🪷 Mahābhārata · Āśramavāsika-Parva · Chapter 8

The Book of Hermitage Residence · Parva 15 · 22 unique Sanskrit addresses · pinned Critical Edition-derived witness

The Devanāgarī Yathārtha · 22 Shlokas

MBh 15.8.1
व्यास उवाच युधिष्ठिर महाबाहो यदाह कुरुनन्दनः धृतराष्ट्रो महात्मा त्वां तत्कुरुष्वाविचारयन्
MBh 15.8.2
अयं हि वृद्धो नृपतिर्हतपुत्रो विशेषतः नेदं कृच्छ्रं चिरतरं सहेदिति मतिर्मम
MBh 15.8.3
गान्धारी च महाभागा प्राज्ञा करुणवेदिनी पुत्रशोकं महाराज धैर्येणोद्वहते भृशम्
MBh 15.8.4
अहमप्येतदेव त्वां ब्रवीमि कुरु मे वचः अनुज्ञां लभतां राजा मा वृथेह मरिष्यति
MBh 15.8.5
राजर्षीणां पुराणानामनुयातु गतिं नृपः राजर्षीणां हि सर्वेषामन्ते वनमुपाश्रयः
MBh 15.8.6
वैशंपायन उवाच इत्युक्तः स तदा राजा व्यासेनाद्भुतकर्मणा प्रत्युवाच महातेजा धर्मराजो युधिष्ठिरः
MBh 15.8.7
भगवानेव नो मान्यो भगवानेव नो गुरुः भगवानस्य राज्यस्य कुलस्य च परायणम्
MBh 15.8.8
अहं तु पुत्रो भगवान्पिता राजा गुरुश्च मे निदेशवर्ती च पितुः पुत्रो भवति धर्मतः
MBh 15.8.9
इत्युक्तः स तु तं प्राह व्यासो धर्मभृतां वरः युधिष्ठिरं महातेजाः पुनरेव विशां पते
MBh 15.8.10
एवमेतन्महाबाहो यथा वदसि भारत राजायं वृद्धतां प्राप्तः प्रमाणे परमे स्थितः
MBh 15.8.11
सोऽयं मयाभ्यनुज्ञातस्त्वया च पृथिवीपते करोतु स्वमभिप्रायं मास्य विघ्नकरो भव
MBh 15.8.12
एष एव परो धर्मो राजर्षीणां युधिष्ठिर समरे वा भवेन्मृत्युर्वने वा विधिपूर्वकम्
MBh 15.8.13
पित्रा तु तव राजेन्द्र पाण्डुना पृथिवीक्षिता शिष्यभूतेन राजायं गुरुवत्पर्युपासितः
MBh 15.8.14
क्रतुभिर्दक्षिणावद्भिरन्नपर्वतशोभितैः महद्भिरिष्टं भोगाश्च भुक्ताः पुत्राश्च पालिताः
MBh 15.8.15
पुत्रसंस्थं च विपुलं राज्यं विप्रोषिते त्वयि त्रयोदशसमा भुक्तं दत्तं च विविधं वसु
MBh 15.8.16
त्वया चायं नरव्याघ्र गुरुशुश्रूषया नृपः आराधितः सभृत्येन गान्धारी च यशस्विनी
MBh 15.8.17
अनुजानीहि पितरं समयोऽस्य तपोविधौ न मन्युर्विद्यते चास्य सुसूक्ष्मोऽपि युधिष्ठिर
MBh 15.8.18
एतावदुक्त्वा वचनमनुज्ञाप्य च पार्थिवम् तथास्त्विति च तेनोक्तः कौन्तेयेन ययौ वनम्
MBh 15.8.19
गते भगवति व्यासे राजा पाण्डुसुतस्ततः प्रोवाच पितरं वृद्धं मन्दं मन्दमिवानतः
MBh 15.8.20
यदाह भगवान्व्यासो यच्चापि भवतो मतम् यदाह च महेष्वासः कृपो विदुर एव च
MBh 15.8.21
युयुत्सुः संजयश्चैव तत्कर्तास्म्यहमञ्जसा सर्वे ह्येतेऽनुमान्या मे कुलस्यास्य हितैषिणः
MBh 15.8.22
इदं तु याचे नृपते त्वामहं शिरसा नतः क्रियतां तावदाहारस्ततो गच्छाश्रमं प्रति

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 22 source-pinned Devanāgarī addresses to Āśramavāsika-Parva, the Mahābhārata reading map, and any exact Bhagavad-Gītā correspondence.

MBh 15.8local chapter route · Āśramavāsika-ParvaĀśramavāsika-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷