🪷 Mahābhārata · Āśramavāsika-Parva · Chapter 41

The Book of Hermitage Residence · Parva 15 · 28 unique Sanskrit addresses · pinned Critical Edition-derived witness

The Devanāgarī Yathārtha · 28 Shlokas

MBh 15.41.1
वैशंपायन उवाच ततस्ते भरतश्रेष्ठाः समाजग्मुः परस्परम् विगतक्रोधमात्सर्याः सर्वे विगतकल्मषाः
MBh 15.41.2
विधिं परममास्थाय ब्रह्मर्षिविहितं शुभम् संप्रीतमनसः सर्वे देवलोक इवामराः
MBh 15.41.3
पुत्रः पित्रा च मात्रा च भार्या च पतिना सह भ्राता भ्रात्रा सखा चैव सख्या राजन्समागताः
MBh 15.41.4
पाण्डवास्तु महेष्वासं कर्णं सौभद्रमेव च संप्रहर्षात्समाजग्मुर्द्रौपदेयांश्च सर्वशः
MBh 15.41.5
ततस्ते प्रीयमाणा वै कर्णेन सह पाण्डवाः समेत्य पृथिवीपालाः सौहृदेऽवस्थिताभवन्
MBh 15.41.6
ऋषिप्रसादात्तेऽन्ये च क्षत्रिया नष्टमन्यवः असौहृदं परित्यज्य सौहृदे पर्यवस्थिताः
MBh 15.41.7
एवं समागताः सर्वे गुरुभिर्बान्धवैस्तथा पुत्रैश्च पुरुषव्याघ्राः कुरवोऽन्ये च मानवाः
MBh 15.41.8
तां रात्रिमेकां कृत्स्नां ते विहृत्य प्रीतमानसाः मेनिरे परितोषेण नृपाः स्वर्गसदो यथा
MBh 15.41.9
नात्र शोको भयं त्रासो नारतिर्नायशोऽभवत् परस्परं समागम्य योधानां भरतर्षभ
MBh 15.41.10
समागतास्ताः पितृभिर्भ्रातृभिः पतिभिः सुतैः मुदं परमिकां प्राप्य नार्यो दुःखमथात्यजन्
MBh 15.41.11
एकां रात्रिं विहृत्यैवं ते वीरास्ताश्च योषितः आमन्त्र्यान्योन्यमाश्लिष्य ततो जग्मुर्यथागतम्
MBh 15.41.12
ततो विसर्जयामास लोकांस्तान्मुनिपुंगवः क्षणेनान्तर्हिताश्चैव प्रेक्षतामेव तेऽभवन्
MBh 15.41.13
अवगाह्य महात्मानः पुण्यां त्रिपथगां नदीम् सरथाः सध्वजाश्चैव स्वानि स्थानानि भेजिरे
MBh 15.41.14
देवलोकं ययुः केचित्केचिद्ब्रह्मसदस्तथा केचिच्च वारुणं लोकं केचित्कौबेरमाप्नुवन्
MBh 15.41.15
तथा वैवस्वतं लोकं केचिच्चैवाप्नुवन्नृपाः राक्षसानां पिशाचानां केचिच्चाप्युत्तरान्कुरून्
MBh 15.41.16
विचित्रगतयः सर्वे या अवाप्यामरैः सह आजग्मुस्ते महात्मानः सवाहाः सपदानुगाः
MBh 15.41.17
गतेषु तेषु सर्वेषु सलिलस्थो महामुनिः धर्मशीलो महातेजाः कुरूणां हितकृत्सदा ततः प्रोवाच ताः सर्वाः क्षत्रिया निहतेश्वराः
MBh 15.41.18
या याः पतिकृताँल्लोकानिच्छन्ति परमस्त्रियः ता जाह्नवीजलं क्षिप्रमवगाहन्त्वतन्द्रिताः
MBh 15.41.19
ततस्तस्य वचः श्रुत्वा श्रद्दधाना वराङ्गनाः श्वशुरं समनुज्ञाप्य विविशुर्जाह्नवीजलम्
MBh 15.41.20
विमुक्ता मानुषैर्देहैस्ततस्ता भर्तृभिः सह समाजग्मुस्तदा साध्व्यः सर्वा एव विशां पते
MBh 15.41.21
एवं क्रमेण सर्वास्ताः शीलवत्यः कुलस्त्रियः प्रविश्य तोयं निर्मुक्ता जग्मुर्भर्तृसलोकताम्
MBh 15.41.22
दिव्यरूपसमायुक्ता दिव्याभरणभूषिताः दिव्यमाल्याम्बरधरा यथासां पतयस्तथा
MBh 15.41.23
ताः शीलसत्त्वसंपन्ना वितमस्का गतक्लमाः सर्वाः सर्वगुणैर्युक्ताः स्वं स्वं स्थानं प्रपेदिरे
MBh 15.41.24
यस्य यस्य च यः कामस्तस्मिन्कालेऽभवत्तदा तं तं विसृष्टवान्व्यासो वरदो धर्मवत्सलः
MBh 15.41.25
तच्छ्रुत्वा नरदेवानां पुनरागमनं नराः जहृषुर्मुदिताश्चासन्नन्यदेहगता अपि
MBh 15.41.26
प्रियैः समागमं तेषां य इमं शृणुयान्नरः प्रियाणि लभते नित्यमिह च प्रेत्य चैव ह
MBh 15.41.27
इष्टबान्धवसंयोगमनायासमनामयम् य इमं श्रावयेद्विद्वान्संसिद्धिं प्राप्नुयात्पराम्
MBh 15.41.28
स्वाध्याययुक्ताः पुरुषाः क्रियायुक्ताश्च भारत अध्यात्मयोगयुक्ताश्च धृतिमन्तश्च मानवाः श्रुत्वा पर्व त्विदं नित्यमवाप्स्यन्ति परां गतिम्

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 28 source-pinned Devanāgarī addresses to Āśramavāsika-Parva, the Mahābhārata reading map, and any exact Bhagavad-Gītā correspondence.

MBh 15.41local chapter route · Āśramavāsika-ParvaĀśramavāsika-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷