🪷 Mahābhārata · Anuśāsana-Parva · Chapter 52

The Book of the Final Teaching · Parva 13 · 39 unique Sanskrit addresses · pinned Critical Edition-derived witness

The Devanāgarī Yathārtha · 39 Shlokas

MBh 13.52.1
युधिष्ठिर उवाच संशयो मे महाप्राज्ञ सुमहान्सागरोपमः तन्मे शृणु महाबाहो श्रुत्वा चाख्यातुमर्हसि
MBh 13.52.2
कौतूहलं मे सुमहज्जामदग्न्यं प्रति प्रभो रामं धर्मभृतां श्रेष्ठं तन्मे व्याख्यातुमर्हसि
MBh 13.52.3
कथमेष समुत्पन्नो रामः सत्यपराक्रमः कथं ब्रह्मर्षिवंशे च क्षत्रधर्मा व्यजायत
MBh 13.52.4
तदस्य संभवं राजन्निखिलेनानुकीर्तय कौशिकाच्च कथं वंशात्क्षत्राद्वै ब्राह्मणोऽभवत्
MBh 13.52.5
अहो प्रभावः सुमहानासीद्वै सुमहात्मनोः रामस्य च नरव्याघ्र विश्वामित्रस्य चैव ह
MBh 13.52.6
कथं पुत्रानतिक्रम्य तेषां नप्तृष्वथाभवत् एष दोषः सुतान्हित्वा तन्मे व्याख्यातुमर्हसि
MBh 13.52.7
भीष्म उवाच अत्राप्युदाहरन्तीममितिहासं पुरातनम् च्यवनस्य च संवादं कुशिकस्य च भारत
MBh 13.52.8
एतं दोषं पुरा दृष्ट्वा भार्गवश्च्यवनस्तदा आगामिनं महाबुद्धिः स्ववंशे मुनिपुंगवः
MBh 13.52.9
संचिन्त्य मनसा सर्वं गुणदोषबलाबलम् दग्धुकामः कुलं सर्वं कुशिकानां तपोधनः
MBh 13.52.10
च्यवनस्तमनुप्राप्य कुशिकं वाक्यमब्रवीत् वस्तुमिच्छा समुत्पन्ना त्वया सह ममानघ
MBh 13.52.11
कुशिक उवाच भगवन्सहधर्मोऽयं पण्डितैरिह धार्यते प्रदानकाले कन्यानामुच्यते च सदा बुधैः
MBh 13.52.12
यत्तु तावदतिक्रान्तं धर्मद्वारं तपोधन तत्कार्यं प्रकरिष्यामि तदनुज्ञातुमर्हसि
MBh 13.52.13
भीष्म उवाच अथासनमुपादाय च्यवनस्य महामुनेः कुशिको भार्यया सार्धमाजगाम यतो मुनिः
MBh 13.52.14
प्रगृह्य राजा भृङ्गारं पाद्यमस्मै न्यवेदयत् कारयामास सर्वाश्च क्रियास्तस्य महात्मनः
MBh 13.52.15
ततः स राजा च्यवनं मधुपर्कं यथाविधि प्रत्यग्राहयदव्यग्रो महात्मा नियतव्रतः
MBh 13.52.16
सत्कृत्य स तथा विप्रमिदं वचनमब्रवीत् भगवन्परवन्तौ स्वो ब्रूहि किं करवावहे
MBh 13.52.17
यदि राज्यं यदि धनं यदि गाः संशितव्रत यज्ञदानानि च तथा ब्रूहि सर्वं ददामि ते
MBh 13.52.18
इदं गृहमिदं राज्यमिदं धर्मासनं च ते राजा त्वमसि शाध्युर्वीं भृत्योऽहं परवांस्त्वयि
MBh 13.52.19
एवमुक्ते ततो वाक्ये च्यवनो भार्गवस्तदा कुशिकं प्रत्युवाचेदं मुदा परमया युतः
MBh 13.52.20
न राज्यं कामये राजन्न धनं न च योषितः न च गा न च ते देशान्न यज्ञाञ्श्रूयतामिदम्
MBh 13.52.21
नियमं कंचिदारप्स्ये युवयोर्यदि रोचते परिचर्योऽस्मि यत्ताभ्यां युवाभ्यामविशङ्कया
MBh 13.52.22
एवमुक्ते तदा तेन दंपती तौ जहर्षतुः प्रत्यब्रूतां च तमृषिमेवमस्त्विति भारत
MBh 13.52.23
अथ तं कुशिको हृष्टः प्रावेशयदनुत्तमम् गृहोद्देशं ततस्तत्र दर्शनीयमदर्शयत्
MBh 13.52.24
इयं शय्या भगवतो यथाकाममिहोष्यताम् प्रयतिष्यावहे प्रीतिमाहर्तुं ते तपोधन
MBh 13.52.25
अथ सूर्योऽतिचक्राम तेषां संवदतां तथा अथर्षिश्चोदयामास पानमन्नं तथैव च
MBh 13.52.26
तमपृच्छत्ततो राजा कुशिकः प्रणतस्तदा किमन्नजातमिष्टं ते किमुपस्थापयाम्यहम्
MBh 13.52.27
ततः स परया प्रीत्या प्रत्युवाच जनाधिपम् औपपत्तिकमाहारं प्रयच्छस्वेति भारत
MBh 13.52.28
तद्वचः पूजयित्वा तु तथेत्याह स पार्थिवः यथोपपन्नं चाहारं तस्मै प्रादाज्जनाधिपः
MBh 13.52.29
ततः स भगवान्भुक्त्वा दंपती प्राह धर्मवित् स्वप्तुमिच्छाम्यहं निद्रा बाधते मामिति प्रभो
MBh 13.52.30
ततः शय्यागृहं प्राप्य भगवानृषिसत्तमः संविवेश नरेन्द्रस्तु सपत्नीकः स्थितोऽभवत्
MBh 13.52.31
न प्रबोध्योऽस्मि संसुप्त इत्युवाचाथ भार्गवः संवाहितव्यौ पादौ मे जागर्तव्यं च वां निशि
MBh 13.52.32
अविशङ्कश्च कुशिकस्तथेत्याह स धर्मवित् न प्रबोधयतां तं च तौ तदा रजनीक्षये
MBh 13.52.33
यथादेशं महर्षेस्तु शुश्रूषापरमौ तदा बभूवतुर्महाराज प्रयतावथ दंपती
MBh 13.52.34
ततः स भगवान्विप्रः समादिश्य नराधिपम् सुष्वापैकेन पार्श्वेन दिवसानेकविंशतिम्
MBh 13.52.35
स तु राजा निराहारः सभार्यः कुरुनन्दन पर्युपासत तं हृष्टश्च्यवनाराधने रतः
MBh 13.52.36
भार्गवस्तु समुत्तस्थौ स्वयमेव तपोधनः अकिंचिदुक्त्वा तु गृहान्निश्चक्राम महातपाः
MBh 13.52.37
तमन्वगच्छतां तौ तु क्षुधितौ श्रमकर्शितौ भार्यापती मुनिश्रेष्ठो न च ताववलोकयत्
MBh 13.52.38
तयोस्तु प्रेक्षतोरेव भार्गवाणां कुलोद्वहः अन्तर्हितोऽभूद्राजेन्द्र ततो राजापतत्क्षितौ
MBh 13.52.39
स मुहूर्तं समाश्वस्य सह देव्या महाद्युतिः पुनरन्वेषणे यत्नमकरोत्परमं तदा

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 39 source-pinned Devanāgarī addresses to Anuśāsana-Parva, the Mahābhārata reading map, and any exact Bhagavad-Gītā correspondence.

MBh 13.52local chapter route · Anuśāsana-ParvaAnuśāsana-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷