🪷 Mahābhārata · Bhīṣma-Parva · Chapter 53

The Book of Bhīṣma · Parva 6 · 34 unique Sanskrit addresses · pinned Critical Edition-derived witness

The Devanāgarī Yathārtha · 34 Shlokas

MBh 6.53.1
संजय उवाच ततो व्यूढेष्वनीकेषु तावकेष्वितरेषु च धनंजयो रथानीकमवधीत्तव भारत शरैरतिरथो युद्धे पातयन्रथयूथपान्
MBh 6.53.2
ते वध्यमानाः पार्थेन कालेनेव युगक्षये धार्तराष्ट्रा रणे यत्ताः पाण्डवान्प्रत्ययोधयन् प्रार्थयाना यशो दीप्तं मृत्युं कृत्वा निवर्तनम्
MBh 6.53.3
एकाग्रमनसो भूत्वा पाण्डवानां वरूथिनीम् बभञ्जुर्बहुशो राजंस्ते चाभज्यन्त संयुगे
MBh 6.53.4
द्रवद्भिरथ भग्नैश्च परिवर्तद्भिरेव च पाण्डवैः कौरवैश्चैव न प्रज्ञायत किंचन
MBh 6.53.5
उदतिष्ठद्रजो भौमं छादयानं दिवाकरम् दिशः प्रतिदिशो वापि तत्र जज्ञुः कथंचन
MBh 6.53.6
अनुमानेन संज्ञाभिर्नामगोत्रैश्च संयुगे वर्तते स्म तदा युद्धं तत्र तत्र विशां पते
MBh 6.53.7
न व्यूहो भिद्यते तत्र कौरवाणां कथंचन रक्षितः सत्यसंधेन भारद्वाजेन धीमता
MBh 6.53.8
तथैव पाण्डवेयानां रक्षितः सव्यसाचिना नाभिद्यत महाव्यूहो भीमेन च सुरक्षितः
MBh 6.53.9
सेनाग्रादभिनिष्पत्य प्रायुध्यंस्तत्र मानवाः उभयोः सेनयो राजन्व्यतिषक्तरथद्विपाः
MBh 6.53.10
हयारोहैर्हयारोहाः पात्यन्ते स्म महाहवे ऋष्टिभिर्विमलाग्राभिः प्रासैरपि च संयुगे
MBh 6.53.11
रथी रथिनमासाद्य शरैः कनकभूषणैः पातयामास समरे तस्मिन्नतिभयंकरे
MBh 6.53.12
गजारोहा गजारोहान्नाराचशरतोमरैः संसक्ताः पातयामासुस्तव तेषां च संघशः
MBh 6.53.13
पत्तिसंघा रणे पत्तीन्भिण्डिपालपरश्वधैः न्यपातयन्त संहृष्टाः परस्परकृतागसः
MBh 6.53.14
पदाती रथिनं संख्ये रथी चापि पदातिनम् न्यपातयच्छितैः शस्त्रैः सेनयोरुभयोरपि
MBh 6.53.15
गजारोहा हयारोहान्पातयां चक्रिरे तदा हयारोहा गजस्थांश्च तदद्भुतमिवाभवत्
MBh 6.53.16
गजारोहवरैश्चापि तत्र तत्र पदातयः पातिताः समदृश्यन्त तैश्चापि गजयोधिनः
MBh 6.53.17
पत्तिसंघा हयारोहैः सादिसंघाश्च पत्तिभिः पात्यमाना व्यदृश्यन्त शतशोऽथ सहस्रशः
MBh 6.53.18
ध्वजैस्तत्रापविद्धैश्च कार्मुकैस्तोमरैस्तथा प्रासैस्तथा गदाभिश्च परिघैः कम्पनैस्तथा
MBh 6.53.19
शक्तिभिः कवचैश्चित्रैः कणपैरङ्कुशैरपि निस्त्रिंशैर्विमलैश्चापि स्वर्णपुङ्खैः शरैस्तथा
MBh 6.53.20
परिस्तोमैः कुथाभिश्च कम्बलैश्च महाधनैः भूर्भाति भरतश्रेष्ठ स्रग्दामैरिव चित्रिता
MBh 6.53.21
नराश्वकायैः पतितैर्दन्तिभिश्च महाहवे अगम्यरूपा पृथिवी मांसशोणितकर्दमा
MBh 6.53.22
प्रशशाम रजो भौमं व्युक्षितं रणशोणितैः दिशश्च विमलाः सर्वाः संबभूवुर्जनेश्वर
MBh 6.53.23
उत्थितान्यगणेयानि कबन्धानि समन्ततः चिह्नभूतानि जगतो विनाशार्थाय भारत
MBh 6.53.24
तस्मिन्युद्धे महारौद्रे वर्तमाने सुदारुणे प्रत्यदृश्यन्त रथिनो धावमानाः समन्ततः
MBh 6.53.25
ततो द्रोणश्च भीष्मश्च सैन्धवश्च जयद्रथः पुरुमित्रो विकर्णश्च शकुनिश्चापि सौबलः
MBh 6.53.26
एते समरदुर्धर्षाः सिंहतुल्यपराक्रमाः पाण्डवानामनीकानि बभञ्जुः स्म पुनः पुनः
MBh 6.53.27
तथैव भीमसेनोऽपि राक्षसश्च घटोत्कचः सात्यकिश्चेकितानश्च द्रौपदेयाश्च भारत
MBh 6.53.28
तावकांस्तव पुत्रांश्च सहितान्सर्वराजभिः द्रावयामासुराजौ ते त्रिदशा दानवानिव
MBh 6.53.29
तथा ते समरेऽन्योन्यं निघ्नन्तः क्षत्रियर्षभाः रक्तोक्षिता घोररूपा विरेजुर्दानवा इव
MBh 6.53.30
विनिर्जित्य रिपून्वीराः सेनयोरुभयोरपि व्यदृश्यन्त महामात्रा ग्रहा इव नभस्तले
MBh 6.53.31
ततो रथसहस्रेण पुत्रो दुर्योधनस्तव अभ्ययात्पाण्डवान्युद्धे राक्षसं च घटोत्कचम्
MBh 6.53.32
तथैव पाण्डवाः सर्वे महत्या सेनया सह द्रोणभीष्मौ रणे शूरौ प्रत्युद्ययुररिंदमौ
MBh 6.53.33
किरीटी तु ययौ क्रुद्धः समर्थान्पार्थिवोत्तमान् आर्जुनिः सात्यकिश्चैव ययतुः सौबलं बलम्
MBh 6.53.34
ततः प्रववृते भूयः संग्रामो लोमहर्षणः तावकानां परेषां च समरे विजिगीषताम्

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 34 source-pinned Devanāgarī addresses to Bhīṣma-Parva, the Mahābhārata reading map, and any exact Bhagavad-Gītā correspondence.

MBh 6.53local chapter route · Bhīṣma-ParvaBhīṣma-Parvaparent Parva chapter index/mahabharata18-parva Sanskrit reading index with edition and address notesMBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷