🪷 Mahābhārata · Āśramavāsika-Parva · Chapter 25

The Book of Hermitage Residence · Parva 15 · 18 unique Sanskrit addresses · pinned Critical Edition-derived witness

The Devanāgarī Yathārtha · 18 Shlokas

MBh 15.25.1
वैशंपायन उवाच ततो भागीरथीतीरे मेध्ये पुण्यजनोचिते निवासमकरोद्राजा विदुरस्य मते स्थितः
MBh 15.25.2
तत्रैनं पर्युपातिष्ठन्ब्राह्मणा राष्ट्रवासिनः क्षत्रविट्शूद्रसंघाश्च बहवो भरतर्षभ
MBh 15.25.3
स तैः परिवृतो राजा कथाभिरभिनन्द्य तान् अनुजज्ञे सशिष्यान्वै विधिवत्प्रतिपूज्य च
MBh 15.25.4
सायाह्ने स महीपालस्ततो गङ्गामुपेत्य ह चकार विधिवच्छौचं गान्धारी च यशस्विनी
MBh 15.25.5
तथैवान्ये पृथक्सर्वे तीर्थेष्वाप्लुत्य भारत चक्रुः सर्वाः क्रियास्तत्र पुरुषा विदुरादयः
MBh 15.25.6
कृतशौचं ततो वृद्धं श्वशुरं कुन्तिभोजजा गान्धारीं च पृथा राजन्गङ्गातीरमुपानयत्
MBh 15.25.7
राज्ञस्तु याजकैस्तत्र कृतो वेदीपरिस्तरः जुहाव तत्र वह्निं स नृपतिः सत्यसंगरः
MBh 15.25.8
ततो भागीरथीतीरात्कुरुक्षेत्रं जगाम सः सानुगो नृपतिर्विद्वान्नियतः संयतेन्द्रियः
MBh 15.25.9
तत्राश्रमपदं धीमानभिगम्य स पार्थिवः आससादाथ राजर्षिः शतयूपं मनीषिणम्
MBh 15.25.10
स हि राजा महानासीत्केकयेषु परंतपः स पुत्रं मनुजैश्वर्ये निवेश्य वनमाविशत्
MBh 15.25.11
तेनासौ सहितो राजा ययौ व्यासाश्रमं तदा तत्रैनं विधिवद्राजन्प्रत्यगृह्णात्कुरूद्वहम्
MBh 15.25.12
स दीक्षां तत्र संप्राप्य राजा कौरवनन्दनः शतयूपाश्रमे तस्मिन्निवासमकरोत्तदा
MBh 15.25.13
तस्मै सर्वं विधिं राजन्राजाचख्यौ महामतिः आरण्यकं महाराज व्यासस्यानुमते तदा
MBh 15.25.14
एवं स तपसा राजा धृतराष्ट्रो महामनाः योजयामास चात्मानं तांश्चाप्यनुचरांस्तदा
MBh 15.25.15
तथैव देवी गान्धारी वल्कलाजिनवासिनी कुन्त्या सह महाराज समानव्रतचारिणी
MBh 15.25.16
कर्मणा मनसा वाचा चक्षुषा चापि ते नृप संनियम्येन्द्रियग्राममास्थिताः परमं तपः
MBh 15.25.17
त्वगस्थिभूतः परिशुष्कमांसो; जटाजिनी वल्कलसंवृताङ्गः स पार्थिवस्तत्र तपश्चचार; महर्षिवत्तीव्रमपेतदोषः
MBh 15.25.18
क्षत्ता च धर्मार्थविदग्र्यबुद्धिः; ससंजयस्तं नृपतिं सदारम् उपाचरद्घोरतपो जितात्मा; तदा कृशो वल्कलचीरवासाः

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 18 source-pinned Devanāgarī addresses to Āśramavāsika-Parva, the Mahābhārata reading map, and any exact Bhagavad-Gītā correspondence.

MBh 15.25local chapter route · Āśramavāsika-ParvaĀśramavāsika-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷