🪷 Mahābhārata · Śānti-Parva · Chapter 335

The Book of Peace · the great dharma-śāstra · Parva 12 · 89 unique Sanskrit addresses · pinned Critical Edition-derived witness

🪷 This verse is one maṇi on Krishna's non-dual thread (BG 7.7 · sūtre maṇi-gaṇā iva)
MBh Śānti-Parva 320-352 · the Nārāyaṇīyam: Vyāsa's second supreme declaration · Krishna, Nārāyaṇa, Viṣṇu, Vāsudeva are ONE Paramātmā · the textual cousin of the Bhagavad-Gītā. The substrate carries the other 9 pramāṇa-maṇis from Vālmīki, Vyāsa, and Krishna's own mouth — each declaring the same Rāma-Krishna-Nārāyaṇa-Viṣṇu non-dual singularity. Krishna is the thread; every verse below is a maṇi on the same sūtra.
See also: /rama (the constitutional non-dual declaration) · /philosophy (the theological foundation) · /mahabharata · /valmiki-ramayana.

The Devanāgarī Yathārtha · 89 Shlokas

MBh 12.335.1
जनमेजय उवाच श्रुतं भगवतस्तस्य माहात्म्यं परमात्मनः जन्म धर्मगृहे चैव नरनारायणात्मकम् महावराहसृष्टा च पिण्डोत्पत्तिः पुरातनी
MBh 12.335.2
प्रवृत्तौ च निवृत्तौ च यो यथा परिकल्पितः स तथा नः श्रुतो ब्रह्मन्कथ्यमानस्त्वयानघ
MBh 12.335.3
यच्च तत्कथितं पूर्वं त्वया हयशिरो महत् हव्यकव्यभुजो विष्णोरुदक्पूर्वे महोदधौ तच्च दृष्टं भगवता ब्रह्मणा परमेष्ठिना
MBh 12.335.4
किं तदुत्पादितं पूर्वं हरिणा लोकधारिणा रूपं प्रभावमहतामपूर्वं धीमतां वर
MBh 12.335.5
दृष्ट्वा हि विबुधश्रेष्ठमपूर्वममितौजसम् तदश्वशिरसं पुण्यं ब्रह्मा किमकरोन्मुने
MBh 12.335.6
एतन्नः संशयं ब्रह्मन्पुराणज्ञानसंभवम् कथयस्वोत्तममते महापुरुषनिर्मितम् पाविताः स्म त्वया ब्रह्मन्पुण्यां कथयता कथाम्
MBh 12.335.7
वैशंपायन उवाच कथयिष्यामि ते सर्वं पुराणं वेदसंमितम् जगौ यद्भगवान्व्यासो राज्ञो धर्मसुतस्य वै
MBh 12.335.8
श्रुत्वाश्वशिरसो मूर्तिं देवस्य हरिमेधसः उत्पन्नसंशयो राजा तमेव समचोदयत्
MBh 12.335.9
युधिष्ठिर उवाच यत्तद्दर्शितवान्ब्रह्मा देवं हयशिरोधरम् किमर्थं तत्समभवद्वपुर्देवोपकल्पितम्
MBh 12.335.10
व्यास उवाच यत्किंचिदिह लोके वै देहबद्धं विशां पते सर्वं पञ्चभिराविष्टं भूतैरीश्वरबुद्धिजैः
MBh 12.335.11
ईश्वरो हि जगत्स्रष्टा प्रभुर्नारायणो विराट् भूतान्तरात्मा वरदः सगुणो निर्गुणोऽपि च भूतप्रलयमव्यक्तं शृणुष्व नृपसत्तम
MBh 12.335.12
धरण्यामथ लीनायामप्सु चैकार्णवे पुरा ज्योतिर्भूते जले चापि लीने ज्योतिषि चानिले
MBh 12.335.13
वायौ चाकाशसंलीने आकाशे च मनोनुगे व्यक्ते मनसि संलीने व्यक्ते चाव्यक्ततां गते
MBh 12.335.14
अव्यक्ते पुरुषं याते पुंसि सर्वगतेऽपि च तम एवाभवत्सर्वं न प्राज्ञायत किंचन
MBh 12.335.15
तमसो ब्रह्म संभूतं तमोमूलमृतात्मकम् तद्विश्वभावसंज्ञान्तं पौरुषीं तनुमास्थितम्
MBh 12.335.16
सोऽनिरुद्ध इति प्रोक्तस्तत्प्रधानं प्रचक्षते तदव्यक्तमिति ज्ञेयं त्रिगुणं नृपसत्तम
MBh 12.335.17
विद्यासहायवान्देवो विष्वक्सेनो हरिः प्रभुः अप्स्वेव शयनं चक्रे निद्रायोगमुपागतः जगतश्चिन्तयन्सृष्टिं चित्रां बहुगुणोद्भवाम्
MBh 12.335.18
तस्य चिन्तयतः सृष्टिं महानात्मगुणः स्मृतः अहंकारस्ततो जातो ब्रह्मा शुभचतुर्मुखः हिरण्यगर्भो भगवान्सर्वलोकपितामहः
MBh 12.335.19
पद्मेऽनिरुद्धात्संभूतस्तदा पद्मनिभेक्षणः सहस्रपत्रे द्युतिमानुपविष्टः सनातनः
MBh 12.335.20
ददृशेऽद्भुतसंकाशे लोकानापोमयान्प्रभुः सत्त्वस्थः परमेष्ठी स ततो भूतगणान्सृजत्
MBh 12.335.21
पूर्वमेव च पद्मस्य पत्रे सूर्यांशुसप्रभे नारायणकृतौ बिन्दू अपामास्तां गुणोत्तरौ
MBh 12.335.22
तावपश्यत्स भगवाननादिनिधनोऽच्युतः एकस्तत्राभवद्बिन्दुर्मध्वाभो रुचिरप्रभः
MBh 12.335.23
स तामसो मधुर्जातस्तदा नारायणाज्ञया कठिनस्त्वपरो बिन्दुः कैटभो राजसस्तु सः
MBh 12.335.24
तावभ्यधावतां श्रेष्ठौ तमोरजगुणान्वितौ बलवन्तौ गदाहस्तौ पद्मनालानुसारिणौ
MBh 12.335.25
ददृशातेऽरविन्दस्थं ब्रह्माणममितप्रभम् सृजन्तं प्रथमं वेदांश्चतुरश्चारुविग्रहान्
MBh 12.335.26
ततो विग्रहवन्तौ तौ वेदान्दृष्ट्वासुरोत्तमौ सहसा जगृहतुर्वेदान्ब्रह्मणः पश्यतस्तदा
MBh 12.335.27
अथ तौ दानवश्रेष्ठौ वेदान्गृह्य सनातनान् रसां विविशतुस्तूर्णमुदक्पूर्वे महोदधौ
MBh 12.335.28
ततो हृतेषु वेदेषु ब्रह्मा कश्मलमाविशत् ततो वचनमीशानं प्राह वेदैर्विनाकृतः
MBh 12.335.29
वेदा मे परमं चक्षुर्वेदा मे परमं बलम् वेदा मे परमं धाम वेदा मे ब्रह्म चोत्तमम्
MBh 12.335.30
मम वेदा हृताः सर्वे दानवाभ्यां बलादितः अन्धकारा हि मे लोका जाता वेदैर्विनाकृताः वेदानृते हि किं कुर्यां लोकान्वै स्रष्टुमुद्यतः
MBh 12.335.31
अहो बत महद्दुःखं वेदनाशनजं मम प्राप्तं दुनोति हृदयं तीव्रशोकाय रन्धयन्
MBh 12.335.32
को हि शोकार्णवे मग्नं मामितोऽद्य समुद्धरेत् वेदांस्तानानयेन्नष्टान्कस्य चाहं प्रियो भवे
MBh 12.335.33
इत्येवं भाषमाणस्य ब्रह्मणो नृपसत्तम हरेः स्तोत्रार्थमुद्भूता बुद्धिर्बुद्धिमतां वर ततो जगौ परं जप्यं साञ्जलिप्रग्रहः प्रभुः
MBh 12.335.34
नमस्ते ब्रह्महृदय नमस्ते मम पूर्वज लोकाद्य भुवनश्रेष्ठ सांख्ययोगनिधे विभो
MBh 12.335.35
व्यक्ताव्यक्तकराचिन्त्य क्षेमं पन्थानमास्थित विश्वभुक्सर्वभूतानामन्तरात्मन्नयोनिज
MBh 12.335.36
अहं प्रसादजस्तुभ्यं लोकधाम्ने स्वयंभुवे त्वत्तो मे मानसं जन्म प्रथमं द्विजपूजितम्
MBh 12.335.37
चाक्षुषं वै द्वितीयं मे जन्म चासीत्पुरातनम् त्वत्प्रसादाच्च मे जन्म तृतीयं वाचिकं महत्
MBh 12.335.38
त्वत्तः श्रवणजं चापि चतुर्थं जन्म मे विभो नासिक्यं चापि मे जन्म त्वत्तः पञ्चममुच्यते
MBh 12.335.39
अण्डजं चापि मे जन्म त्वत्तः षष्ठं विनिर्मितम् इदं च सप्तमं जन्म पद्मजं मेऽमितप्रभ
MBh 12.335.40
सर्गे सर्गे ह्यहं पुत्रस्तव त्रिगुणवर्जितः प्रथितः पुण्डरीकाक्ष प्रधानगुणकल्पितः
MBh 12.335.41
त्वमीश्वरस्वभावश्च स्वयंभूः पुरुषोत्तमः त्वया विनिर्मितोऽहं वै वेदचक्षुर्वयोतिगः
MBh 12.335.42
ते मे वेदा हृताश्चक्षुरन्धो जातोऽस्मि जागृहि ददस्व चक्षुषी मह्यं प्रियोऽहं ते प्रियोऽसि मे
MBh 12.335.43
एवं स्तुतः स भगवान्पुरुषः सर्वतोमुखः जहौ निद्रामथ तदा वेदकार्यार्थमुद्यतः ऐश्वरेण प्रयोगेण द्वितीयां तनुमास्थितः
MBh 12.335.44
सुनासिकेन कायेन भूत्वा चन्द्रप्रभस्तदा कृत्वा हयशिरः शुभ्रं वेदानामालयं प्रभुः
MBh 12.335.45
तस्य मूर्धा समभवद्द्यौः सनक्षत्रतारका केशाश्चास्याभवन्दीर्घा रवेरंशुसमप्रभाः
MBh 12.335.46
कर्णावाकाशपाताले ललाटं भूतधारिणी गङ्गा सरस्वती पुण्या भ्रुवावास्तां महानदी
MBh 12.335.47
चक्षुषी सोमसूर्यौ ते नासा संध्या पुनः स्मृता ओंकारस्त्वथ संस्कारो विद्युज्जिह्वा च निर्मिता
MBh 12.335.48
दन्ताश्च पितरो राजन्सोमपा इति विश्रुताः गोलोको ब्रह्मलोकश्च ओष्ठावास्तां महात्मनः ग्रीवा चास्याभवद्राजन्कालरात्रिर्गुणोत्तरा
MBh 12.335.49
एतद्धयशिरः कृत्वा नानामूर्तिभिरावृतम् अन्तर्दधे स विश्वेशो विवेश च रसां प्रभुः
MBh 12.335.50
रसां पुनः प्रविष्टश्च योगं परममास्थितः शैक्षं स्वरं समास्थाय ओमिति प्रासृजत्स्वरम्
MBh 12.335.51
स स्वरः सानुनादी च सर्वगः स्निग्ध एव च बभूवान्तर्महीभूतः सर्वभूतगुणोदितः
MBh 12.335.52
ततस्तावसुरौ कृत्वा वेदान्समयबन्धनान् रसातले विनिक्षिप्य यतः शब्दस्ततो द्रुतौ
MBh 12.335.53
एतस्मिन्नन्तरे राजन्देवो हयशिरोधरः जग्राह वेदानखिलान्रसातलगतान्हरिः प्रादाच्च ब्रह्मणे भूयस्ततः स्वां प्रकृतिं गतः
MBh 12.335.54
स्थापयित्वा हयशिर उदक्पूर्वे महोदधौ वेदानामालयश्चापि बभूवाश्वशिरास्ततः
MBh 12.335.55
अथ किंचिदपश्यन्तौ दानवौ मधुकैटभौ पुनराजग्मतुस्तत्र वेगितौ पश्यतां च तौ यत्र वेदा विनिक्षिप्तास्तत्स्थानं शून्यमेव च
MBh 12.335.56
तत उत्तममास्थाय वेगं बलवतां वरौ पुनरुत्तस्थतुः शीघ्रं रसानामालयात्तदा ददृशाते च पुरुषं तमेवादिकरं प्रभुम्
MBh 12.335.57
श्वेतं चन्द्रविशुद्धाभमनिरुद्धतनौ स्थितम् भूयोऽप्यमितविक्रान्तं निद्रायोगमुपागतम्
MBh 12.335.58
आत्मप्रमाणरचिते अपामुपरि कल्पिते शयने नागभोगाढ्ये ज्वालामालासमावृते
MBh 12.335.59
निष्कल्मषेण सत्त्वेन संपन्नं रुचिरप्रभम् तं दृष्ट्वा दानवेन्द्रौ तौ महाहासममुञ्चताम्
MBh 12.335.60
ऊचतुश्च समाविष्टौ रजसा तमसा च तौ अयं स पुरुषः श्वेतः शेते निद्रामुपागतः
MBh 12.335.61
अनेन नूनं वेदानां कृतमाहरणं रसात् कस्यैष को नु खल्वेष किं च स्वपिति भोगवान्
MBh 12.335.62
इत्युच्चारितवाक्यौ तौ बोधयामासतुर्हरिम् युद्धार्थिनौ तु विज्ञाय विबुद्धः पुरुषोत्तमः
MBh 12.335.63
निरीक्ष्य चासुरेन्द्रौ तौ ततो युद्धे मनो दधे अथ युद्धं समभवत्तयोर्नारायणस्य च
MBh 12.335.64
रजस्तमोविष्टतनू तावुभौ मधुकैटभौ ब्रह्मणोपचितिं कुर्वञ्जघान मधुसूदनः
MBh 12.335.65
ततस्तयोर्वधेनाशु वेदापहरणेन च शोकापनयनं चक्रे ब्रह्मणः पुरुषोत्तमः
MBh 12.335.66
ततः परिवृतो ब्रह्मा हतारिर्वेदसत्कृतः निर्ममे स तदा लोकान्कृत्स्नान्स्थावरजङ्गमान्
MBh 12.335.67
दत्त्वा पितामहायाग्र्यां बुद्धिं लोकविसर्गिकीम् तत्रैवान्तर्दधे देवो यत एवागतो हरिः
MBh 12.335.68
तौ दानवौ हरिर्हत्वा कृत्वा हयशिरस्तनुम् पुनः प्रवृत्तिधर्मार्थं तामेव विदधे तनुम्
MBh 12.335.69
एवमेष महाभागो बभूवाश्वशिरा हरिः पौराणमेतदाख्यातं रूपं वरदमैश्वरम्
MBh 12.335.70
यो ह्येतद्ब्राह्मणो नित्यं शृणुयाद्धारयेत वा न तस्याध्ययनं नाशमुपगच्छेत्कदाचन
MBh 12.335.71
आराध्य तपसोग्रेण देवं हयशिरोधरम् पाञ्चालेन क्रमः प्राप्तो रामेण पथि देशिते
MBh 12.335.72
एतद्धयशिरो राजन्नाख्यानं तव कीर्तितम् पुराणं वेदसमितं यन्मां त्वं परिपृच्छसि
MBh 12.335.73
यां यामिच्छेत्तनुं देवः कर्तुं कार्यविधौ क्वचित् तां तां कुर्याद्विकुर्वाणः स्वयमात्मानमात्मना
MBh 12.335.74
एष वेदनिधिः श्रीमानेष वै तपसो निधिः एष योगश्च सांख्यं च ब्रह्म चाग्र्यं हरिर्विभुः
MBh 12.335.75
नारायणपरा वेदा यज्ञा नारायणात्मकाः तपो नारायणपरं नारायणपरा गतिः
MBh 12.335.76
नारायणपरं सत्यमृतं नारायणात्मकम् नारायणपरो धर्मः पुनरावृत्तिदुर्लभः
MBh 12.335.77
प्रवृत्तिलक्षणश्चैव धर्मो नारायणात्मकः नारायणात्मको गन्धो भूमौ श्रेष्ठतमः स्मृतः
MBh 12.335.78
अपां चैव गुणो राजन्रसो नारायणात्मकः ज्योतिषां च गुणो रूपं स्मृतं नारायणात्मकम्
MBh 12.335.79
नारायणात्मकश्चापि स्पर्शो वायुगुणः स्मृतः नारायणात्मकश्चापि शब्द आकाशसंभवः
MBh 12.335.80
मनश्चापि ततो भूतमव्यक्तगुणलक्षणम् नारायणपरः कालो ज्योतिषामयनं च यत्
MBh 12.335.81
नारायणपरा कीर्तिः श्रीश्च लक्ष्मीश्च देवताः नारायणपरं सांख्यं योगो नारायणात्मकः
MBh 12.335.82
कारणं पुरुषो येषां प्रधानं चापि कारणम् स्वभावश्चैव कर्माणि दैवं येषां च कारणम्
MBh 12.335.83
पञ्चकारणसंख्यातो निष्ठा सर्वत्र वै हरिः तत्त्वं जिज्ञासमानानां हेतुभिः सर्वतोमुखैः
MBh 12.335.84
तत्त्वमेको महायोगी हरिर्नारायणः प्रभुः सब्रह्मकानां लोकानामृषीणां च महात्मनाम्
MBh 12.335.85
सांख्यानां योगिनां चापि यतीनामात्मवेदिनाम् मनीषितं विजानाति केशवो न तु तस्य ते
MBh 12.335.86
ये केचित्सर्वलोकेषु दैवं पित्र्यं च कुर्वते दानानि च प्रयच्छन्ति तप्यन्ति च तपो महत्
MBh 12.335.87
सर्वेषामाश्रयो विष्णुरैश्वरं विधिमास्थितः सर्वभूतकृतावासो वासुदेवेति चोच्यते
MBh 12.335.88
अयं हि नित्यः परमो महर्षि;र्महाविभूतिर्गुणवान्निर्गुणाख्यः गुणैश्च संयोगमुपैति शीघ्रं; कालो यथर्तावृतुसंप्रयुक्तः
MBh 12.335.89
नैवास्य विन्दन्ति गतिं महात्मनो; न चागतिं कश्चिदिहानुपश्यति ज्ञानात्मकाः संयमिनो महर्षयः; पश्यन्ति नित्यं पुरुषं गुणाधिकम्

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 89 source-pinned Devanāgarī addresses to Śānti-Parva, the Mahābhārata reading map, and any exact Bhagavad-Gītā correspondence.

MBh 12.335local chapter route · Śānti-ParvaŚānti-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epic/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷