🪷 Atharvaveda 5.16

वृषरोगशमनम्। १-११ विश्वामित्रः। एकवृषः। एकावसानं द्वैपदम्, १, ४, ५, ७-१० साम्नी उष्णिक्, २, ३ ,६, आसुरी अनुष्टुप्, ११ आसुरी गायत्री। यद्ये॑कवृ॒षोऽसि॑ सृ॒जार॒सोऽसि ॥१॥ यदि॑ द्विवृ॒षोऽसि॑ सृ॒जार॒सोऽसि ॥२॥ यदि॑ त्रिवृ॒षोऽसि॑ सृ॒जार॒सोऽसि ॥३॥ यदि॑ चतुर्वृ॒षोऽसि॑ सृ॒जार॒सोऽसि ॥४॥ यदि॑ पञ्चवृ॒षोऽसि॑ सृ॒जार॒सोऽसि ॥५॥ यदि॑ षड्-वृ॒षोऽसि॑ सृ॒जार॒सोऽसि ॥६॥ यदि॑ सप्तवृ॒षोऽसि॑ सृ॒जार॒सोऽसि ॥७॥ यद्य॑ष्टवृ॒षोऽसि॑ सृ॒जार॒सोऽसि ॥८॥ यदि॑ नववृ॒षोऽसि॑ सृ॒जार॒सोऽसि ॥९॥ यदि॑ दशवृ॒षोऽसि॑ सृ॒जार॒सोऽसि ॥१०॥ यद्ये॑काद॒शोऽसि॒ सोऽपो॑दको ऽसि ॥११॥