🪷 Mahābhārata · Vana-Parva (Āraṇyaka) · Chapter 118

The Book of the Forest · Parva 3 · 23 unique Sanskrit addresses · pinned Critical Edition-derived witness

The Devanāgarī Yathārtha · 23 Shlokas

MBh 3.118.1
वैशंपायन उवाच गच्छन्स तीर्थानि महानुभावः; पुण्यानि रम्याणि ददर्श राजा सर्वाणि विप्रैरुपशोभितानि; क्वचित्क्वचिद्भारत सागरस्य
MBh 3.118.2
स वृत्तवांस्तेषु कृताभिषेकः; सहानुजः पार्थिवपुत्रपौत्रः समुद्रगां पुण्यतमां प्रशस्तां; जगाम पारिक्षित पाण्डुपुत्रः
MBh 3.118.3
तत्रापि चाप्लुत्य महानुभावः; संतर्पयामास पितॄन्सुरांश्च द्विजातिमुख्येषु धनं विसृज्य; गोदावरीं सागरगामगच्छत्
MBh 3.118.4
ततो विपाप्मा द्रविडेषु राज;न्समुद्रमासाद्य च लोकपुण्यम् अगस्त्यतीर्थं च पवित्रपुण्यं; नारीतीर्थान्यथ वीरो ददर्श
MBh 3.118.5
तत्रार्जुनस्याग्र्यधनुर्धरस्य; निशम्य तत्कर्म परैरसह्यम् संपूज्यमानः परमर्षिसंघैः; परां मुदं पाण्डुसुतः स लेभे
MBh 3.118.6
स तेषु तीर्थेष्वभिषिक्तगात्रः; कृष्णासहायः सहितोऽनुजैश्च संपूजयन्विक्रममर्जुनस्य; रेमे महीपालपतिः पृथिव्याम्
MBh 3.118.7
ततः सहस्राणि गवां प्रदाय; तीर्थेषु तेष्वम्बुधरोत्तमस्य हृष्टः सह भ्रातृभिरर्जुनस्य; संकीर्तयामास गवां प्रदानम्
MBh 3.118.8
स तानि तीर्थानि च सागरस्य; पुण्यानि चान्यानि बहूनि राजन् क्रमेण गच्छन्परिपूर्णकामः; शूर्पारकं पुण्यतमं ददर्श
MBh 3.118.9
तत्रोदधेः कंचिदतीत्य देशं; ख्यातं पृथिव्यां वनमाससाद तप्तं सुरैर्यत्र तपः पुरस्ता;दिष्टं तथा पुण्यतमैर्नरेन्द्रैः
MBh 3.118.10
स तत्र तामग्र्यधनुर्धरस्य; वेदीं ददर्शायतपीनबाहुः ऋचीकपुत्रस्य तपस्विसंघैः; समावृतां पुण्यकृदर्चनीयाम्
MBh 3.118.11
ततो वसूनां वसुधाधिपः स; मरुद्गणानां च तथाश्विनोश्च वैवस्वतादित्यधनेश्वराणा;मिन्द्रस्य विष्णोः सवितुर्विभोश्च
MBh 3.118.12
भगस्य चन्द्रस्य दिवाकरस्य; पतेरपां साध्यगणस्य चैव धातुः पितॄणां च तथा महात्मा; रुद्रस्य राजन्सगणस्य चैव
MBh 3.118.13
सरस्वत्याः सिद्धगणस्य चैव; पूष्णश्च ये चाप्यमरास्तथान्ये पुण्यानि चाप्यायतनानि तेषां; ददर्श राजा सुमनोहराणि
MBh 3.118.14
तेषूपवासान्विविधानुपोष्य; दत्त्वा च रत्नानि महाधनानि तीर्थेषु सर्वेषु परिप्लुताङ्गः; पुनः स शूर्पारकमाजगाम
MBh 3.118.15
स तेन तीर्थेन तु सागरस्य; पुनः प्रयातः सह सोदरीयैः द्विजैः पृथिव्यां प्रथितं महद्भि;स्तीर्थं प्रभासं समुपाजगाम
MBh 3.118.16
तत्राभिषिक्तः पृथुलोहिताक्षः; सहानुजैर्देवगणान्पितॄंश्च संतर्पयामास तथैव कृष्णा; ते चापि विप्राः सह लोमशेन
MBh 3.118.17
स द्वादशाहं जलवायुभक्षः; कुर्वन्क्षपाहःसु तदाभिषेकम् समन्ततोऽग्नीनुपदीपयित्वा; तेपे तपो धर्मभृतां वरिष्ठः
MBh 3.118.18
तमुग्रमास्थाय तपश्चरन्तं; शुश्राव रामश्च जनार्दनश्च तौ सर्ववृष्णिप्रवरौ ससैन्यौ; युधिष्ठिरं जग्मतुराजमीढम्
MBh 3.118.19
ते वृष्णयः पाण्डुसुतान्समीक्ष्य; भूमौ शयानान्मलदिग्धगात्रान् अनर्हतीं द्रौपदीं चापि दृष्ट्वा; सुदुःखिताश्चुक्रुशुरार्तनादम्
MBh 3.118.20
ततः स रामं च जनार्दनं च; कार्ष्णिं च साम्बं च शिनेश्च पौत्रम् अन्यांश्च वृष्णीनुपगम्य पूजां; चक्रे यथाधर्ममदीनसत्त्वः
MBh 3.118.21
ते चापि सर्वान्प्रतिपूज्य पार्थां;स्तैः सत्कृताः पाण्डुसुतैस्तथैव युधिष्ठिरं संपरिवार्य राज;न्नुपाविशन्देवगणा यथेन्द्रम्
MBh 3.118.22
तेषां स सर्वं चरितं परेषां; वने च वासं परमप्रतीतः अस्त्रार्थमिन्द्रस्य गतं च पार्थं; कृष्णे शशंसामरराजपुत्रम्
MBh 3.118.23
श्रुत्वा तु ते तस्य वचः प्रतीता;स्तांश्चापि दृष्ट्वा सुकृशानतीव नेत्रोद्भवं संमुमुचुर्दशार्हा; दुःखार्तिजं वारि महानुभावाः

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 23 source-pinned Devanāgarī addresses to Vana-Parva (Āraṇyaka), the Mahābhārata reading map, and any exact Bhagavad-Gītā correspondence.

MBh 3.118local chapter route · Vana-Parva (Āraṇyaka)Vana-Parva (Āraṇyaka)parent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷