🪷 Mahābhārata · Bhīṣma-Parva · Chapter 47

The Book of Bhīṣma · Parva 6 · 30 unique Sanskrit addresses · pinned Critical Edition-derived witness

The Devanāgarī Yathārtha · 30 Shlokas

MBh 6.47.1
संजय उवाच क्रौञ्चं ततो महाव्यूहमभेद्यं तनयस्तव व्यूढं दृष्ट्वा महाघोरं पार्थेनामिततेजसा
MBh 6.47.2
आचार्यमुपसंगम्य कृपं शल्यं च मारिष सौमदत्तिं विकर्णं च अश्वत्थामानमेव च
MBh 6.47.3
दुःशासनादीन्भ्रातॄंश्च स सर्वानेव भारत अन्यांश्च सुबहूञ्शूरान्युद्धाय समुपागतान्
MBh 6.47.4
प्राहेदं वचनं काले हर्षयंस्तनयस्तव नानाशस्त्रप्रहरणाः सर्वे शस्त्रास्त्रवेदिनः
MBh 6.47.5
एकैकशः समर्था हि यूयं सर्वे महारथाः पाण्डुपुत्रान्रणे हन्तुं ससैन्यान्किमु संहताः
MBh 6.47.6
अपर्याप्तं तदस्माकं बलं भीष्माभिरक्षितम् पर्याप्तं त्विदमेतेषां बलं पार्थिवसत्तमाः
MBh 6.47.7
संस्थानाः शूरसेनाश्च वेणिकाः कुकुरास्तथा आरेवकास्त्रिगर्ताश्च मद्रका यवनास्तथा
MBh 6.47.8
शत्रुंजयेन सहितास्तथा दुःशासनेन च विकर्णेन च वीरेण तथा नन्दोपनन्दकैः
MBh 6.47.9
चित्रसेनेन सहिताः सहिताः पाणिभद्रकैः भीष्ममेवाभिरक्षन्तु सह सैन्यपुरस्कृताः
MBh 6.47.10
ततो द्रोणश्च भीष्मश्च तव पुत्रश्च मारिष अव्यूहन्त महाव्यूहं पाण्डूनां प्रतिबाधने
MBh 6.47.11
भीष्मः सैन्येन महता समन्तात्परिवारितः ययौ प्रकर्षन्महतीं वाहिनीं सुरराडिव
MBh 6.47.12
तमन्वयान्महेष्वासो भारद्वाजः प्रतापवान् कुन्तलैश्च दशार्णैश्च मागधैश्च विशां पते
MBh 6.47.13
विदर्भैर्मेकलैश्चैव कर्णप्रावरणैरपि सहिताः सर्वसैन्येन भीष्ममाहवशोभिनम्
MBh 6.47.14
गान्धाराः सिन्धुसौवीराः शिबयोऽथ वसातयः शकुनिश्च स्वसैन्येन भारद्वाजमपालयत्
MBh 6.47.15
ततो दुर्योधनो राजा सहितः सर्वसोदरैः अश्वातकैर्विकर्णैश्च तथा शर्मिलकोसलैः
MBh 6.47.16
दरदैश्चूचुपैश्चैव तथा क्षुद्रकमालवैः अभ्यरक्षत संहृष्टः सौबलेयस्य वाहिनीम्
MBh 6.47.17
भूरिश्रवाः शलः शल्यो भगदत्तश्च मारिष विन्दानुविन्दावावन्त्यौ वामं पार्श्वमपालयन्
MBh 6.47.18
सौमदत्तिः सुशर्मा च काम्बोजश्च सुदक्षिणः शतायुश्च श्रुतायुश्च दक्षिणं पार्श्वमास्थिताः
MBh 6.47.19
अश्वत्थामा कृपश्चैव कृतवर्मा च सात्वतः महत्या सेनया सार्धं सेनापृष्ठे व्यवस्थिताः
MBh 6.47.20
पृष्ठगोपास्तु तस्यासन्नानादेश्या जनेश्वराः केतुमान्वसुदानश्च पुत्रः काश्यस्य चाभिभूः
MBh 6.47.21
ततस्ते तावकाः सर्वे हृष्टा युद्धाय भारत दध्मुः शङ्खान्मुदा युक्ताः सिंहनादांश्च नादयन्
MBh 6.47.22
तेषां श्रुत्वा तु हृष्टानां कुरुवृद्धः पितामहः सिंहनादं विनद्योच्चैः शङ्खं दध्मौ प्रतापवान्
MBh 6.47.23
ततः शङ्खाश्च भेर्यश्च पेश्यश्च विविधाः परैः आनकाश्चाभ्यहन्यन्त स शब्दस्तुमुलोऽभवत्
MBh 6.47.24
ततः श्वेतैर्हयैर्युक्ते महति स्यन्दने स्थितौ प्रदध्मतुः शङ्खवरौ हेमरत्नपरिष्कृतौ
MBh 6.47.25
पाञ्चजन्यं हृषीकेशो देवदत्तं धनंजयः पौण्ड्रं दध्मौ महाशङ्खं भीमकर्मा वृकोदरः
MBh 6.47.26
अनन्तविजयं राजा कुन्तीपुत्रो युधिष्ठिरः नकुलः सहदेवश्च सुघोषमणिपुष्पकौ
MBh 6.47.27
काशिराजश्च शैब्यश्च शिखण्डी च महारथः धृष्टद्युम्नो विराटश्च सात्यकिश्च महायशाः
MBh 6.47.28
पाञ्चाल्यश्च महेष्वासो द्रौपद्याः पञ्च चात्मजाः सर्वे दध्मुर्महाशङ्खान्सिंहनादांश्च नेदिरे
MBh 6.47.29
स घोषः सुमहांस्तत्र वीरैस्तैः समुदीरितः नभश्च पृथिवीं चैव तुमुलो व्यनुनादयत्
MBh 6.47.30
एवमेते महाराज प्रहृष्टाः कुरुपाण्डवाः पुनर्युद्धाय संजग्मुस्तापयानाः परस्परम्

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 30 source-pinned Devanāgarī addresses to Bhīṣma-Parva, the Mahābhārata reading map, and any exact Bhagavad-Gītā correspondence.

MBh 6.47local chapter route · Bhīṣma-ParvaBhīṣma-Parvaparent Parva chapter index/mahabharata18-parva Sanskrit reading index with edition and address notesMBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷