🪷 Mahābhārata · Aśvamedhika-Parva · Chapter 84

The Book of the Horse-Sacrifice · Parva 14 · 19 unique Sanskrit addresses · pinned Critical Edition-derived witness

The Devanāgarī Yathārtha · 19 Shlokas

MBh 14.84.1
वैशंपायन उवाच मागधेनार्चितो राजन्पाण्डवः श्वेतवाहनः दक्षिणां दिशमास्थाय चारयामास तं हयम्
MBh 14.84.2
ततः स पुनरावृत्य हयः कामचरो बली आससाद पुरीं रम्यां चेदीनां शुक्तिसाह्वयाम्
MBh 14.84.3
शरभेणार्चितस्तत्र शिशुपालात्मजेन सः युद्धपूर्वेण मानेन पूजया च महाबलः
MBh 14.84.4
तत्रार्चितो ययौ राजंस्तदा स तुरगोत्तमः काशीनन्ध्रान्कोसलांश्च किरातानथ तङ्गणान्
MBh 14.84.5
तत्र पूजां यथान्यायं प्रतिगृह्य स पाण्डवः पुनरावृत्य कौन्तेयो दशार्णानगमत्तदा
MBh 14.84.6
तत्र चित्राङ्गदो नाम बलवान्वसुधाधिपः तेन युद्धमभूत्तस्य विजयस्यातिभैरवम्
MBh 14.84.7
तं चापि वशमानीय किरीटी पुरुषर्षभः निषादराज्ञो विषयमेकलव्यस्य जग्मिवान्
MBh 14.84.8
एकलव्यसुतश्चैनं युद्धेन जगृहे तदा ततश्चक्रे निषादैः स संग्रामं रोमहर्षणम्
MBh 14.84.9
ततस्तमपि कौन्तेयः समरेष्वपराजितः जिगाय समरे वीरो यज्ञविघ्नार्थमुद्यतम्
MBh 14.84.10
स तं जित्वा महाराज नैषादिं पाकशासनिः अर्चितः प्रययौ भूयो दक्षिणं सलिलार्णवम्
MBh 14.84.11
तत्रापि द्रविडैरन्ध्रै रौद्रैर्माहिषकैरपि तथा कोल्लगिरेयैश्च युद्धमासीत्किरीटिनः
MBh 14.84.12
तुरगस्य वशेनाथ सुराष्ट्रानभितो ययौ गोकर्णमपि चासाद्य प्रभासमपि जग्मिवान्
MBh 14.84.13
ततो द्वारवतीं रम्यां वृष्णिवीराभिरक्षिताम् आससाद हयः श्रीमान्कुरुराजस्य यज्ञियः
MBh 14.84.14
तमुन्मथ्य हयश्रेष्ठं यादवानां कुमारकाः प्रययुस्तांस्तदा राजन्नुग्रसेनो न्यवारयत्
MBh 14.84.15
ततः पुर्या विनिष्क्रम्य वृष्ण्यन्धकपतिस्तदा सहितो वसुदेवेन मातुलेन किरीटिनः
MBh 14.84.16
तौ समेत्य कुरुश्रेष्ठं विधिवत्प्रीतिपूर्वकम् परया भरतश्रेष्ठं पूजया समवस्थितौ ततस्ताभ्यामनुज्ञातो ययौ येन हयो गतः
MBh 14.84.17
ततः स पश्चिमं देशं समुद्रस्य तदा हयः क्रमेण व्यचरत्स्फीतं ततः पञ्चनदं ययौ
MBh 14.84.18
तस्मादपि स कौरव्य गान्धारविषयं हयः विचचार यथाकामं कौन्तेयानुगतस्तदा
MBh 14.84.19
तत्र गान्धारराजेन युद्धमासीन्महात्मनः घोरं शकुनिपुत्रेण पूर्ववैरानुसारिणा

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 19 source-pinned Devanāgarī addresses to Aśvamedhika-Parva, the Mahābhārata reading map, and any exact Bhagavad-Gītā correspondence.

MBh 14.84local chapter route · Aśvamedhika-ParvaAśvamedhika-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷