🪷 Mahābhārata · Droṇa-Parva · Chapter 129

The Book of Droṇa · Parva 7 · 35 unique Sanskrit addresses · pinned Critical Edition-derived witness

The Devanāgarī Yathārtha · 35 Shlokas

MBh 7.129.1
धृतराष्ट्र उवाच यत्तदा प्राविशत्पाण्डूनाचार्यः कुपितो वशी उक्त्वा दुर्योधनं सम्यङ्मम शास्त्रातिगं सुतम्
MBh 7.129.2
प्रविश्य विचरन्तं च रणे शूरमवस्थितम् कथं द्रोणं महेष्वासं पाण्डवाः पर्यवारयन्
MBh 7.129.3
केऽरक्षन्दक्षिणं चक्रमाचार्यस्य महात्मनः के चोत्तरमरक्षन्त निघ्नतः शात्रवान्रणे
MBh 7.129.4
नृत्यन्स रथमार्गेषु सर्वशस्त्रभृतां वरः धूमकेतुरिव क्रुद्धः कथं मृत्युमुपेयिवान्
MBh 7.129.5
संजय उवाच सायाह्ने सैन्धवं हत्वा राज्ञा पार्थः समेत्य च सात्यकिश्च महेष्वासो द्रोणमेवाभ्यधावताम्
MBh 7.129.6
तथा युधिष्ठिरस्तूर्णं भीमसेनश्च पाण्डवः पृथक्चमूभ्यां संसक्तौ द्रोणमेवाभ्यधावताम्
MBh 7.129.7
तथैव नकुलो धीमान्सहदेवश्च दुर्जयः धृष्टद्युम्नः शतानीको विराटश्च सकेकयः मत्स्याः शाल्वेयसेनाश्च द्रोणमेव ययुर्युधि
MBh 7.129.8
द्रुपदश्च तथा राजा पाञ्चालैरभिरक्षितः धृष्टद्युम्नपिता राजन्द्रोणमेवाभ्यवर्तत
MBh 7.129.9
द्रौपदेया महेष्वासा राक्षसश्च घटोत्कचः ससेनास्तेऽभ्यवर्तन्त द्रोणमेव महाद्युतिम्
MBh 7.129.10
प्रभद्रकाश्च पाञ्चालाः षट्सहस्राः प्रहारिणः द्रोणमेवाभ्यवर्तन्त पुरस्कृत्य शिखण्डिनम्
MBh 7.129.11
तथेतरे नरव्याघ्राः पाण्डवानां महारथाः सहिताः संन्यवर्तन्त द्रोणमेव द्विजर्षभम्
MBh 7.129.12
तेषु शूरेषु युद्धाय गतेषु भरतर्षभ बभूव रजनी घोरा भीरूणां भयवर्धिनी
MBh 7.129.13
योधानामशिवा रौद्रा राजन्नन्तकगामिनी कुञ्जराश्वमनुष्याणां प्राणान्तकरणी तदा
MBh 7.129.14
तस्यां रजन्यां घोरायां नदन्त्यः सर्वतः शिवाः न्यवेदयन्भयं घोरं सज्वालकवलैर्मुखैः
MBh 7.129.15
उलूकाश्चाप्यदृश्यन्त शंसन्तो विपुलं भयम् विशेषतः कौरवाणां ध्वजिन्यामतिदारुणम्
MBh 7.129.16
ततः सैन्येषु राजेन्द्र शब्दः समभवन्महान् भेरीशब्देन महता मृदङ्गानां स्वनेन च
MBh 7.129.17
गजानां गर्जितैश्चापि तुरङ्गाणां च हेषितैः खुरशब्दनिपातैश्च तुमुलः सर्वतोऽभवत्
MBh 7.129.18
ततः समभवद्युद्धं संध्यायामतिदारुणम् द्रोणस्य च महाराज सृञ्जयानां च सर्वशः
MBh 7.129.19
तमसा चावृते लोके न प्राज्ञायत किंचन सैन्येन रजसा चैव समन्तादुत्थितेन ह
MBh 7.129.20
नरस्याश्वस्य नागस्य समसज्जत शोणितम् नापश्याम रजो भौमं कश्मलेनाभिसंवृताः
MBh 7.129.21
रात्रौ वंशवनस्येव दह्यमानस्य पर्वते घोरश्चटचटाशब्दः शस्त्राणां पततामभूत्
MBh 7.129.22
नैव स्वे न परे राजन्प्राज्ञायन्त तमोवृते उन्मत्तमिव तत्सर्वं बभूव रजनीमुखे
MBh 7.129.23
भौमं रजोऽथ राजेन्द्र शोणितेन प्रशामितम् शातकौम्भैश्च कवचैर्भूषणैश्च तमोऽभ्यगात्
MBh 7.129.24
ततः सा भारती सेना मणिहेमविभूषिता द्यौरिवासीत्सनक्षत्रा रजन्यां भरतर्षभ
MBh 7.129.25
गोमायुबडसंघुष्टा शक्तिध्वजसमाकुला दारुणाभिरुता घोरा क्ष्वेडितोत्क्रुष्टनादिता
MBh 7.129.26
ततोऽभवन्महाशब्दस्तुमुलो लोमहर्षणः समावृण्वन्दिशः सर्वा महेन्द्राशनिनिस्वनः
MBh 7.129.27
सा निशीथे महाराज सेनादृश्यत भारती अङ्गदैः कुण्डलैर्निष्कैः शस्त्रैश्चैवावभासिता
MBh 7.129.28
तत्र नागा रथाश्चैव जाम्बूनदविभूषिताः निशायां प्रत्यदृश्यन्त मेघा इव सविद्युतः
MBh 7.129.29
ऋष्टिशक्तिगदाबाणमुसलप्रासपट्टिशाः संपतन्तो व्यदृश्यन्त भ्राजमाना इवाग्नयः
MBh 7.129.30
दुर्योधनपुरोवातां रथनागबलाहकाम् वादित्रघोषस्तनितां चापविद्युद्ध्वजैर्वृताम्
MBh 7.129.31
द्रोणपाण्डवपर्जन्यां खड्गशक्तिगदाशनिम् शरधारास्त्रपवनां भृशं शीतोष्णसंकुलाम्
MBh 7.129.32
घोरां विस्मापनीमुग्रां जीवितच्छिदमप्लवाम् तां प्राविशन्नतिभयां सेनां युद्धचिकीर्षवः
MBh 7.129.33
तस्मिन्रात्रिमुखे घोरे महाशब्दनिनादिते भीरूणां त्रासजनने शूराणां हर्षवर्धने
MBh 7.129.34
रात्रियुद्धे तदा घोरे वर्तमाने सुदारुणे द्रोणमभ्यद्रवन्क्रुद्धाः सहिताः पाण्डुसृञ्जयाः
MBh 7.129.35
ये ये प्रमुखतो राजन्न्यवर्तन्त महात्मनः तान्सर्वान्विमुखांश्चक्रे कांश्चिन्निन्ये यमक्षयम्

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 35 source-pinned Devanāgarī addresses to Droṇa-Parva, the Mahābhārata reading map, and any exact Bhagavad-Gītā correspondence.

MBh 7.129local chapter route · Droṇa-ParvaDroṇa-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷