🪷 Mahābhārata · Ādi-Parva · Chapter 121

The Book of the Beginning · Parva 1 · 23 unique Sanskrit addresses · pinned Critical Edition-derived witness

The Devanāgarī Yathārtha · 23 Shlokas

MBh 1.121.1
वैशंपायन उवाच विशेषार्थी ततो भीष्मः पौत्राणां विनयेप्सया इष्वस्त्रज्ञान्पर्यपृच्छदाचार्यान्वीर्यसंमतान्
MBh 1.121.2
नाल्पधीर्नामहाभागस्तथानानास्त्रकोविदः नादेवसत्त्वो विनयेत्कुरूनस्त्रे महाबलान्
MBh 1.121.3
महर्षिस्तु भरद्वाजो हविर्धाने चरन्पुरा ददर्शाप्सरसं साक्षाद्घृताचीमाप्लुतामृषिः
MBh 1.121.4
तस्या वायुः समुद्धूतो वसनं व्यपकर्षत ततोऽस्य रेतश्चस्कन्द तदृषिर्द्रोण आदधे
MBh 1.121.5
तस्मिन्समभवद्द्रोणः कलशे तस्य धीमतः अध्यगीष्ट स वेदांश्च वेदाङ्गानि च सर्वशः
MBh 1.121.6
अग्निवेश्यं महाभागं भरद्वाजः प्रतापवान् प्रत्यपादयदाग्नेयमस्त्रं धर्मभृतां वरः
MBh 1.121.7
अग्निष्टुज्जातः स मुनिस्ततो भरतसत्तम भारद्वाजं तदाग्नेयं महास्त्रं प्रत्यपादयत्
MBh 1.121.8
भरद्वाजसखा चासीत्पृषतो नाम पार्थिवः तस्यापि द्रुपदो नाम तदा समभवत्सुतः
MBh 1.121.9
स नित्यमाश्रमं गत्वा द्रोणेन सह पार्षतः चिक्रीडाध्ययनं चैव चकार क्षत्रियर्षभः
MBh 1.121.10
ततो व्यतीते पृषते स राजा द्रुपदोऽभवत् पाञ्चालेषु महाबाहुरुत्तरेषु नरेश्वरः
MBh 1.121.11
भरद्वाजोऽपि भगवानारुरोह दिवं तदा ततः पितृनियुक्तात्मा पुत्रलोभान्महायशाः शारद्वतीं ततो द्रोणः कृपीं भार्यामविन्दत
MBh 1.121.12
अग्निहोत्रे च धर्मे च दमे च सततं रता अलभद्गौतमी पुत्रमश्वत्थामानमेव च
MBh 1.121.13
स जातमात्रो व्यनदद्यथैवोच्चैःश्रवा हयः तच्छ्रुत्वान्तर्हितं भूतमन्तरिक्षस्थमब्रवीत्
MBh 1.121.14
अश्वस्येवास्य यत्स्थाम नदतः प्रदिशो गतम् अश्वत्थामैव बालोऽयं तस्मान्नाम्ना भविष्यति
MBh 1.121.15
सुतेन तेन सुप्रीतो भारद्वाजस्ततोऽभवत् तत्रैव च वसन्धीमान्धनुर्वेदपरोऽभवत्
MBh 1.121.16
स शुश्राव महात्मानं जामदग्न्यं परंतपम् ब्राह्मणेभ्यस्तदा राजन्दित्सन्तं वसु सर्वशः
MBh 1.121.17
वनं तु प्रस्थितं रामं भारद्वाजस्तदाब्रवीत् आगतं वित्तकामं मां विद्धि द्रोणं द्विजर्षभम्
MBh 1.121.18
राम उवाच हिरण्यं मम यच्चान्यद्वसु किंचन विद्यते ब्राह्मणेभ्यो मया दत्तं सर्वमेव तपोधन
MBh 1.121.19
तथैवेयं धरा देवी सागरान्ता सपत्तना कश्यपाय मया दत्ता कृत्स्ना नगरमालिनी
MBh 1.121.20
शरीरमात्रमेवाद्य मयेदमवशेषितम् अस्त्राणि च महार्हाणि शस्त्राणि विविधानि च वृणीष्व किं प्रयच्छामि तुभ्यं द्रोण वदाशु तत्
MBh 1.121.21
द्रोण उवाच अस्त्राणि मे समग्राणि ससंहाराणि भार्गव सप्रयोगरहस्यानि दातुमर्हस्यशेषतः
MBh 1.121.22
वैशंपायन उवाच तथेत्युक्त्वा ततस्तस्मै प्रादादस्त्राणि भार्गवः सरहस्यव्रतं चैव धनुर्वेदमशेषतः
MBh 1.121.23
प्रतिगृह्य तु तत्सर्वं कृतास्त्रो द्विजसत्तमः प्रियं सखायं सुप्रीतो जगाम द्रुपदं प्रति

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 23 source-pinned Devanāgarī addresses to Ādi-Parva, the Mahābhārata reading map, and any exact Bhagavad-Gītā correspondence.

MBh 1.121local chapter route · Ādi-ParvaĀdi-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷