोधनशिरोमध्ये शयानं पश्य माधव

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 32 source-pinned Devanāgarī addresses to Strī-Parva, the Mahābhārata reading map, and any exact Bhagavad-Gītā correspondence.

MBh 11.20local chapter route · Strī-ParvaStrī-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷