🪷 Mahābhārata · Śānti-Parva · Chapter 259

The Book of Peace · the great dharma-śāstra · Parva 12 · 35 unique Sanskrit addresses · pinned Critical Edition-derived witness

The Devanāgarī Yathārtha · 35 Shlokas

MBh 12.259.1
युधिष्ठिर उवाच कथं राजा प्रजा रक्षेन्न च किंचित्प्रतापयेत् पृच्छामि त्वां सतां श्रेष्ठ तन्मे ब्रूहि पितामह
MBh 12.259.2
भीष्म उवाच अत्राप्युदाहरन्तीममितिहासं पुरातनम् द्युमत्सेनस्य संवादं राज्ञा सत्यवता सह
MBh 12.259.3
अव्याहृतं व्याजहार सत्यवानिति नः श्रुतम् वधाय नीयमानेषु पितुरेवानुशासनात्
MBh 12.259.4
अधर्मतां याति धर्मो यात्यधर्मश्च धर्मताम् वधो नाम भवेद्धर्मो नैतद्भवितुमर्हति
MBh 12.259.5
द्युमत्सेन उवाच अथ चेदवधो धर्मो धर्मः को जातु चिद्भवेत् दस्यवश्चेन्न हन्येरन्सत्यवन्संकरो भवेत्
MBh 12.259.6
ममेदमिति नास्यैतत्प्रवर्तेत कलौ युगे लोकयात्रा न चैव स्यादथ चेद्वेत्थ शंस नः
MBh 12.259.7
सत्यवानुवाच सर्व एव त्रयो वर्णाः कार्या ब्राह्मणबन्धनाः धर्मपाशनिबद्धानामल्पो व्यपचरिष्यति
MBh 12.259.8
यो यस्तेषामपचरेत्तमाचक्षीत वै द्विजः अयं मे न शृणोतीति तस्मिन्राजा प्रधारयेत्
MBh 12.259.9
तत्त्वाभेदेन यच्छास्त्रं तत्कार्यं नान्यथा वधः असमीक्ष्यैव कर्माणि नीतिशास्त्रं यथाविधि
MBh 12.259.10
दस्यून्हिनस्ति वै राजा भूयसो वाप्यनागसः भार्या माता पिता पुत्रो हन्यते पुरुषे हते परेणापकृते राजा तस्मात्सम्यक्प्रधारयेत्
MBh 12.259.11
असाधुश्चैव पुरुषो लभते शीलमेकदा साधोश्चापि ह्यसाधुभ्यो जायतेऽशोभना प्रजा
MBh 12.259.12
न मूलघातः कर्तव्यो नैष धर्मः सनातनः अपि खल्ववधेनैव प्रायश्चित्तं विधीयते
MBh 12.259.13
उद्वेजनेन बन्धेन विरूपकरणेन च वधदण्डेन ते क्लेश्या न पुरोऽहितसंपदा
MBh 12.259.14
यदा पुरोहितं वा ते पर्येयुः शरणैषिणः करिष्यामः पुनर्ब्रह्मन्न पापमिति वादिनः
MBh 12.259.15
तदा विसर्गमर्हाः स्युरितीदं नृपशासनम् बिभ्रद्दण्डाजिनं मुण्डो ब्राह्मणोऽर्हति वासनम्
MBh 12.259.16
गरीयांसो गरीयांसमपराधे पुनः पुनः तथा विसर्गमर्हन्ति न यथा प्रथमे तथा
MBh 12.259.17
द्युमत्सेन उवाच यत्र यत्रैव शक्येरन्संयन्तुं समये प्रजाः स तावत्प्रोच्यते धर्मो यावन्न प्रतिलङ्घ्यते
MBh 12.259.18
अहन्यमानेषु पुनः सर्वमेव पराभवेत् पूर्वे पूर्वतरे चैव सुशास्या अभवञ्जनाः
MBh 12.259.19
मृदवः सत्यभूयिष्ठा अल्पद्रोहाल्पमन्यवः पुरा धिग्दण्ड एवासीद्वाग्दण्डस्तदनन्तरम्
MBh 12.259.20
आसीदादानदण्डोऽपि वधदण्डोऽद्य वर्तते वधेनापि न शक्यन्ते नियन्तुमपरे जनाः
MBh 12.259.21
नैव दस्युर्मनुष्याणां न देवानामिति श्रुतिः न गन्धर्वपितॄणां च कः कस्येह न कश्चन
MBh 12.259.22
पद्मं श्मशानादादत्ते पिशाचाच्चापि दैवतम् तेषु यः समयं कुर्यादज्ञेषु हतबुद्धिषु
MBh 12.259.23
सत्यवानुवाच तान्न शक्नोषि चेत्साधून्परित्रातुमहिंसया कस्यचिद्भूतभव्यस्य लाभेनान्तं तथा कुरु
MBh 12.259.24
द्युमत्सेन उवाच राजानो लोकयात्रार्थं तप्यन्ते परमं तपः अपत्रपन्ति तादृग्भ्यस्तथावृत्ता भवन्ति च
MBh 12.259.25
वित्रास्यमानाः सुकृतो न कामाद्घ्नन्ति दुष्कृतीन् सुकृतेनैव राजानो भूयिष्ठं शासते प्रजाः
MBh 12.259.26
श्रेयसः श्रेयसीमेवं वृत्तिं लोकोऽनुवर्तते सदैव हि गुरोर्वृत्तमनुवर्तन्ति मानवाः
MBh 12.259.27
आत्मानमसमाधाय समाधित्सति यः परान् विषयेष्विन्द्रियवशं मानवाः प्रहसन्ति तम्
MBh 12.259.28
यो राज्ञो दम्भमोहेन किंचित्कुर्यादसांप्रतम् सर्वोपायैर्नियम्यः स तथा पापान्निवर्तते
MBh 12.259.29
आत्मैवादौ नियन्तव्यो दुष्कृतं संनियच्छता दण्डयेच्च महादण्डैरपि बन्धूननन्तरान्
MBh 12.259.30
यत्र वै पापकृत्क्लेश्यो न महद्दुःखमर्छति वर्धन्ते तत्र पापानि धर्मो ह्रसति च ध्रुवम् इति कारुण्यशीलस्तु विद्वान्वै ब्राह्मणोऽन्वशात्
MBh 12.259.31
इति चैवानुशिष्टोऽस्मि पूर्वैस्तात पितामहैः आश्वासयद्भिः सुभृशमनुक्रोशात्तथैव च
MBh 12.259.32
एतत्प्रथमकल्पेन राजा कृतयुगेऽभजत् पादोनेनापि धर्मेण गच्छेत्त्रेतायुगे तथा द्वापरे तु द्विपादेन पादेन त्वपरे युगे
MBh 12.259.33
तथा कलियुगे प्राप्ते राज्ञां दुश्चरितेन ह भवेत्कालविशेषेण कला धर्मस्य षोडशी
MBh 12.259.34
अथ प्रथमकल्पेन सत्यवन्संकरो भवेत् आयुः शक्तिं च कालं च निर्दिश्य तप आदिशेत्
MBh 12.259.35
सत्याय हि यथा नेह जह्याद्धर्मफलं महत् भूतानामनुकम्पार्थं मनुः स्वायंभुवोऽब्रवीत्

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 35 source-pinned Devanāgarī addresses to Śānti-Parva, the Mahābhārata reading map, and any exact Bhagavad-Gītā correspondence.

MBh 12.259local chapter route · Śānti-ParvaŚānti-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷