🪷 Mahābhārata · Śānti-Parva · Chapter 34

The Book of Peace · the great dharma-śāstra · Parva 12 · 36 unique Sanskrit addresses · pinned Critical Edition-derived witness

The Devanāgarī Yathārtha · 36 Shlokas

MBh 12.34.1
वैशंपायन उवाच युधिष्ठिरस्य तद्वाक्यं श्रुत्वा द्वैपायनस्तदा समीक्ष्य निपुणं बुद्ध्या ऋषिः प्रोवाच पाण्डवम्
MBh 12.34.2
मा विषादं कृथा राजन्क्षत्रधर्ममनुस्मर स्वधर्मेण हता ह्येते क्षत्रियाः क्षत्रियर्षभ
MBh 12.34.3
काङ्क्षमाणाः श्रियं कृत्स्नां पृथिव्यां च महद्यशः कृतान्तविधिसंयुक्ताः कालेन निधनं गताः
MBh 12.34.4
न त्वं हन्ता न भीमोऽपि नार्जुनो न यमावपि कालः पर्यायधर्मेण प्राणानादत्त देहिनाम्
MBh 12.34.5
न यस्य मातापितरौ नानुग्राह्योऽस्ति कश्चन कर्मसाक्षी प्रजानां यस्तेन कालेन संहृताः
MBh 12.34.6
हेतुमात्रमिदं तस्य कालस्य पुरुषर्षभ यद्धन्ति भूतैर्भूतानि तदस्मै रूपमैश्वरम्
MBh 12.34.7
कर्ममूर्त्यात्मकं विद्धि साक्षिणं शुभपापयोः सुखदुःखगुणोदर्कं कालं कालफलप्रदम्
MBh 12.34.8
तेषामपि महाबाहो कर्माणि परिचिन्तय विनाशहेतुकारित्वे यैस्ते कालवशं गताः
MBh 12.34.9
आत्मनश्च विजानीहि नियमव्रतशीलताम् यदा त्वमीदृशं कर्म विधिनाक्रम्य कारितः
MBh 12.34.10
त्वष्ट्रेव विहितं यन्त्रं यथा स्थापयितुर्वशे कर्मणा कालयुक्तेन तथेदं भ्राम्यते जगत्
MBh 12.34.11
पुरुषस्य हि दृष्ट्वेमामुत्पत्तिमनिमित्ततः यदृच्छया विनाशं च शोकहर्षावनर्थकौ
MBh 12.34.12
व्यलीकं चापि यत्त्वत्र चित्तवैतंसिकं तव तदर्थमिष्यते राजन्प्रायश्चित्तं तदाचर
MBh 12.34.13
इदं च श्रूयते पार्थ युद्धे देवासुरे पुरा असुरा भ्रातरो ज्येष्ठा देवाश्चापि यवीयसः
MBh 12.34.14
तेषामपि श्रीनिमित्तं महानासीत्समुच्छ्रयः युद्धं वर्षसहस्राणि द्वात्रिंशदभवत्किल
MBh 12.34.15
एकार्णवां महीं कृत्वा रुधिरेण परिप्लुताम् जघ्नुर्दैत्यांस्तदा देवास्त्रिदिवं चैव लेभिरे
MBh 12.34.16
तथैव पृथिवीं लब्ध्वा ब्राह्मणा वेदपारगाः संश्रिता दानवानां वै साह्यार्थे दर्पमोहिताः
MBh 12.34.17
शालावृका इति ख्यातास्त्रिषु लोकेषु भारत अष्टाशीतिसहस्राणि ते चापि विबुधैर्हताः
MBh 12.34.18
धर्मव्युच्छित्तिमिच्छन्तो येऽधर्मस्य प्रवर्तकाः हन्तव्यास्ते दुरात्मानो देवैर्दैत्या इवोल्बणाः
MBh 12.34.19
एकं हत्वा यदि कुले शिष्टानां स्यादनामयम् कुलं हत्वाथ राष्ट्रं वा न तद्वृत्तोपघातकम्
MBh 12.34.20
अधर्मरूपो धर्मो हि कश्चिदस्ति नराधिप धर्मश्चाधर्मरूपोऽस्ति तच्च ज्ञेयं विपश्चिता
MBh 12.34.21
तस्मात्संस्तम्भयात्मानं श्रुतवानसि पाण्डव देवैः पूर्वगतं मार्गमनुयातोऽसि भारत
MBh 12.34.22
न हीदृशा गमिष्यन्ति नरकं पाण्डवर्षभ भ्रातॄनाश्वासयैतांस्त्वं सुहृदश्च परंतप
MBh 12.34.23
यो हि पापसमारम्भे कार्ये तद्भावभावितः कुर्वन्नपि तथैव स्यात्कृत्वा च निरपत्रपः
MBh 12.34.24
तस्मिंस्तत्कलुषं सर्वं समाप्तमिति शब्दितम् प्रायश्चित्तं न तस्यास्ति ह्रासो वा पापकर्मणः
MBh 12.34.25
त्वं तु शुक्लाभिजातीयः परदोषेण कारितः अनिच्छमानः कर्मेदं कृत्वा च परितप्यसे
MBh 12.34.26
अश्वमेधो महायज्ञः प्रायश्चित्तमुदाहृतम् तमाहर महाराज विपाप्मैवं भविष्यसि
MBh 12.34.27
मरुद्भिः सह जित्वारीन्मघवान्पाकशासनः एकैकं क्रतुमाहृत्य शतकृत्वः शतक्रतुः
MBh 12.34.28
पूतपाप्मा जितस्वर्गो लोकान्प्राप्य सुखोदयान् मरुद्गणवृतः शक्रः शुशुभे भासयन्दिशः
MBh 12.34.29
स्वर्गलोके महीयन्तमप्सरोभिः शचीपतिम् ऋषयः पर्युपासन्ते देवाश्च विबुधेश्वरम्
MBh 12.34.30
सोऽयं त्वमिह संक्रान्तो विक्रमेण वसुंधराम् निर्जिताश्च महीपाला विक्रमेण त्वयानघ
MBh 12.34.31
तेषां पुराणि राष्ट्राणि गत्वा राजन्सुहृद्वृतः भ्रातॄन्पुत्रांश्च पौत्रांश्च स्वे स्वे राज्येऽभिषेचय
MBh 12.34.32
बालानपि च गर्भस्थान्सान्त्वानि समुदाचरन् रञ्जयन्प्रकृतीः सर्वाः परिपाहि वसुंधराम्
MBh 12.34.33
कुमारो नास्ति येषां च कन्यास्तत्राभिषेचय कामाशयो हि स्त्रीवर्गः शोकमेवं प्रहास्यति
MBh 12.34.34
एवमाश्वासनं कृत्वा सर्वराष्ट्रेषु भारत यजस्व वाजिमेधेन यथेन्द्रो विजयी पुरा
MBh 12.34.35
अशोच्यास्ते महात्मानः क्षत्रियाः क्षत्रियर्षभ स्वकर्मभिर्गता नाशं कृतान्तबलमोहिताः
MBh 12.34.36
अवाप्तः क्षत्रधर्मस्ते राज्यं प्राप्तमकल्मषम् चरस्व धर्मं कौन्तेय श्रेयान्यः प्रेत्य भाविकः

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 36 source-pinned Devanāgarī addresses to Śānti-Parva, the Mahābhārata reading map, and any exact Bhagavad-Gītā correspondence.

MBh 12.34local chapter route · Śānti-ParvaŚānti-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷