🪷 Mahābhārata · Śānti-Parva · Chapter 319

The Book of Peace · the great dharma-śāstra · Parva 12 · 29 unique Sanskrit addresses · pinned Critical Edition-derived witness

The Devanāgarī Yathārtha · 29 Shlokas

MBh 12.319.1
भीष्म उवाच गिरिपृष्ठं समारुह्य सुतो व्यासस्य भारत समे देशे विविक्ते च निःशलाक उपाविशत्
MBh 12.319.2
धारयामास चात्मानं यथाशास्त्रं महामुनिः पादात्प्रभृति गात्रेषु क्रमेण क्रमयोगवित्
MBh 12.319.3
ततः स प्राङ्मुखो विद्वानादित्ये नचिरोदिते पाणिपादं समाधाय विनीतवदुपाविशत्
MBh 12.319.4
न तत्र पक्षिसंघातो न शब्दो नापि दर्शनम् यत्र वैयासकिर्धीमान्योक्तुं समुपचक्रमे
MBh 12.319.5
स ददर्श तदात्मानं सर्वसङ्गविनिःसृतम् प्रजहास ततो हासं शुकः संप्रेक्ष्य भास्करम्
MBh 12.319.6
स पुनर्योगमास्थाय मोक्षमार्गोपलब्धये महायोगीश्वरो भूत्वा सोऽत्यक्रामद्विहायसम्
MBh 12.319.7
ततः प्रदक्षिणं कृत्वा देवर्षिं नारदं तदा निवेदयामास तदा स्वं योगं परमर्षये
MBh 12.319.8
दृष्टो मार्गः प्रवृत्तोऽस्मि स्वस्ति तेऽस्तु तपोधन त्वत्प्रसादाद्गमिष्यामि गतिमिष्टां महाद्युते
MBh 12.319.9
नारदेनाभ्यनुज्ञातस्ततो द्वैपायनात्मजः अभिवाद्य पुनर्योगमास्थायाकाशमाविशत्
MBh 12.319.10
कैलासपृष्ठादुत्पत्य स पपात दिवं तदा अन्तरिक्षचरः श्रीमान्व्यासपुत्रः सुनिश्चितः
MBh 12.319.11
तमुद्यन्तं द्विजश्रेष्ठं वैनतेयसमद्युतिम् ददृशुः सर्वभूतानि मनोमारुतरंहसम्
MBh 12.319.12
व्यवसायेन लोकांस्त्रीन्सर्वान्सोऽथ विचिन्तयन् आस्थितो दिव्यमध्वानं पावकार्कसमप्रभः
MBh 12.319.13
तमेकमनसं यान्तमव्यग्रमकुतोभयम् ददृशुः सर्वभूतानि जङ्गमानीतराणि च
MBh 12.319.14
यथाशक्ति यथान्यायं पूजयां चक्रिरे तदा पुष्पवर्षैश्च दिव्यैस्तमवचक्रुर्दिवौकसः
MBh 12.319.15
तं दृष्ट्वा विस्मिताः सर्वे गन्धर्वाप्सरसां गणाः ऋषयश्चैव संसिद्धाः परं विस्मयमागताः
MBh 12.319.16
अन्तरिक्षचरः कोऽयं तपसा सिद्धिमागतः अधःकायोर्ध्ववक्त्रश्च नेत्रैः समभिवाह्यते
MBh 12.319.17
ततः परमधीरात्मा त्रिषु लोकेषु विश्रुतः भास्करं समुदीक्षन्स प्राङ्मुखो वाग्यतोऽगमत् शब्देनाकाशमखिलं पूरयन्निव सर्वतः
MBh 12.319.18
तमापतन्तं सहसा दृष्ट्वा सर्वाप्सरोगणाः संभ्रान्तमनसो राजन्नासन्परमविस्मिताः पञ्चचूडाप्रभृतयो भृशमुत्फुल्ललोचनाः
MBh 12.319.19
दैवतं कतमं ह्येतदुत्तमां गतिमास्थितम् सुनिश्चितमिहायाति विमुक्तमिव निःस्पृहम्
MBh 12.319.20
ततः समतिचक्राम मलयं नाम पर्वतम् उर्वशी पूर्वचित्तिश्च यं नित्यमुपसेवते ते स्म ब्रह्मर्षिपुत्रस्य विस्मयं ययतुः परम्
MBh 12.319.21
अहो बुद्धिसमाधानं वेदाभ्यासरते द्विजे अचिरेणैव कालेन नभश्चरति चन्द्रवत् पितृशुश्रूषया सिद्धिं संप्राप्तोऽयमनुत्तमाम्
MBh 12.319.22
पितृभक्तो दृढतपाः पितुः सुदयितः सुतः अनन्यमनसा तेन कथं पित्रा विवर्जितः
MBh 12.319.23
उर्वश्या वचनं श्रुत्वा शुकः परमधर्मवित् उदैक्षत दिशः सर्वा वचने गतमानसः
MBh 12.319.24
सोऽन्तरिक्षं महीं चैव सशैलवनकाननाम् आलोकयामास तदा सरांसि सरितस्तथा
MBh 12.319.25
ततो द्वैपायनसुतं बहुमानपुरःसरम् कृताञ्जलिपुटाः सर्वा निरीक्षन्ते स्म देवताः
MBh 12.319.26
अब्रवीत्तास्तदा वाक्यं शुकः परमधर्मवित् पिता यद्यनुगच्छेन्मां क्रोशमानः शुकेति वै
MBh 12.319.27
ततः प्रतिवचो देयं सर्वैरेव समाहितैः एतन्मे स्नेहतः सर्वे वचनं कर्तुमर्हथ
MBh 12.319.28
शुकस्य वचनं श्रुत्वा दिशः सवनकाननाः समुद्राः सरितः शैलाः प्रत्यूचुस्तं समन्ततः
MBh 12.319.29
यथाज्ञापयसे विप्र बाढमेवं भविष्यति ऋषेर्व्याहरतो वाक्यं प्रतिवक्ष्यामहे वयम्

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 29 source-pinned Devanāgarī addresses to Śānti-Parva, the Mahābhārata reading map, and any exact Bhagavad-Gītā correspondence.

MBh 12.319local chapter route · Śānti-ParvaŚānti-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷