🪷 Mahābhārata · Anuśāsana-Parva · Chapter 75

The Book of the Final Teaching · Parva 13 · 31 unique Sanskrit addresses · pinned Critical Edition-derived witness

The Devanāgarī Yathārtha · 31 Shlokas

MBh 13.75.1
युधिष्ठिर उवाच विधिं गवां परमहं श्रोतुमिच्छामि तत्त्वतः येन ताञ्शाश्वताँल्लोकानखिलानश्नुवीमहि
MBh 13.75.2
भीष्म उवाच न गोदानात्परं किंचिद्विद्यते वसुधाधिप गौर्हि न्यायागता दत्ता सद्यस्तारयते कुलम्
MBh 13.75.3
सतामर्थे सम्यगुत्पादितो यः; स वै कॢप्तः सम्यगिष्टः प्रजाभ्यः तस्मात्पूर्वं ह्यादिकाले प्रवृत्तं; गवां दाने शृणु राजन्विधिं मे
MBh 13.75.4
पुरा गोषूपनीतासु गोषु संदिग्धदर्शिना मान्धात्रा प्रकृतं प्रश्नं बृहस्पतिरभाषत
MBh 13.75.5
द्विजातिमभिसत्कृत्य श्वः कालमभिवेद्य च प्रदानार्थे नियुञ्जीत रोहिणीं नियतव्रतः
MBh 13.75.6
आह्वानं च प्रयुञ्जीत समङ्गे बहुलेति च प्रविश्य च गवां मध्यमिमां श्रुतिमुदाहरेत्
MBh 13.75.7
गौर्मे माता गोवृषभः पिता मे; दिवं शर्म जगती मे प्रतिष्ठा प्रपद्यैवं शर्वरीमुष्य गोषु; मुनिर्वाणीमुत्सृजेद्गोप्रदाने
MBh 13.75.8
स तामेकां निशां गोभिः समसख्यः समव्रतः ऐकात्म्यगमनात्सद्यः कल्मषाद्विप्रमुच्यते
MBh 13.75.9
उत्सृष्टवृषवत्सा हि प्रदेया सूर्यदर्शने त्रिविधं प्रतिपत्तव्यमर्थवादाशिषः स्तवाः
MBh 13.75.10
ऊर्जस्विन्य ऊर्जमेधाश्च यज्ञो; गर्भोऽमृतस्य जगतश्च प्रतिष्ठा क्षितौ राधःप्रभवः शश्वदेव; प्राजापत्याः सर्वमित्यर्थवादः
MBh 13.75.11
गावो ममैनः प्रणुदन्तु सौर्या;स्तथा सौम्याः स्वर्गयानाय सन्तु आम्नाता मे ददतीराश्रयं तु; तथानुक्ताः सन्तु सर्वाशिषो मे
MBh 13.75.12
शेषोत्सर्गे कर्मभिर्देहमोक्षे; सरस्वत्यः श्रेयसि संप्रवृत्ताः यूयं नित्यं पुण्यकर्मोपवाह्या; दिशध्वं मे गतिमिष्टां प्रपन्नाः
MBh 13.75.13
या वै यूयं सोऽहमद्यैकभावो; युष्मान्दत्त्वा चाहमात्मप्रदाता मनश्च्युता मनएवोपपन्नाः; संधुक्षध्वं सौम्यरूपोग्ररूपाः
MBh 13.75.14
एवं तस्याग्रे पूर्वमर्धं वदेत; गवां दाता विधिवत्पूर्वदृष्टम् प्रतिब्रूयाच्छेषमर्धं द्विजातिः; प्रतिगृह्णन्वै गोप्रदाने विधिज्ञः
MBh 13.75.15
गां ददानीति वक्तव्यमर्घ्यवस्त्रवसुप्रदः ऊधस्या भरितव्या च वैष्णवीति च चोदयेत्
MBh 13.75.16
नाम संकीर्तयेत्तस्या यथासंख्योत्तरं स वै फलं षड्विंशदष्टौ च सहस्राणि च विंशतिः
MBh 13.75.17
एवमेतान्गुणान्वृद्धान्गवादीनां यथाक्रमम् गोप्रदाता समाप्नोति समस्तानष्टमे क्रमे
MBh 13.75.18
गोदः शीली निर्भयश्चार्घदाता; न स्याद्दुःखी वसुदाता च कामी ऊधस्योढा भारत यश्च विद्वा;न्व्याख्यातास्ते वैष्णवाश्चन्द्रलोकाः
MBh 13.75.19
गा वै दत्त्वा गोव्रती स्यात्त्रिरात्रं; निशां चैकां संवसेतेह ताभिः काम्याष्टम्यां वर्तितव्यं त्रिरात्रं; रसैर्वा गोः शकृता प्रस्नवैर्वा
MBh 13.75.20
वेदव्रती स्याद्वृषभप्रदाता; वेदावाप्तिर्गोयुगस्य प्रदाने तथा गवां विधिमासाद्य यज्वा; लोकानग्र्यान्विन्दते नाविधिज्ञः
MBh 13.75.21
कामान्सर्वान्पार्थिवानेकसंस्था;न्यो वै दद्यात्कामदुघां च धेनुम् सम्यक्ताः स्युर्हव्यकव्यौघवत्य;स्तासामुक्ष्णां ज्यायसां संप्रदानम्
MBh 13.75.22
न चाशिष्यायाव्रतायोपकुर्या;न्नाश्रद्दधानाय न वक्रबुद्धये गुह्यो ह्ययं सर्वलोकस्य धर्मो; नेमं धर्मं यत्र तत्र प्रजल्पेत्
MBh 13.75.23
सन्ति लोके श्रद्दधाना मनुष्याः; सन्ति क्षुद्रा राक्षसा मानुषेषु येषां दानं दीयमानं ह्यनिष्टं; नास्तिक्यं चाप्याश्रयन्ते ह्यपुण्याः
MBh 13.75.24
बार्हस्पत्यं वाक्यमेतन्निशम्य; ये राजानो गोप्रदानानि कृत्वा लोकान्प्राप्ताः पुण्यशीलाः सुवृत्ता;स्तान्मे राजन्कीर्त्यमानान्निबोध
MBh 13.75.25
उशीनरो विष्वगश्वो नृगश्च; भगीरथो विश्रुतो यौवनाश्वः मान्धाता वै मुचुकुन्दश्च राजा; भूरिद्युम्नो नैषधः सोमकश्च
MBh 13.75.26
पुरूरवा भरतश्चक्रवर्ती; यस्यान्वये भारताः सर्व एव तथा वीरो दाशरथिश्च रामो; ये चाप्यन्ये विश्रुताः कीर्तिमन्तः
MBh 13.75.27
तथा राजा पृथुकर्मा दिलीपो; दिवं प्राप्तो गोप्रदाने विधिज्ञः यज्ञैर्दानैस्तपसा राजधर्मै;र्मान्धाताभूद्गोप्रदानैश्च युक्तः
MBh 13.75.28
तस्मात्पार्थ त्वमपीमां मयोक्तां; बार्हस्पतीं भारतीं धारयस्व द्विजाग्र्येभ्यः संप्रयच्छ प्रतीतो; गाः पुण्या वै प्राप्य राज्यं कुरूणाम्
MBh 13.75.29
वैशंपायन उवाच तथा सर्वं कृतवान्धर्मराजो; भीष्मेणोक्तो विधिवद्गोप्रदाने स मान्धातुर्देवदेवोपदिष्टं; सम्यग्धर्मं धारयामास राजा
MBh 13.75.30
इति नृप सततं गवां प्रदाने; यवशकलान्सह गोमयैः पिबानः क्षितितलशयनः शिखी यतात्मा; वृष इव राजवृषस्तदा बभूव
MBh 13.75.31
स नृपतिरभवत्सदैव ताभ्यः; प्रयतमना ह्यभिसंस्तुवंश्च गा वै नृपधुरि च न गामयुङ्क्त भूय;स्तुरगवरैरगमच्च यत्र तत्र

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 31 source-pinned Devanāgarī addresses to Anuśāsana-Parva, the Mahābhārata reading map, and any exact Bhagavad-Gītā correspondence.

MBh 13.75local chapter route · Anuśāsana-ParvaAnuśāsana-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷