🪷 Mahābhārata · Āśramavāsika-Parva · Chapter 33

The Book of Hermitage Residence · Parva 15 · 37 unique Sanskrit addresses · pinned Critical Edition-derived witness

The Devanāgarī Yathārtha · 37 Shlokas

MBh 15.33.1
धृतराष्ट्र उवाच युधिष्ठिर महाबाहो कच्चित्तात कुशल्यसि सहितो भ्रातृभिः सर्वैः पौरजानपदैस्तथा
MBh 15.33.2
ये च त्वामुपजीवन्ति कच्चित्तेऽपि निरामयाः सचिवा भृत्यवर्गाश्च गुरवश्चैव ते विभो
MBh 15.33.3
कच्चिद्वर्तसि पौराणीं वृत्तिं राजर्षिसेविताम् कच्चिद्दायाननुच्छिद्य कोशस्तेऽभिप्रपूर्यते
MBh 15.33.4
अरिमध्यस्थमित्रेषु वर्तसे चानुरूपतः ब्राह्मणानग्रहारैर्वा यथावदनुपश्यसि
MBh 15.33.5
कच्चित्ते परितुष्यन्ति शीलेन भरतर्षभ शत्रवो गुरवः पौरा भृत्या वा स्वजनोऽपि वा
MBh 15.33.6
कच्चिद्यजसि राजेन्द्र श्रद्धावान्पितृदेवताः अतिथींश्चान्नपानेन कच्चिदर्चसि भारत
MBh 15.33.7
कच्चिच्च विषये विप्राः स्वकर्मनिरतास्तव क्षत्रिया वैश्यवर्गा वा शूद्रा वापि कुटुम्बिनः
MBh 15.33.8
कच्चित्स्त्रीबालवृद्धं ते न शोचति न याचते जामयः पूजिताः कच्चित्तव गेहे नरर्षभ
MBh 15.33.9
कच्चिद्राजर्षिवंशोऽयं त्वामासाद्य महीपतिम् यथोचितं महाराज यशसा नावसीदति
MBh 15.33.10
वैशंपायन उवाच इत्येवंवादिनं तं स न्यायवित्प्रत्यभाषत कुशलप्रश्नसंयुक्तं कुशलो वाक्यकर्मणि
MBh 15.33.11
कच्चित्ते वर्धते राजंस्तपो मन्दश्रमस्य ते अपि मे जननी चेयं शुश्रूषुर्विगतक्लमा अप्यस्याः सफलो राजन्वनवासो भविष्यति
MBh 15.33.12
इयं च माता ज्येष्ठा मे शीतवाताध्वकर्शिता घोरेण तपसा युक्ता देवी कच्चिन्न शोचति
MBh 15.33.13
हतान्पुत्रान्महावीर्यान्क्षत्रधर्मपरायणान् नापध्यायति वा कच्चिदस्मान्पापकृतः सदा
MBh 15.33.14
क्व चासौ विदुरो राजन्नैनं पश्यामहे वयम् संजयः कुशली चायं कच्चिन्नु तपसि स्थितः
MBh 15.33.15
इत्युक्तः प्रत्युवाचेदं धृतराष्ट्रो जनाधिपम् कुशली विदुरः पुत्र तपो घोरं समास्थितः
MBh 15.33.16
वायुभक्षो निराहारः कृशो धमनिसंततः कदाचिद्दृश्यते विप्रैः शून्येऽस्मिन्कानने क्वचित्
MBh 15.33.17
इत्येवं वदतस्तस्य जटी वीटामुखः कृशः दिग्वासा मलदिग्धाङ्गो वनरेणुसमुक्षितः
MBh 15.33.18
दूरादालक्षितः क्षत्ता तत्राख्यातो महीपतेः निवर्तमानः सहसा जनं दृष्ट्वाश्रमं प्रति
MBh 15.33.19
तमन्वधावन्नृपतिरेक एव युधिष्ठिरः प्रविशन्तं वनं घोरं लक्ष्यालक्ष्यं क्वचित्क्वचित्
MBh 15.33.20
भो भो विदुर राजाहं दयितस्ते युधिष्ठिरः इति ब्रुवन्नरपतिस्तं यत्नादभ्यधावत
MBh 15.33.21
ततो विविक्त एकान्ते तस्थौ बुद्धिमतां वरः विदुरो वृक्षमाश्रित्य कंचित्तत्र वनान्तरे
MBh 15.33.22
तं राजा क्षीणभूयिष्ठमाकृतीमात्रसूचितम् अभिजज्ञे महाबुद्धिं महाबुद्धिर्युधिष्ठिरः
MBh 15.33.23
युधिष्ठिरोऽहमस्मीति वाक्यमुक्त्वाग्रतः स्थितः विदुरस्याश्रवे राजा स च प्रत्याह संज्ञया
MBh 15.33.24
ततः सोऽनिमिषो भूत्वा राजानं समुदैक्षत संयोज्य विदुरस्तस्मिन्दृष्टिं दृष्ट्या समाहितः
MBh 15.33.25
विवेश विदुरो धीमान्गात्रैर्गात्राणि चैव ह प्राणान्प्राणेषु च दधदिन्द्रियाणीन्द्रियेषु च
MBh 15.33.26
स योगबलमास्थाय विवेश नृपतेस्तनुम् विदुरो धर्मराजस्य तेजसा प्रज्वलन्निव
MBh 15.33.27
विदुरस्य शरीरं तत्तथैव स्तब्धलोचनम् वृक्षाश्रितं तदा राजा ददर्श गतचेतनम्
MBh 15.33.28
बलवन्तं तथात्मानं मेने बहुगुणं तदा धर्मराजो महातेजास्तच्च सस्मार पाण्डवः
MBh 15.33.29
पौराणमात्मनः सर्वं विद्यावान्स विशां पते योगधर्मं महातेजा व्यासेन कथितं यथा
MBh 15.33.30
धर्मराजस्तु तत्रैनं संचस्कारयिषुस्तदा दग्धुकामोऽभवद्विद्वानथ वै वागभाषत
MBh 15.33.31
भो भो राजन्न दग्धव्यमेतद्विदुरसंज्ञकम् कलेवरमिहैतत्ते धर्म एष सनातनः
MBh 15.33.32
लोकाः संतानका नाम भविष्यन्त्यस्य पार्थिव यतिधर्ममवाप्तोऽसौ नैव शोच्यः परंतप
MBh 15.33.33
इत्युक्तो धर्मराजः स विनिवृत्य ततः पुनः राज्ञो वैचित्रवीर्यस्य तत्सर्वं प्रत्यवेदयत्
MBh 15.33.34
ततः स राजा द्युतिमान्स च सर्वो जनस्तदा भीमसेनादयश्चैव परं विस्मयमागताः
MBh 15.33.35
तच्छ्रुत्वा प्रीतिमान्राजा भूत्वा धर्मजमब्रवीत् आपो मूलं फलं चैव ममेदं प्रतिगृह्यताम्
MBh 15.33.36
यदन्नो हि नरो राजंस्तदन्नोऽस्यातिथिः स्मृतः इत्युक्तः स तथेत्येव प्राह धर्मात्मजो नृपम् फलं मूलं च बुभुजे राज्ञा दत्तं सहानुजः
MBh 15.33.37
ततस्ते वृक्षमूलेषु कृतवासपरिग्रहाः तां रात्रिं न्यवसन्सर्वे फलमूलजलाशनाः

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 37 source-pinned Devanāgarī addresses to Āśramavāsika-Parva, the Mahābhārata reading map, and any exact Bhagavad-Gītā correspondence.

MBh 15.33local chapter route · Āśramavāsika-ParvaĀśramavāsika-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷