🪷 Mahābhārata · Vana-Parva (Āraṇyaka) · Chapter 279

The Book of the Forest · Parva 3 · 23 unique Sanskrit addresses · pinned Critical Edition-derived witness

The Devanāgarī Yathārtha · 23 Shlokas

MBh 3.279.1
मार्कण्डेय उवाच अथ कन्याप्रदाने स तमेवार्थं विचिन्तयन् समानिन्ये च तत्सर्वं भाण्डं वैवाहिकं नृपः
MBh 3.279.2
ततो वृद्धान्द्विजान्सर्वानृत्विजः सपुरोहितान् समाहूय तिथौ पुण्ये प्रययौ सह कन्यया
MBh 3.279.3
मेध्यारण्यं स गत्वा च द्युमत्सेनाश्रमं नृपः पद्भ्यामेव द्विजैः सार्धं राजर्षिं तमुपागमत्
MBh 3.279.4
तत्रापश्यन्महाभागं शालवृक्षमुपाश्रितम् कौश्यां बृस्यां समासीनं चक्षुर्हीनं नृपं तदा
MBh 3.279.5
स राजा तस्य राजर्षेः कृत्वा पूजां यथार्हतः वाचा सुनियतो भूत्वा चकारात्मनिवेदनम्
MBh 3.279.6
तस्यार्घ्यमासनं चैव गां चावेद्य स धर्मवित् किमागमनमित्येवं राजा राजानमब्रवीत्
MBh 3.279.7
तस्य सर्वमभिप्रायमितिकर्तव्यतां च ताम् सत्यवन्तं समुद्दिश्य सर्वमेव न्यवेदयत्
MBh 3.279.8
अश्वपतिरुवाच सावित्री नाम राजर्षे कन्येयं मम शोभना तां स्वधर्मेण धर्मज्ञ स्नुषार्थे त्वं गृहाण मे
MBh 3.279.9
द्युमत्सेन उवाच च्युताः स्म राज्याद्वनवासमाश्रिता;श्चराम धर्मं नियतास्तपस्विनः कथं त्वनर्हा वनवासमाश्रमे; सहिष्यते क्लेशमिमं सुता तव
MBh 3.279.10
अश्वपतिरुवाच सुखं च दुःखं च भवाभवात्मकं; यदा विजानाति सुताहमेव च न मद्विधे युज्यति वाक्यमीदृशं; विनिश्चयेनाभिगतोऽस्मि ते नृप
MBh 3.279.11
आशां नार्हसि मे हन्तुं सौहृदात्प्रणयेन च अभितश्चागतं प्रेम्णा प्रत्याख्यातुं न मार्हसि
MBh 3.279.12
अनुरूपो हि संयोगे त्वं ममाहं तवापि च स्नुषां प्रतीच्छ मे कन्यां भार्यां सत्यवतः सुताम्
MBh 3.279.13
द्युमत्सेन उवाच पूर्वमेवाभिलषितः संबन्धो मे त्वया सह भ्रष्टराज्यस्त्वहमिति तत एतद्विचारितम्
MBh 3.279.14
अभिप्रायस्त्वयं यो मे पूर्वमेवाभिकाङ्क्षितः स निर्वर्ततु मेऽद्यैव काङ्क्षितो ह्यसि मेऽतिथिः
MBh 3.279.15
मार्कण्डेय उवाच ततः सर्वान्समानीय द्विजानाश्रमवासिनः यथाविधि समुद्वाहं कारयामासतुर्नृपौ
MBh 3.279.16
दत्त्वा त्वश्वपतिः कन्यां यथार्हं च परिच्छदम् ययौ स्वमेव भवनं युक्तः परमया मुदा
MBh 3.279.17
सत्यवानपि भार्यां तां लब्ध्वा सर्वगुणान्विताम् मुमुदे सा च तं लब्ध्वा भर्तारं मनसेप्सितम्
MBh 3.279.18
गते पितरि सर्वाणि संन्यस्याभरणानि सा जगृहे वल्कलान्येव वस्त्रं काषायमेव च
MBh 3.279.19
परिचारैर्गुणैश्चैव प्रश्रयेण दमेन च सर्वकामक्रियाभिश्च सर्वेषां तुष्टिमावहत्
MBh 3.279.20
श्वश्रूं शरीरसत्कारैः सर्वैराच्छादनादिभिः श्वशुरं देवकार्यैश्च वाचः संयमनेन च
MBh 3.279.21
तथैव प्रियवादेन नैपुणेन शमेन च रहश्चैवोपचारेण भर्तारं पर्यतोषयत्
MBh 3.279.22
एवं तत्राश्रमे तेषां तदा निवसतां सताम् कालस्तपस्यतां कश्चिदतिचक्राम भारत
MBh 3.279.23
सावित्र्यास्तु शयानायास्तिष्ठन्त्याश्च दिवानिशम् नारदेन यदुक्तं तद्वाक्यं मनसि वर्तते

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 23 source-pinned Devanāgarī addresses to Vana-Parva (Āraṇyaka), the Mahābhārata reading map, and any exact Bhagavad-Gītā correspondence.

MBh 3.279local chapter route · Vana-Parva (Āraṇyaka)Vana-Parva (Āraṇyaka)parent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷