🪷 Mahābhārata · Śānti-Parva · Chapter 99

The Book of Peace · the great dharma-śāstra · Parva 12 · 50 unique Sanskrit addresses · pinned Critical Edition-derived witness

The Devanāgarī Yathārtha · 50 Shlokas

MBh 12.99.1
युधिष्ठिर उवाच के लोका युध्यमानानां शूराणामनिवर्तिनाम् भवन्ति निधनं प्राप्य तन्मे ब्रूहि पितामह
MBh 12.99.2
भीष्म उवाच अत्राप्युदाहरन्तीममितिहासं पुरातनम् अम्बरीषस्य संवादमिन्द्रस्य च युधिष्ठिर
MBh 12.99.3
अम्बरीषो हि नाभागः स्वर्गं गत्वा सुदुर्लभम् ददर्श सुरलोकस्थं शक्रेण सचिवं सह
MBh 12.99.4
सर्वतेजोमयं दिव्यं विमानवरमास्थितम् उपर्युपरि गच्छन्तं स्वं वै सेनापतिं प्रभुम्
MBh 12.99.5
स दृष्ट्वोपरि गच्छन्तं सेनापतिमुदारधीः ऋद्धिं दृष्ट्वा सुदेवस्य विस्मितः प्राह वासवम्
MBh 12.99.6
सागरान्तां महीं कृत्स्नामनुशिष्य यथाविधि चातुर्वर्ण्ये यथाशास्त्रं प्रवृत्तो धर्मकाम्यया
MBh 12.99.7
ब्रह्मचर्येण घोरेण आचार्यकुलसेवया वेदानधीत्य धर्मेण राजशास्त्रं च केवलम्
MBh 12.99.8
अतिथीनन्नपानेन पितॄंश्च स्वधया तथा ऋषीन्स्वाध्यायदीक्षाभिर्देवान्यज्ञैरनुत्तमैः
MBh 12.99.9
क्षत्रधर्मे स्थितो भूत्वा यथाशास्त्रं यथाविधि उदीक्षमाणः पृतनां जयामि युधि वासव
MBh 12.99.10
देवराज सुदेवोऽयं मम सेनापतिः पुरा आसीद्योधः प्रशान्तात्मा सोऽयं कस्मादतीव माम्
MBh 12.99.11
नानेन क्रतुभिर्मुख्यैरिष्टं नैव द्विजातयः तर्पिता विधिवच्छक्र सोऽयं कस्मादतीव माम्
MBh 12.99.12
इन्द्र उवाच एतस्य विततस्तात सुदेवस्य बभूव ह संग्रामयज्ञः सुमहान्यश्चान्यो युध्यते नरः
MBh 12.99.13
संनद्धो दीक्षितः सर्वो योधः प्राप्य चमूमुखम् युद्धयज्ञाधिकारस्थो भवतीति विनिश्चयः
MBh 12.99.14
अम्बरीष उवाच कानि यज्ञे हवींष्यत्र किमाज्यं का च दक्षिणा ऋत्विजश्चात्र के प्रोक्तास्तन्मे ब्रूहि शतक्रतो
MBh 12.99.15
इन्द्र उवाच ऋत्विजः कुञ्जरास्तत्र वाजिनोऽध्वर्यवस्तथा हवींषि परमांसानि रुधिरं त्वाज्यमेव च
MBh 12.99.16
सृगालगृध्रकाकोलाः सदस्यास्तत्र सत्रिणः आज्यशेषं पिबन्त्येते हविः प्राश्नन्ति चाध्वरे
MBh 12.99.17
प्रासतोमरसंघाताः खड्गशक्तिपरश्वधाः ज्वलन्तो निशिताः पीताः स्रुचस्तस्याथ सत्रिणः
MBh 12.99.18
चापवेगायतस्तीक्ष्णः परकायावदारणः ऋजुः सुनिशितः पीतः सायकोऽस्य स्रुवो महान्
MBh 12.99.19
द्वीपिचर्मावनद्धश्च नागदन्तकृतत्सरुः हस्तिहस्तगतः खड्गः स्फ्यो भवेत्तस्य संयुगे
MBh 12.99.20
ज्वलितैर्निशितैः पीतैः प्रासशक्तिपरश्वधैः शैक्यायसमयैस्तीक्ष्णैरभिघातो भवेद्वसु
MBh 12.99.21
आवेगाद्यत्तु रुधिरं संग्रामे स्यन्दते भुवि सास्य पूर्णाहुतिर्होत्रे समृद्धा सर्वकामधुक्
MBh 12.99.22
छिन्धि भिन्धीति यस्यैतच्छ्रूयते वाहिनीमुखे सामानि सामगास्तस्य गायन्ति यमसादने
MBh 12.99.23
हविर्धानं तु तस्याहुः परेषां वाहिनीमुखम् कुञ्जराणां हयानां च वर्मिणां च समुच्चयः अग्निः श्येनचितो नाम तस्य यज्ञे विधीयते
MBh 12.99.24
उत्तिष्ठति कबन्धोऽत्र सहस्रे निहते तु यः स यूपस्तस्य शूरस्य खादिरोऽष्टाश्रिरुच्यते
MBh 12.99.25
इडोपहूतं क्रोशन्ति कुञ्जरा अङ्कुशेरिताः व्याघुष्टतलनादेन वषट्कारेण पार्थिव उद्गाता तत्र संग्रामे त्रिसामा दुन्दुभिः स्मृतः
MBh 12.99.26
ब्रह्मस्वे ह्रियमाणे यः प्रियां युद्धे तनुं त्यजेत् आत्मानं यूपमुच्छ्रित्य स यज्ञोऽनन्तदक्षिणः
MBh 12.99.27
भर्तुरर्थे तु यः शूरो विक्रमेद्वाहिनीमुखे भयान्न च निवर्तेत तस्य लोका यथा मम
MBh 12.99.28
नीलचन्द्राकृतैः खड्गैर्बाहुभिः परिघोपमैः यस्य वेदिरुपस्तीर्णा तस्य लोका यथा मम
MBh 12.99.29
यस्तु नावेक्षते कंचित्सहायं विजये स्थितः विगाह्य वाहिनीमध्यं तस्य लोका यथा मम
MBh 12.99.30
यस्य तोमरसंघाटा भेरीमण्डूककच्छपा वीरास्थिशर्करा दुर्गा मांसशोणितकर्दमा
MBh 12.99.31
असिचर्मप्लवा सिन्धुः केशशैवलशाद्वला अश्वनागरथैश्चैव संभिन्नैः कृतसंक्रमा
MBh 12.99.32
पताकाध्वजवानीरा हतवाहनवाहिनी शोणितोदा सुसंपूर्णा दुस्तरा पारगैर्नरैः
MBh 12.99.33
हतनागमहानक्रा परलोकवहाशिवा ऋष्टिखड्गध्वजानूका गृध्रकङ्कवडप्लवा
MBh 12.99.34
पुरुषादानुचरिता भीरूणां कश्मलावहा नदी योधमहायज्ञे तदस्यावभृथं स्मृतम्
MBh 12.99.35
वेदी यस्य त्वमित्राणां शिरोभिरवकीर्यते अश्वस्कन्धैर्गजस्कन्धैस्तस्य लोका यथा मम
MBh 12.99.36
पत्नीशाला कृता यस्य परेषां वाहिनीमुखम् हविर्धानं स्ववाहिन्यस्तदस्याहुर्मनीषिणः
MBh 12.99.37
सदश्चान्तरयोधाग्निराग्नीध्रश्चोत्तरां दिशम् शत्रुसेनाकलत्रस्य सर्वलोकानदूरतः
MBh 12.99.38
यदा तूभयतो व्यूहो भवत्याकाशमग्रतः सास्य वेदी तथा यज्ञे नित्यं वेदास्त्रयोऽग्नयः
MBh 12.99.39
यस्तु योधः परावृत्तः संत्रस्तो हन्यते परैः अप्रतिष्ठं स नरकं याति नास्त्यत्र संशयः
MBh 12.99.40
यस्य शोणितवेगेन नदी स्यात्समभिप्लुता केशमांसास्थिसंकीर्णा स गच्छेत्परमां गतिम्
MBh 12.99.41
यस्तु सेनापतिं हत्वा तद्यानमधिरोहति स विष्णुविक्रमक्रामी बृहस्पतिसमः क्रतुः
MBh 12.99.42
नायकं वा प्रमाणं वा यो वा स्यात्तत्र पूजितः जीवग्राहं निगृह्णाति तस्य लोका यथा मम
MBh 12.99.43
आहवे निहतं शूरं न शोचेत कदाचन अशोच्यो हि हतः शूरः स्वर्गलोके महीयते
MBh 12.99.44
न ह्यन्नं नोदकं तस्य न स्नानं नाप्यशौचकम् हतस्य कर्तुमिच्छन्ति तस्य लोकाञ्शृणुष्व मे
MBh 12.99.45
वराप्सरःसहस्राणि शूरमायोधने हतम् त्वरमाणा हि धावन्ति मम भर्ता भवेदिति
MBh 12.99.46
एतत्तपश्च पुण्यं च धर्मश्चैव सनातनः चत्वारश्चाश्रमास्तस्य यो युद्धे न पलायते
MBh 12.99.47
वृद्धं बलं न हन्तव्यं नैव स्त्री न च वै द्विजः तृणपूर्णमुखश्चैव तवास्मीति च यो वदेत्
MBh 12.99.48
अहं वृत्रं बलं पाकं शतमायं विरोचनम् दुरावार्यं च नमुचिं नैकमायं च शम्बरम्
MBh 12.99.49
विप्रचित्तिं च दैतेयं दनोः पुत्रांश्च सर्वशः प्रह्रादं च निहत्याजौ ततो देवाधिपोऽभवम्
MBh 12.99.50
भीष्म उवाच इत्येतच्छक्रवचनं निशम्य प्रतिगृह्य च योधानामात्मनः सिद्धिमम्बरीषोऽभिपन्नवान्

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 50 source-pinned Devanāgarī addresses to Śānti-Parva, the Mahābhārata reading map, and any exact Bhagavad-Gītā correspondence.

MBh 12.99local chapter route · Śānti-ParvaŚānti-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷