🪷 Mahābhārata · Aśvamedhika-Parva · Chapter 30

The Book of the Horse-Sacrifice · Parva 14 · 31 unique Sanskrit addresses · pinned Critical Edition-derived witness

The Devanāgarī Yathārtha · 31 Shlokas

MBh 14.30.1
पितर ऊचुः अत्राप्युदाहरन्तीममितिहासं पुरातनम् श्रुत्वा च तत्तथा कार्यं भवता द्विजसत्तम
MBh 14.30.2
अलर्को नाम राजर्षिरभवत्सुमहातपाः धर्मज्ञः सत्यसंधश्च महात्मा सुमहाव्रतः
MBh 14.30.3
स सागरान्तां धनुषा विनिर्जित्य महीमिमाम् कृत्वा सुदुष्करं कर्म मनः सूक्ष्मे समादधे
MBh 14.30.4
स्थितस्य वृक्षमूलेऽथ तस्य चिन्ता बभूव ह उत्सृज्य सुमहद्राज्यं सूक्ष्मं प्रति महामते
MBh 14.30.5
अलर्क उवाच मनसो मे बलं जातं मनो जित्वा ध्रुवो जयः अन्यत्र बाणानस्यामि शत्रुभिः परिवारितः
MBh 14.30.6
यदिदं चापलान्मूर्तेः सर्वमेतच्चिकीर्षति मनः प्रति सुतीक्ष्णाग्रानहं मोक्ष्यामि सायकान्
MBh 14.30.7
मन उवाच नेमे बाणास्तरिष्यन्ति मामलर्क कथंचन तवैव मर्म भेत्स्यन्ति भिन्नमर्मा मरिष्यसि
MBh 14.30.8
अन्यान्बाणान्समीक्षस्व यैस्त्वं मां सूदयिष्यसि तच्छ्रुत्वा स विचिन्त्याथ ततो वचनमब्रवीत्
MBh 14.30.9
अलर्क उवाच आघ्राय सुबहून्गन्धांस्तानेव प्रतिगृध्यति तस्माद्घ्राणं प्रति शरान्प्रतिमोक्ष्याम्यहं शितान्
MBh 14.30.10
घ्राण उवाच नेमे बाणास्तरिष्यन्ति मामलर्क कथंचन तवैव मर्म भेत्स्यन्ति भिन्नमर्मा मरिष्यसि
MBh 14.30.11
अन्यान्बाणान्समीक्षस्व यैस्त्वं मां सूदयिष्यसि तच्छ्रुत्वा स विचिन्त्याथ ततो वचनमब्रवीत्
MBh 14.30.12
अलर्क उवाच इयं स्वादून्रसान्भुक्त्वा तानेव प्रतिगृध्यति तस्माज्जिह्वां प्रति शरान्प्रतिमोक्ष्याम्यहं शितान्
MBh 14.30.13
जिह्वोवाच नेमे बाणास्तरिष्यन्ति मामलर्क कथंचन तवैव मर्म भेत्स्यन्ति भिन्नमर्मा मरिष्यसि
MBh 14.30.14
अन्यान्बाणान्समीक्षस्व यैस्त्वं मां सूदयिष्यसि तच्छ्रुत्वा स विचिन्त्याथ ततो वचनमब्रवीत्
MBh 14.30.15
अलर्क उवाच स्पृष्ट्वा त्वग्विविधान्स्पर्शांस्तानेव प्रतिगृध्यति तस्मात्त्वचं पाटयिष्ये विविधैः कङ्कपत्रिभिः
MBh 14.30.16
त्वगुवाच नेमे बाणास्तरिष्यन्ति मामलर्क कथंचन तवैव मर्म भेत्स्यन्ति भिन्नमर्मा मरिष्यसि
MBh 14.30.17
अन्यान्बाणान्समीक्षस्व यैस्त्वं मां सूदयिष्यसि तच्छ्रुत्वा स विचिन्त्याथ ततो वचनमब्रवीत्
MBh 14.30.18
अलर्क उवाच श्रुत्वा वै विविधाञ्शब्दांस्तानेव प्रतिगृध्यति तस्माच्छ्रोत्रं प्रति शरान्प्रतिमोक्ष्याम्यहं शितान्
MBh 14.30.19
श्रोत्र उवाच नेमे बाणास्तरिष्यन्ति मामलर्क कथंचन तवैव मर्म भेत्स्यन्ति ततो हास्यसि जीवितम्
MBh 14.30.20
अन्यान्बाणान्समीक्षस्व यैस्त्वं मां सूदयिष्यसि तच्छ्रुत्वा स विचिन्त्याथ ततो वचनमब्रवीत्
MBh 14.30.21
अलर्क उवाच दृष्ट्वा वै विविधान्भावांस्तानेव प्रतिगृध्यति तस्माच्चक्षुः प्रति शरान्प्रतिमोक्ष्याम्यहं शितान्
MBh 14.30.22
चक्षुरुवाच नेमे बाणास्तरिष्यन्ति मामलर्क कथंचन तवैव मर्म भेत्स्यन्ति भिन्नमर्मा मरिष्यसि
MBh 14.30.23
अन्यान्बाणान्समीक्षस्व यैस्त्वं मां सूदयिष्यसि तच्छ्रुत्वा स विचिन्त्याथ ततो वचनमब्रवीत्
MBh 14.30.24
अलर्क उवाच इयं निष्ठा बहुविधा प्रज्ञया त्वध्यवस्यति तस्माद्बुद्धिं प्रति शरान्प्रतिमोक्ष्याम्यहं शितान्
MBh 14.30.25
बुद्धिरुवाच नेमे बाणास्तरिष्यन्ति मामलर्क कथंचन तवैव मर्म भेत्स्यन्ति भिन्नमर्मा मरिष्यसि
MBh 14.30.26
पितर ऊचुः ततोऽलर्कस्तपो घोरमास्थायाथ सुदुष्करम् नाध्यगच्छत्परं शक्त्या बाणमेतेषु सप्तसु सुसमाहितचेतास्तु ततोऽचिन्तयत प्रभुः
MBh 14.30.27
स विचिन्त्य चिरं कालमलर्को द्विजसत्तम नाध्यगच्छत्परं श्रेयो योगान्मतिमतां वरः
MBh 14.30.28
स एकाग्रं मनः कृत्वा निश्चलो योगमास्थितः इन्द्रियाणि जघानाशु बाणेनैकेन वीर्यवान् योगेनात्मानमाविश्य संसिद्धिं परमां ययौ
MBh 14.30.29
विस्मितश्चापि राजर्षिरिमां गाथां जगाद ह अहो कष्टं यदस्माभिः पूर्वं राज्यमनुष्ठितम् इति पश्चान्मया ज्ञातं योगान्नास्ति परं सुखम्
MBh 14.30.30
इति त्वमपि जानीहि राम मा क्षत्रियाञ्जहि तपो घोरमुपातिष्ठ ततः श्रेयोऽभिपत्स्यसे
MBh 14.30.31
ब्राह्मण उवाच इत्युक्तः स तपो घोरं जामदग्न्यः पितामहैः आस्थितः सुमहाभागो ययौ सिद्धिं च दुर्गमाम्

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 31 source-pinned Devanāgarī addresses to Aśvamedhika-Parva, the Mahābhārata reading map, and any exact Bhagavad-Gītā correspondence.

MBh 14.30local chapter route · Aśvamedhika-ParvaAśvamedhika-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷