🪷 Mahābhārata · Sauptika-Parva · Chapter 2

The Book of the Sleeping Warriors · Parva 10 · 33 unique Sanskrit addresses · pinned Critical Edition-derived witness

The Devanāgarī Yathārtha · 33 Shlokas

MBh 10.2.1
कृप उवाच श्रुतं ते वचनं सर्वं हेतुयुक्तं मया विभो ममापि तु वचः किंचिच्छृणुष्वाद्य महाभुज
MBh 10.2.2
आबद्धा मानुषाः सर्वे निर्बन्धाः कर्मणोर्द्वयोः दैवे पुरुषकारे च परं ताभ्यां न विद्यते
MBh 10.2.3
न हि दैवेन सिध्यन्ति कर्माण्येकेन सत्तम न चापि कर्मणैकेन द्वाभ्यां सिद्धिस्तु योगतः
MBh 10.2.4
ताभ्यामुभाभ्यां सर्वार्था निबद्धा ह्यधमोत्तमाः प्रवृत्ताश्चैव दृश्यन्ते निवृत्ताश्चैव सर्वशः
MBh 10.2.5
पर्जन्यः पर्वते वर्षन्किं नु साधयते फलम् कृष्टे क्षेत्रे तथावर्षन्किं नु साधयते फलम्
MBh 10.2.6
उत्थानं चाप्यदैवस्य ह्यनुत्थानस्य दैवतम् व्यर्थं भवति सर्वत्र पूर्वं कस्तत्र निश्चयः
MBh 10.2.7
प्रवृष्टे च यथा देवे सम्यक्क्षेत्रे च कर्षिते बीजं महागुणं भूयात्तथा सिद्धिर्हि मानुषी
MBh 10.2.8
तयोर्दैवं विनिश्चित्य स्ववशेनैव वर्तते प्राज्ञाः पुरुषकारं तु घटन्ते दाक्ष्यमास्थिताः
MBh 10.2.9
ताभ्यां सर्वे हि कार्यार्था मनुष्याणां नरर्षभ विचेष्टन्तश्च दृश्यन्ते निवृत्ताश्च तथैव हि
MBh 10.2.10
कृतः पुरुषकारः सन्सोऽपि दैवेन सिध्यति तथास्य कर्मणः कर्तुरभिनिर्वर्तते फलम्
MBh 10.2.11
उत्थानं तु मनुष्याणां दक्षाणां दैववर्जितम् अफलं दृश्यते लोके सम्यगप्युपपादितम्
MBh 10.2.12
तत्रालसा मनुष्याणां ये भवन्त्यमनस्विनः उत्थानं ते विगर्हन्ति प्राज्ञानां तन्न रोचते
MBh 10.2.13
प्रायशो हि कृतं कर्म अफलं दृश्यते भुवि अकृत्वा च पुनर्दुःखं कर्म दृश्येन्महाफलम्
MBh 10.2.14
चेष्टामकुर्वँल्लभते यदि किंचिद्यदृच्छया यो वा न लभते कृत्वा दुर्दशौ तावुभावपि
MBh 10.2.15
शक्नोति जीवितुं दक्षो नालसः सुखमेधते दृश्यन्ते जीवलोकेऽस्मिन्दक्षाः प्रायो हितैषिणः
MBh 10.2.16
यदि दक्षः समारम्भात्कर्मणां नाश्नुते फलम् नास्य वाच्यं भवेत्किंचित्तत्त्वं चाप्यधिगच्छति
MBh 10.2.17
अकृत्वा कर्म यो लोके फलं विन्दति विष्टितः स तु वक्तव्यतां याति द्वेष्यो भवति प्रायशः
MBh 10.2.18
एवमेतदनादृत्य वर्तते यस्त्वतोऽन्यथा स करोत्यात्मनोऽनर्थान्नैष बुद्धिमतां नयः
MBh 10.2.19
हीनं पुरुषकारेण यदा दैवेन वा पुनः कारणाभ्यामथैताभ्यामुत्थानमफलं भवेत् हीनं पुरुषकारेण कर्म त्विह न सिध्यति
MBh 10.2.20
दैवतेभ्यो नमस्कृत्य यस्त्वर्थान्सम्यगीहते दक्षो दाक्षिण्यसंपन्नो न स मोघं विहन्यते
MBh 10.2.21
सम्यगीहा पुनरियं यो वृद्धानुपसेवते आपृच्छति च यच्छ्रेयः करोति च हितं वचः
MBh 10.2.22
उत्थायोत्थाय हि सदा प्रष्टव्या वृद्धसंमताः तेऽस्य योगे परं मूलं तन्मूला सिद्धिरुच्यते
MBh 10.2.23
वृद्धानां वचनं श्रुत्वा यो ह्युत्थानं प्रयोजयेत् उत्थानस्य फलं सम्यक्तदा स लभतेऽचिरात्
MBh 10.2.24
रागात्क्रोधाद्भयाल्लोभाद्योऽर्थानीहेत मानवः अनीशश्चावमानी च स शीघ्रं भ्रश्यते श्रियः
MBh 10.2.25
सोऽयं दुर्योधनेनार्थो लुब्धेनादीर्घदर्शिना असमर्थ्य समारब्धो मूढत्वादविचिन्तितः
MBh 10.2.26
हितबुद्धीननादृत्य संमन्त्र्यासाधुभिः सह वार्यमाणोऽकरोद्वैरं पाण्डवैर्गुणवत्तरैः
MBh 10.2.27
पूर्वमप्यतिदुःशीलो न दैन्यं कर्तुमर्हति तपत्यर्थे विपन्ने हि मित्राणामकृतं वचः
MBh 10.2.28
अन्वावर्तामहि वयं यत्तु तं पापपूरुषम् अस्मानप्यनयस्तस्मात्प्राप्तोऽयं दारुणो महान्
MBh 10.2.29
अनेन तु ममाद्यापि व्यसनेनोपतापिता बुद्धिश्चिन्तयतः किंचित्स्वं श्रेयो नावबुध्यते
MBh 10.2.30
मुह्यता तु मनुष्येण प्रष्टव्याः सुहृदो बुधाः ते च पृष्टा यथा ब्रूयुस्तत्कर्तव्यं तथा भवेत्
MBh 10.2.31
ते वयं धृतराष्ट्रं च गान्धारीं च समेत्य ह उपपृच्छामहे गत्वा विदुरं च महामतिम्
MBh 10.2.32
ते पृष्टाश्च वदेयुर्यच्छ्रेयो नः समनन्तरम् तदस्माभिः पुनः कार्यमिति मे नैष्ठिकी मतिः
MBh 10.2.33
अनारम्भात्तु कार्याणां नार्थः संपद्यते क्वचित् कृते पुरुषकारे च येषां कार्यं न सिध्यति दैवेनोपहतास्ते तु नात्र कार्या विचारणा

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 33 source-pinned Devanāgarī addresses to Sauptika-Parva, the Mahābhārata reading map, and any exact Bhagavad-Gītā correspondence.

MBh 10.2local chapter route · Sauptika-ParvaSauptika-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷