🪷 Mahābhārata · Bhīṣma-Parva · Chapter 8

The Book of Bhīṣma · Parva 6 · 31 unique Sanskrit addresses · pinned Critical Edition-derived witness

The Devanāgarī Yathārtha · 31 Shlokas

MBh 6.8.1
धृतराष्ट्र उवाच मेरोरथोत्तरं पार्श्वं पूर्वं चाचक्ष्व संजय निखिलेन महाबुद्धे माल्यवन्तं च पर्वतम्
MBh 6.8.2
संजय उवाच दक्षिणेन तु नीलस्य मेरोः पार्श्वे तथोत्तरे उत्तराः कुरवो राजन्पुण्याः सिद्धनिषेविताः
MBh 6.8.3
तत्र वृक्षा मधुफला नित्यपुष्पफलोपगाः पुष्पाणि च सुगन्धीनि रसवन्ति फलानि च
MBh 6.8.4
सर्वकामफलास्तत्र केचिद्वृक्षा जनाधिप अपरे क्षीरिणो नाम वृक्षास्तत्र नराधिप
MBh 6.8.5
ये क्षरन्ति सदा क्षीरं षड्रसं ह्यमृतोपमम् वस्त्राणि च प्रसूयन्ते फलेष्वाभरणानि च
MBh 6.8.6
सर्वा मणिमयी भूमिः सूक्ष्मकाञ्चनवालुका सर्वत्र सुखसंस्पर्शा निष्पङ्का च जनाधिप
MBh 6.8.7
देवलोकच्युताः सर्वे जायन्ते तत्र मानवाः तुल्यरूपगुणोपेताः समेषु विषमेषु च
MBh 6.8.8
मिथुनानि च जायन्ते स्त्रियश्चाप्सरसोपमाः तेषां ते क्षीरिणां क्षीरं पिबन्त्यमृतसंनिभम्
MBh 6.8.9
मिथुनं जायमानं वै समं तच्च प्रवर्धते तुल्यरूपगुणोपेतं समवेषं तथैव च एकैकमनुरक्तं च चक्रवाकसमं विभो
MBh 6.8.10
निरामया वीतशोका नित्यं मुदितमानसाः दश वर्षसहस्राणि दश वर्षशतानि च जीवन्ति ते महाराज न चान्योन्यं जहत्युत
MBh 6.8.11
भारुण्डा नाम शकुनास्तीक्ष्णतुण्डा महाबलाः ते निर्हरन्ति हि मृतान्दरीषु प्रक्षिपन्ति च
MBh 6.8.12
उत्तराः कुरवो राजन्व्याख्यातास्ते समासतः मेरोः पार्श्वमहं पूर्वं वक्ष्याम्यथ यथातथम्
MBh 6.8.13
तस्य पूर्वाभिषेकस्तु भद्राश्वस्य विशां पते भद्रसालवनं यत्र कालाम्रश्च महाद्रुमः
MBh 6.8.14
कालाम्रश्च महाराज नित्यपुष्पफलः शुभः द्वीपश्च योजनोत्सेधः सिद्धचारणसेवितः
MBh 6.8.15
तत्र ते पुरुषाः श्वेतास्तेजोयुक्ता महाबलाः स्त्रियः कुमुदवर्णाश्च सुन्दर्यः प्रियदर्शनाः
MBh 6.8.16
चन्द्रप्रभाश्चन्द्रवर्णाः पूर्णचन्द्रनिभाननाः चन्द्रशीतलगात्र्यश्च नृत्तगीतविशारदाः
MBh 6.8.17
दश वर्षसहस्राणि तत्रायुर्भरतर्षभ कालाम्ररसपीतास्ते नित्यं संस्थितयौवनाः
MBh 6.8.18
दक्षिणेन तु नीलस्य निषधस्योत्तरेण तु सुदर्शनो नाम महाञ्जम्बूवृक्षः सनातनः
MBh 6.8.19
सर्वकामफलः पुण्यः सिद्धचारणसेवितः तस्य नाम्ना समाख्यातो जम्बूद्वीपः सनातनः
MBh 6.8.20
योजनानां सहस्रं च शतं च भरतर्षभ उत्सेधो वृक्षराजस्य दिवस्पृङ्मनुजेश्वर
MBh 6.8.21
अरत्नीनां सहस्रं च शतानि दश पञ्च च परिणाहस्तु वृक्षस्य फलानां रसभेदिनाम्
MBh 6.8.22
पतमानानि तान्युर्व्यां कुर्वन्ति विपुलं स्वनम् मुञ्चन्ति च रसं राजंस्तस्मिन्रजतसंनिभम्
MBh 6.8.23
तस्या जम्ब्वाः फलरसो नदी भूत्वा जनाधिप मेरुं प्रदक्षिणं कृत्वा संप्रयात्युत्तरान्कुरून्
MBh 6.8.24
पिबन्ति तद्रसं हृष्टा जना नित्यं जनाधिप तस्मिन्फलरसे पीते न जरा बाधते च तान्
MBh 6.8.25
तत्र जाम्बूनदं नाम कनकं देवभूषणम् तरुणादित्यवर्णाश्च जायन्ते तत्र मानवाः
MBh 6.8.26
तथा माल्यवतः शृङ्गे दीप्यते तत्र हव्यवाट् नाम्ना संवर्तको नाम कालाग्निर्भरतर्षभ
MBh 6.8.27
तथा माल्यवतः शृङ्गे पूर्वे पूर्वान्तगण्डिका योजनानां सहस्राणि पञ्चाशन्माल्यवान्स्थितः
MBh 6.8.28
महारजतसंकाशा जायन्ते तत्र मानवाः ब्रह्मलोकाच्च्युताः सर्वे सर्वे च ब्रह्मवादिनः
MBh 6.8.29
तपस्तु तप्यमानास्ते भवन्ति ह्यूर्ध्वरेतसः रक्षणार्थं तु भूतानां प्रविशन्ति दिवाकरम्
MBh 6.8.30
षष्टिस्तानि सहस्राणि षष्टिरेव शतानि च अरुणस्याग्रतो यान्ति परिवार्य दिवाकरम्
MBh 6.8.31
षष्टिं वर्षसहस्राणि षष्टिमेव शतानि च आदित्यतापतप्तास्ते विशन्ति शशिमण्डलम्

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 31 source-pinned Devanāgarī addresses to Bhīṣma-Parva, the Mahābhārata reading map, and any exact Bhagavad-Gītā correspondence.

MBh 6.8local chapter route · Bhīṣma-ParvaBhīṣma-Parvaparent Parva chapter index/mahabharata18-parva Sanskrit reading index with edition and address notesMBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷