🪷 Mahābhārata · Śānti-Parva · Chapter 32

The Book of Peace · the great dharma-śāstra · Parva 12 · 24 unique Sanskrit addresses · pinned Critical Edition-derived witness

The Devanāgarī Yathārtha · 24 Shlokas

MBh 12.32.1
वैशंपायन उवाच तूष्णींभूतं तु राजानं शोचमानं युधिष्ठिरम् तपस्वी धर्मतत्त्वज्ञः कृष्णद्वैपायनोऽब्रवीत्
MBh 12.32.2
प्रजानां पालनं धर्मो राज्ञां राजीवलोचन धर्मः प्रमाणं लोकस्य नित्यं धर्मानुवर्तनम्
MBh 12.32.3
अनुतिष्ठस्व वै राजन्पितृपैतामहं पदम् ब्राह्मणेषु च यो धर्मः स नित्यो वेदनिश्चितः
MBh 12.32.4
तत्प्रमाणं प्रमाणानां शाश्वतं भरतर्षभ तस्य धर्मस्य कृत्स्नस्य क्षत्रियः परिरक्षिता
MBh 12.32.5
तथा यः प्रतिहन्त्यस्य शासनं विषये नरः स बाहुभ्यां विनिग्राह्यो लोकयात्राविघातकः
MBh 12.32.6
प्रमाणमप्रमाणं यः कुर्यान्मोहवशं गतः भृत्यो वा यदि वा पुत्रस्तपस्वी वापि कश्चन पापान्सर्वैरुपायैस्तान्नियच्छेद्घातयेत वा
MBh 12.32.7
अतोऽन्यथा वर्तमानो राजा प्राप्नोति किल्बिषम् धर्मं विनश्यमानं हि यो न रक्षेत्स धर्महा
MBh 12.32.8
ते त्वया धर्महन्तारो निहताः सपदानुगाः स्वधर्मे वर्तमानस्त्वं किं नु शोचसि पाण्डव राजा हि हन्याद्दद्याच्च प्रजा रक्षेच्च धर्मतः
MBh 12.32.9
युधिष्ठिर उवाच न तेऽभिशङ्के वचनं यद्ब्रवीषि तपोधन अपरोक्षो हि ते धर्मः सर्वधर्मभृतां वर
MBh 12.32.10
मया ह्यवध्या बहवो घातिता राज्यकारणात् तान्यकार्याणि मे ब्रह्मन्दहन्ति च तपन्ति च
MBh 12.32.11
व्यास उवाच ईश्वरो वा भवेत्कर्ता पुरुषो वापि भारत हठो वा वर्तते लोके कर्मजं वा फलं स्मृतम्
MBh 12.32.12
ईश्वरेण नियुक्ता हि साध्वसाधु च पार्थिव कुर्वन्ति पुरुषाः कर्म फलमीश्वरगामि तत्
MBh 12.32.13
यथा हि पुरुषश्छिन्द्याद्वृक्षं परशुना वने छेत्तुरेव भवेत्पापं परशोर्न कथंचन
MBh 12.32.14
अथ वा तदुपादानात्प्राप्नुयुः कर्मणः फलम् दण्डशस्त्रकृतं पापं पुरुषे तन्न विद्यते
MBh 12.32.15
न चैतदिष्टं कौन्तेय यदन्येन फलं कृतम् प्राप्नुयादिति तस्माच्च ईश्वरे तन्निवेशय
MBh 12.32.16
अथ वा पुरुषः कर्ता कर्मणोः शुभपापयोः न परं विद्यते तस्मादेवमन्यच्छुभं कुरु
MBh 12.32.17
न हि कश्चित्क्वचिद्राजन्दिष्टात्प्रतिनिवर्तते दण्डशस्त्रकृतं पापं पुरुषे तन्न विद्यते
MBh 12.32.18
यदि वा मन्यसे राजन्हठे लोकं प्रतिष्ठितम् एवमप्यशुभं कर्म न भूतं न भविष्यति
MBh 12.32.19
अथाभिपत्तिर्लोकस्य कर्तव्या शुभपापयोः अभिपन्नतमं लोके राज्ञामुद्यतदण्डनम्
MBh 12.32.20
अथापि लोके कर्माणि समावर्तन्त भारत शुभाशुभफलं चेमे प्राप्नुवन्तीति मे मतिः
MBh 12.32.21
एवं सत्यं शुभादेशं कर्मणस्तत्फलं ध्रुवम् त्यज तद्राजशार्दूल मैवं शोके मनः कृथाः
MBh 12.32.22
स्वधर्मे वर्तमानस्य सापवादेऽपि भारत एवमात्मपरित्यागस्तव राजन्न शोभनः
MBh 12.32.23
विहितानीह कौन्तेय प्रायश्चित्तानि कर्मिणाम् शरीरवांस्तानि कुर्यादशरीरः पराभवेत्
MBh 12.32.24
तद्राजञ्जीवमानस्त्वं प्रायश्चित्तं चरिष्यसि प्रायश्चित्तमकृत्वा तु प्रेत्य तप्तासि भारत

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 24 source-pinned Devanāgarī addresses to Śānti-Parva, the Mahābhārata reading map, and any exact Bhagavad-Gītā correspondence.

MBh 12.32local chapter route · Śānti-ParvaŚānti-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷