🪷 Mahābhārata · Aśvamedhika-Parva · Chapter 36

The Book of the Horse-Sacrifice · Parva 14 · 36 unique Sanskrit addresses · pinned Critical Edition-derived witness

The Devanāgarī Yathārtha · 36 Shlokas

MBh 14.36.1
ब्रह्मोवाच तदव्यक्तमनुद्रिक्तं सर्वव्यापि ध्रुवं स्थिरम् नवद्वारं पुरं विद्यात्त्रिगुणं पञ्चधातुकम्
MBh 14.36.2
एकादशपरिक्षेपं मनो व्याकरणात्मकम् बुद्धिस्वामिकमित्येतत्परमेकादशं भवेत्
MBh 14.36.3
त्रीणि स्रोतांसि यान्यस्मिन्नाप्यायन्ते पुनः पुनः प्रणाड्यस्तिस्र एवैताः प्रवर्तन्ते गुणात्मिकाः
MBh 14.36.4
तमो रजस्तथा सत्त्वं गुणानेतान्प्रचक्षते अन्योन्यमिथुनाः सर्वे तथान्योन्यानुजीविनः
MBh 14.36.5
अन्योन्यापाश्रयाश्चैव तथान्योन्यानुवर्तिनः अन्योन्यव्यतिषक्ताश्च त्रिगुणाः पञ्च धातवः
MBh 14.36.6
तमसो मिथुनं सत्त्वं सत्त्वस्य मिथुनं रजः रजसश्चापि सत्त्वं स्यात्सत्त्वस्य मिथुनं तमः
MBh 14.36.7
नियम्यते तमो यत्र रजस्तत्र प्रवर्तते नियम्यते रजो यत्र सत्त्वं तत्र प्रवर्तते
MBh 14.36.8
नैशात्मकं तमो विद्यात्त्रिगुणं मोहसंज्ञितम् अधर्मलक्षणं चैव नियतं पापकर्मसु
MBh 14.36.9
प्रवृत्त्यात्मकमेवाहू रजः पर्यायकारकम् प्रवृत्तं सर्वभूतेषु दृश्यतोत्पत्तिलक्षणम्
MBh 14.36.10
प्रकाशं सर्वभूतेषु लाघवं श्रद्दधानता सात्त्विकं रूपमेवं तु लाघवं साधुसंमितम्
MBh 14.36.11
एतेषां गुणतत्त्वं हि वक्ष्यते हेत्वहेतुभिः समासव्यासयुक्तानि तत्त्वतस्तानि वित्त मे
MBh 14.36.12
संमोहोऽज्ञानमत्यागः कर्मणामविनिर्णयः स्वप्नः स्तम्भो भयं लोभः शोकः सुकृतदूषणम्
MBh 14.36.13
अस्मृतिश्चाविपाकश्च नास्तिक्यं भिन्नवृत्तिता निर्विशेषत्वमन्धत्वं जघन्यगुणवृत्तिता
MBh 14.36.14
अकृते कृतमानित्वमज्ञाने ज्ञानमानिता अमैत्री विकृतो भावो अश्रद्धा मूढभावना
MBh 14.36.15
अनार्जवमसंज्ञत्वं कर्म पापमचेतना गुरुत्वं सन्नभावत्वमसितत्वमवाग्गतिः
MBh 14.36.16
सर्व एते गुणा विप्रास्तामसाः संप्रकीर्तिताः ये चान्ये नियता भावा लोकेऽस्मिन्मोहसंज्ञिताः
MBh 14.36.17
तत्र तत्र नियम्यन्ते सर्वे ते तामसा गुणाः परिवादकथा नित्यं देवब्राह्मणवैदिकाः
MBh 14.36.18
अत्यागश्चाभिमानश्च मोहो मन्युस्तथाक्षमा मत्सरश्चैव भूतेषु तामसं वृत्तमिष्यते
MBh 14.36.19
वृथारम्भाश्च ये केचिद्वृथादानानि यानि च वृथाभक्षणमित्येतत्तामसं वृत्तमिष्यते
MBh 14.36.20
अतिवादोऽतितिक्षा च मात्सर्यमतिमानिता अश्रद्दधानता चैव तामसं वृत्तमिष्यते
MBh 14.36.21
एवंविधास्तु ये केचिल्लोकेऽस्मिन्पापकर्मिणः मनुष्या भिन्नमर्यादाः सर्वे ते तामसा जनाः
MBh 14.36.22
तेषां योनिं प्रवक्ष्यामि नियतां पापकर्मणाम् अवाङ्निरयभावाय तिर्यङ्निरयगामिनः
MBh 14.36.23
स्थावराणि च भूतानि पशवो वाहनानि च क्रव्यादा दन्दशूकाश्च कृमिकीटविहंगमाः
MBh 14.36.24
अण्डजा जन्तवो ये च सर्वे चापि चतुष्पदाः उन्मत्ता बधिरा मूका ये चान्ये पापरोगिणः
MBh 14.36.25
मग्नास्तमसि दुर्वृत्ताः स्वकर्मकृतलक्षणाः अवाक्स्रोतस इत्येते मग्नास्तमसि तामसाः
MBh 14.36.26
तेषामुत्कर्षमुद्रेकं वक्ष्याम्यहमतः परम् यथा ते सुकृताँल्लोकाँल्लभन्ते पुण्यकर्मिणः
MBh 14.36.27
अन्यथा प्रतिपन्नास्तु विवृद्धा ये च कर्मसु स्वकर्मनिरतानां च ब्राह्मणानां शुभैषिणाम्
MBh 14.36.28
संस्कारेणोर्ध्वमायान्ति यतमानाः सलोकताम् स्वर्गं गच्छन्ति देवानामित्येषा वैदिकी श्रुतिः
MBh 14.36.29
अन्यथा प्रतिपन्नास्तु विवृद्धाः स्वेषु कर्मसु पुनरावृत्तिधर्माणस्ते भवन्तीह मानुषाः
MBh 14.36.30
पापयोनिं समापन्नाश्चण्डाला मूकचूचुकाः वर्णान्पर्यायशश्चापि प्राप्नुवन्त्युत्तरोत्तरम्
MBh 14.36.31
शूद्रयोनिमतिक्रम्य ये चान्ये तामसा गुणाः स्रोतोमध्ये समागम्य वर्तन्ते तामसे गुणे
MBh 14.36.32
अभिषङ्गस्तु कामेषु महामोह इति स्मृतः ऋषयो मुनयो देवा मुह्यन्त्यत्र सुखेप्सवः
MBh 14.36.33
तमो मोहो महामोहस्तामिस्रः क्रोधसंज्ञितः मरणं त्वन्धतामिस्रं तामिस्रं क्रोध उच्यते
MBh 14.36.34
भावतो गुणतश्चैव योनितश्चैव तत्त्वतः सर्वमेतत्तमो विप्राः कीर्तितं वो यथाविधि
MBh 14.36.35
को न्वेतद्बुध्यते साधु को न्वेतत्साधु पश्यति अतत्त्वे तत्त्वदर्शी यस्तमसस्तत्त्वलक्षणम्
MBh 14.36.36
तमोगुणा वो बहुधा प्रकीर्तिता; यथावदुक्तं च तमः परावरम् नरो हि यो वेद गुणानिमान्सदा; स तामसैः सर्वगुणैः प्रमुच्यते

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 36 source-pinned Devanāgarī addresses to Aśvamedhika-Parva, the Mahābhārata reading map, and any exact Bhagavad-Gītā correspondence.

MBh 14.36local chapter route · Aśvamedhika-ParvaAśvamedhika-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷