🪷 Mahābhārata · Karṇa-Parva · Chapter 9

The Book of Karṇa · Parva 8 · 35 unique Sanskrit addresses · pinned Critical Edition-derived witness

The Devanāgarī Yathārtha · 35 Shlokas

MBh 8.9.1
संजय उवाच ततः कर्णो महेष्वासः पाण्डवानामनीकिनीम् जघान समरे शूरः शरैः संनतपर्वभिः
MBh 8.9.2
तथैव पाण्डवा राजंस्तव पुत्रस्य वाहिनीम् कर्णस्य प्रमुखे क्रुद्धा विनिजघ्नुर्महारथाः
MBh 8.9.3
कर्णो राजन्महाबाहुर्न्यवधीत्पाण्डवीं चमूम् नाराचैरर्करश्म्याभैः कर्मारपरिमार्जितैः
MBh 8.9.4
तत्र भारत कर्णेन नाराचैस्ताडिता गजाः नेदुः सेदुश्च मम्लुश्च बभ्रमुश्च दिशो दश
MBh 8.9.5
वध्यमाने बले तस्मिन्सूतपुत्रेण मारिष नकुलोऽभ्यद्रवत्तूर्णं सूतपुत्रं महारणे
MBh 8.9.6
भीमसेनस्तथा द्रौणिं कुर्वाणं कर्म दुष्करम् विन्दानुविन्दौ कैकेयौ सात्यकिः समवारयत्
MBh 8.9.7
श्रुतकर्माणमायान्तं चित्रसेनो महीपतिः प्रतिविन्ध्यं तथा चित्रश्चित्रकेतनकार्मुकः
MBh 8.9.8
दुर्योधनस्तु राजानं धर्मपुत्रं युधिष्ठिरम् संशप्तकगणान्क्रुद्धो अभ्यधावद्धनंजयः
MBh 8.9.9
धृष्टद्युम्नः कृपं चाथ तस्मिन्वीरवरक्षये शिखण्डी कृतवर्माणं समासादयदच्युतम्
MBh 8.9.10
श्रुतकीर्तिस्तथा शल्यं माद्रीपुत्रः सुतं तव दुःशासनं महाराज सहदेवः प्रतापवान्
MBh 8.9.11
केकयौ सात्यकिं युद्धे शरवर्षेण भास्वता सात्यकिः केकयौ चैव छादयामास भारत
MBh 8.9.12
तावेनं भ्रातरौ वीरं जघ्नतुर्हृदये भृशम् विषाणाभ्यां यथा नागौ प्रतिनागं महाहवे
MBh 8.9.13
शरसंभिन्नवर्माणौ तावुभौ भ्रातरौ रणे सात्यकिं सत्यकर्माणं राजन्विव्यधतुः शरैः
MBh 8.9.14
तौ सात्यकिर्महाराज प्रहसन्सर्वतोदिशम् छादयञ्शरवर्षेण वारयामास भारत
MBh 8.9.15
वार्यमाणौ ततस्तौ तु शैनेयशरवृष्टिभिः शैनेयस्य रथं तूर्णं छादयामासतुः शरैः
MBh 8.9.16
तयोस्तु धनुषी चित्रे छित्त्वा शौरिर्महाहवे अथ तौ सायकैस्तीक्ष्णैश्छादयामास दुःसहैः
MBh 8.9.17
अथान्ये धनुषी मृष्टे प्रगृह्य च महाशरान् सात्यकिं पूरयन्तौ तौ चेरतुर्लघु सुष्ठु च
MBh 8.9.18
ताभ्यां मुक्ता महाबाणाः कङ्कबर्हिणवाससः द्योतयन्तो दिशः सर्वाः संपेतुः स्वर्णभूषणाः
MBh 8.9.19
बाणान्धकारमभवत्तयो राजन्महाहवे अन्योन्यस्य धनुश्चैव चिच्छिदुस्ते महारथाः
MBh 8.9.20
ततः क्रुद्धो महाराज सात्वतो युद्धदुर्मदः धनुरन्यत्समादाय सज्यं कृत्वा च संयुगे क्षुरप्रेण सुतीक्ष्णेन अनुविन्दशिरोऽहरत्
MBh 8.9.21
तच्छिरो न्यपतद्भूमौ कुण्डलोत्पीडितं महत् शम्बरस्य शिरो यद्वन्निहतस्य महारणे शोषयन्केकयान्सर्वाञ्जगामाशु वसुंधराम्
MBh 8.9.22
तं दृष्ट्वा निहतं शूरं भ्राता तस्य महारथः सज्यमन्यद्धनुः कृत्वा शैनेयं प्रत्यवारयत्
MBh 8.9.23
स शक्त्या सात्यकिं विद्ध्वा स्वर्णपुङ्खैः शिलाशितैः ननाद बलवन्नादं तिष्ठ तिष्ठेति चाब्रवीत्
MBh 8.9.24
स सात्यकिं पुनः क्रुद्धः केकयानां महारथः शरैरग्निशिखाकारैर्बाह्वोरुरसि चार्दयत्
MBh 8.9.25
स शरैः क्षतसर्वाङ्गः सात्वतः सत्त्वकोविदः रराज समरे राजन्सपत्र इव किंशुकः
MBh 8.9.26
सात्यकिः समरे विद्धः केकयेन महात्मना केकयं पञ्चविंशत्या विव्याध प्रहसन्निव
MBh 8.9.27
शतचन्द्रचिते गृह्य चर्मणी सुभुजौ तु तौ व्यरोचेतां महारङ्गे निस्त्रिंशवरधारिणौ यथा देवासुरे युद्धे जम्भशक्रौ महाबलौ
MBh 8.9.28
मण्डलानि ततस्तौ च विचरन्तौ महारणे अन्योन्यमसिभिस्तूर्णं समाजघ्नतुराहवे
MBh 8.9.29
केकयस्य ततश्चर्म द्विधा चिच्छेद सात्वतः सात्यकेश्च तथैवासौ चर्म चिच्छेद पार्थिवः
MBh 8.9.30
चर्म च्छित्त्वा तु कैकेयस्तारागणशतैर्वृतम् चचार मण्डलान्येव गतप्रत्यागतानि च
MBh 8.9.31
तं चरन्तं महारङ्गे निस्त्रिंशवरधारिणम् अपहस्तेन चिच्छेद शैनेयस्त्वरयान्वितः
MBh 8.9.32
सवर्मा केकयो राजन्द्विधा छिन्नो महाहवे निपपात महेष्वासो वज्रनुन्न इवाचलः
MBh 8.9.33
तं निहत्य रणे शूरः शैनेयो रथसत्तमः युधामन्यो रथं तूर्णमारुरोह परंतपः
MBh 8.9.34
ततोऽन्यं रथमास्थाय विधिवत्कल्पितं पुनः केकयानां महत्सैन्यं व्यधमत्सात्यकिः शरैः
MBh 8.9.35
सा वध्यमाना समरे केकयस्य महाचमूः तमुत्सृज्य रथं शत्रुं प्रदुद्राव दिशो दश

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 35 source-pinned Devanāgarī addresses to Karṇa-Parva, the Mahābhārata reading map, and any exact Bhagavad-Gītā correspondence.

MBh 8.9local chapter route · Karṇa-ParvaKarṇa-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷