🪷 Mahābhārata · Sauptika-Parva · Chapter 11

The Book of the Sleeping Warriors · Parva 10 · 30 unique Sanskrit addresses · pinned Critical Edition-derived witness

The Devanāgarī Yathārtha · 30 Shlokas

MBh 10.11.1
वैशंपायन उवाच स दृष्ट्वा निहतान्संख्ये पुत्रान्भ्रातॄन्सखींस्तथा महादुःखपरीतात्मा बभूव जनमेजय
MBh 10.11.2
ततस्तस्य महाञ्शोकः प्रादुरासीन्महात्मनः स्मरतः पुत्रपौत्राणां भ्रातॄणां स्वजनस्य ह
MBh 10.11.3
तमश्रुपरिपूर्णाक्षं वेपमानमचेतसम् सुहृदो भृशसंविग्नाः सान्त्वयां चक्रिरे तदा
MBh 10.11.4
ततस्तस्मिन्क्षणे काल्ये रथेनादित्यवर्चसा नकुलः कृष्णया सार्धमुपायात्परमार्तया
MBh 10.11.5
उपप्लव्यगता सा तु श्रुत्वा सुमहदप्रियम् तदा विनाशं पुत्राणां सर्वेषां व्यथिताभवत्
MBh 10.11.6
कम्पमानेव कदली वातेनाभिसमीरिता कृष्णा राजानमासाद्य शोकार्ता न्यपतद्भुवि
MBh 10.11.7
बभूव वदनं तस्याः सहसा शोककर्शितम् फुल्लपद्मपलाशाक्ष्यास्तमोध्वस्त इवांशुमान्
MBh 10.11.8
ततस्तां पतितां दृष्ट्वा संरम्भी सत्यविक्रमः बाहुभ्यां परिजग्राह समुपेत्य वृकोदरः
MBh 10.11.9
सा समाश्वासिता तेन भीमसेनेन भामिनी रुदती पाण्डवं कृष्णा सहभ्रातरमब्रवीत्
MBh 10.11.10
दिष्ट्या राजंस्त्वमद्येमामखिलां भोक्ष्यसे महीम् आत्मजान्क्षत्रधर्मेण संप्रदाय यमाय वै
MBh 10.11.11
दिष्ट्या त्वं पार्थ कुशली मत्तमातङ्गगामिनम् अवाप्य पृथिवीं कृत्स्नां सौभद्रं न स्मरिष्यसि
MBh 10.11.12
आत्मजांस्तेन धर्मेण श्रुत्वा शूरान्निपातितान् उपप्लव्ये मया सार्धं दिष्ट्या त्वं न स्मरिष्यसि
MBh 10.11.13
प्रसुप्तानां वधं श्रुत्वा द्रौणिना पापकर्मणा शोकस्तपति मां पार्थ हुताशन इवाशयम्
MBh 10.11.14
तस्य पापकृतो द्रौणेर्न चेदद्य त्वया मृधे ह्रियते सानुबन्धस्य युधि विक्रम्य जीवितम्
MBh 10.11.15
इहैव प्रायमासिष्ये तन्निबोधत पाण्डवाः न चेत्फलमवाप्नोति द्रौणिः पापस्य कर्मणः
MBh 10.11.16
एवमुक्त्वा ततः कृष्णा पाण्डवं प्रत्युपाविशत् युधिष्ठिरं याज्ञसेनी धर्मराजं यशस्विनी
MBh 10.11.17
दृष्ट्वोपविष्टां राजर्षिः पाण्डवो महिषीं प्रियाम् प्रत्युवाच स धर्मात्मा द्रौपदीं चारुदर्शनाम्
MBh 10.11.18
धर्म्यं धर्मेण धर्मज्ञे प्राप्तास्ते निधनं शुभे पुत्रास्ते भ्रातरश्चैव तान्न शोचितुमर्हसि
MBh 10.11.19
द्रोणपुत्रः स कल्याणि वनं दूरमितो गतः तस्य त्वं पातनं संख्ये कथं ज्ञास्यसि शोभने
MBh 10.11.20
द्रौपद्युवाच द्रोणपुत्रस्य सहजो मणिः शिरसि मे श्रुतः निहत्य संख्ये तं पापं पश्येयं मणिमाहृतम् राजञ्शिरसि तं कृत्वा जीवेयमिति मे मतिः
MBh 10.11.21
वैशंपायन उवाच इत्युक्त्वा पाण्डवं कृष्णा राजानं चारुदर्शना भीमसेनमथाभ्येत्य कुपिता वाक्यमब्रवीत्
MBh 10.11.22
त्रातुमर्हसि मां भीम क्षत्रधर्ममनुस्मरन् जहि तं पापकर्माणं शम्बरं मघवानिव न हि ते विक्रमे तुल्यः पुमानस्तीह कश्चन
MBh 10.11.23
श्रुतं तत्सर्वलोकेषु परमव्यसने यथा द्वीपोऽभूस्त्वं हि पार्थानां नगरे वारणावते हिडिम्बदर्शने चैव तथा त्वमभवो गतिः
MBh 10.11.24
तथा विराटनगरे कीचकेन भृशार्दिताम् मामप्युद्धृतवान्कृच्छ्रात्पौलोमीं मघवानिव
MBh 10.11.25
यथैतान्यकृथाः पार्थ महाकर्माणि वै पुरा तथा द्रौणिममित्रघ्न विनिहत्य सुखी भव
MBh 10.11.26
तस्या बहुविधं दुःखान्निशम्य परिदेवितम् नामर्षयत कौन्तेयो भीमसेनो महाबलः
MBh 10.11.27
स काञ्चनविचित्राङ्गमारुरोह महारथम् आदाय रुचिरं चित्रं समार्गणगुणं धनुः
MBh 10.11.28
नकुलं सारथिं कृत्वा द्रोणपुत्रवधे वृतः विस्फार्य सशरं चापं तूर्णमश्वानचोदयत्
MBh 10.11.29
ते हयाः पुरुषव्याघ्र चोदिता वातरंहसः वेगेन त्वरिता जग्मुर्हरयः शीघ्रगामिनः
MBh 10.11.30
शिबिरात्स्वाद्गृहीत्वा स रथस्य पदमच्युतः द्रोणपुत्ररथस्याशु ययौ मार्गेण वीर्यवान्

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 30 source-pinned Devanāgarī addresses to Sauptika-Parva, the Mahābhārata reading map, and any exact Bhagavad-Gītā correspondence.

MBh 10.11local chapter route · Sauptika-ParvaSauptika-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷