🪷 Mahābhārata · Vana-Parva (Āraṇyaka) · Chapter 71

The Book of the Forest · Parva 3 · 34 unique Sanskrit addresses · pinned Critical Edition-derived witness

The Devanāgarī Yathārtha · 34 Shlokas

MBh 3.71.1
बृहदश्व उवाच ततो विदर्भान्संप्राप्तं सायाह्ने सत्यविक्रमम् ऋतुपर्णं जना राज्ञे भीमाय प्रत्यवेदयन्
MBh 3.71.2
स भीमवचनाद्राजा कुण्डिनं प्राविशत्पुरम् नादयन्रथघोषेण सर्वाः सोपदिशो दश
MBh 3.71.3
ततस्तं रथनिर्घोषं नलाश्वास्तत्र शुश्रुवुः श्रुत्वा च समहृष्यन्त पुरेव नलसंनिधौ
MBh 3.71.4
दमयन्ती च शुश्राव रथघोषं नलस्य तम् यथा मेघस्य नदतो गम्भीरं जलदागमे
MBh 3.71.5
नलेन संगृहीतेषु पुरेव नलवाजिषु सदृशं रथनिर्घोषं मेने भैमी तथा हयाः
MBh 3.71.6
प्रासादस्थाश्च शिखिनः शालास्थाश्चैव वारणाः हयाश्च शुश्रुवुस्तत्र रथघोषं महीपतेः
MBh 3.71.7
ते श्रुत्वा रथनिर्घोषं वारणाः शिखिनस्तथा प्रणेदुरुन्मुखा राजन्मेघोदयमिवेक्ष्य ह
MBh 3.71.8
दमयन्त्युवाच यथासौ रथनिर्घोषः पूरयन्निव मेदिनीम् मम ह्लादयते चेतो नल एष महीपतिः
MBh 3.71.9
अद्य चन्द्राभवक्त्रं तं न पश्यामि नलं यदि असंख्येयगुणं वीरं विनशिष्याम्यसंशयम्
MBh 3.71.10
यदि वै तस्य वीरस्य बाह्वोर्नाद्याहमन्तरम् प्रविशामि सुखस्पर्शं विनशिष्याम्यसंशयम्
MBh 3.71.11
यदि मां मेघनिर्घोषो नोपगच्छति नैषधः अद्य चामीकरप्रख्यो विनशिष्याम्यसंशयम्
MBh 3.71.12
यदि मां सिंहविक्रान्तो मत्तवारणवारणः नाभिगच्छति राजेन्द्रो विनशिष्याम्यसंशयम्
MBh 3.71.13
न स्मराम्यनृतं किंचिन्न स्मराम्यनुपाकृतम् न च पर्युषितं वाक्यं स्वैरेष्वपि महात्मनः
MBh 3.71.14
प्रभुः क्षमावान्वीरश्च मृदुर्दान्तो जितेन्द्रियः रहोऽनीचानुवर्ती च क्लीबवन्मम नैषधः
MBh 3.71.15
गुणांस्तस्य स्मरन्त्या मे तत्पराया दिवानिशम् हृदयं दीर्यत इदं शोकात्प्रियविनाकृतम्
MBh 3.71.16
बृहदश्व उवाच एवं विलपमाना सा नष्टसंज्ञेव भारत आरुरोह महद्वेश्म पुण्यश्लोकदिदृक्षया
MBh 3.71.17
ततो मध्यमकक्षायां ददर्श रथमास्थितम् ऋतुपर्णं महीपालं सहवार्ष्णेयबाहुकम्
MBh 3.71.18
ततोऽवतीर्य वार्ष्णेयो बाहुकश्च रथोत्तमात् हयांस्तानवमुच्याथ स्थापयामासतू रथम्
MBh 3.71.19
सोऽवतीर्य रथोपस्थादृतुपर्णो नराधिपः उपतस्थे महाराज भीमं भीमपराक्रमम्
MBh 3.71.20
तं भीमः प्रतिजग्राह पूजया परया ततः अकस्मात्सहसा प्राप्तं स्त्रीमन्त्रं न स्म विन्दति
MBh 3.71.21
किं कार्यं स्वागतं तेऽस्तु राज्ञा पृष्टश्च भारत नाभिजज्ञे स नृपतिर्दुहित्रर्थे समागतम्
MBh 3.71.22
ऋतुपर्णोऽपि राजा स धीमान्सत्यपराक्रमः राजानं राजपुत्रं वा न स्म पश्यति कंचन नैव स्वयंवरकथां न च विप्रसमागमम्
MBh 3.71.23
ततो विगणयन्राजा मनसा कोसलाधिपः आगतोऽस्मीत्युवाचैनं भवन्तमभिवादकः
MBh 3.71.24
राजापि च स्मयन्भीमो मनसाभिविचिन्तयत् अधिकं योजनशतं तस्यागमनकारणम्
MBh 3.71.25
ग्रामान्बहूनतिक्रम्य नाध्यगच्छद्यथातथम् अल्पकार्यं विनिर्दिष्टं तस्यागमनकारणम्
MBh 3.71.26
नैतदेवं स नृपतिस्तं सत्कृत्य व्यसर्जयत् विश्राम्यतामिति वदन्क्लान्तोऽसीति पुनः पुनः
MBh 3.71.27
स सत्कृतः प्रहृष्टात्मा प्रीतः प्रीतेन पार्थिवः राजप्रेष्यैरनुगतो दिष्टं वेश्म समाविशत्
MBh 3.71.28
ऋतुपर्णे गते राजन्वार्ष्णेयसहिते नृपे बाहुको रथमास्थाय रथशालामुपागमत्
MBh 3.71.29
स मोचयित्वा तानश्वान्परिचार्य च शास्त्रतः स्वयं चैतान्समाश्वास्य रथोपस्थ उपाविशत्
MBh 3.71.30
दमयन्ती तु शोकार्ता दृष्ट्वा भाङ्गस्वरिं नृपम् सूतपुत्रं च वार्ष्णेयं बाहुकं च तथाविधम्
MBh 3.71.31
चिन्तयामास वैदर्भी कस्यैष रथनिस्वनः नलस्येव महानासीन्न च पश्यामि नैषधम्
MBh 3.71.32
वार्ष्णेयेन भवेन्नूनं विद्या सैवोपशिक्षिता तेनास्य रथनिर्घोषो नलस्येव महानभूत्
MBh 3.71.33
आहोस्विदृतुपर्णोऽपि यथा राजा नलस्तथा ततोऽयं रथनिर्घोषो नैषधस्येव लक्ष्यते
MBh 3.71.34
एवं वितर्कयित्वा तु दमयन्ती विशां पते दूतीं प्रस्थापयामास नैषधान्वेषणे नृप

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 34 source-pinned Devanāgarī addresses to Vana-Parva (Āraṇyaka), the Mahābhārata reading map, and any exact Bhagavad-Gītā correspondence.

MBh 3.71local chapter route · Vana-Parva (Āraṇyaka)Vana-Parva (Āraṇyaka)parent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷