🪷 Mahābhārata · Ādi-Parva · Chapter 21

The Book of the Beginning · Parva 1 · 17 unique Sanskrit addresses · pinned Critical Edition-derived witness

The Devanāgarī Yathārtha · 17 Shlokas

MBh 1.21.1
सूत उवाच ततः कामगमः पक्षी महावीर्यो महाबलः मातुरन्तिकमागच्छत्परं तीरं महोदधेः
MBh 1.21.2
यत्र सा विनता तस्मिन्पणितेन पराजिता अतीव दुःखसंतप्ता दासीभावमुपागता
MBh 1.21.3
ततः कदाचिद्विनतां प्रवणां पुत्रसंनिधौ काल आहूय वचनं कद्रूरिदमभाषत
MBh 1.21.4
नागानामालयं भद्रे सुरम्यं रमणीयकम् समुद्रकुक्षावेकान्ते तत्र मां विनते वह
MBh 1.21.5
ततः सुपर्णमाता तामवहत्सर्पमातरम् पन्नगान्गरुडश्चापि मातुर्वचनचोदितः
MBh 1.21.6
स सूर्यस्याभितो याति वैनतेयो विहंगमः सूर्यरश्मिपरीताश्च मूर्च्छिताः पन्नगाभवन् तदवस्थान्सुतान्दृष्ट्वा कद्रूः शक्रमथास्तुवत्
MBh 1.21.7
नमस्ते देवदेवेश नमस्ते बलसूदन नमुचिघ्न नमस्तेऽस्तु सहस्राक्ष शचीपते
MBh 1.21.8
सर्पाणां सूर्यतप्तानां वारिणा त्वं प्लवो भव त्वमेव परमं त्राणमस्माकममरोत्तम
MBh 1.21.9
ईशो ह्यसि पयः स्रष्टुं त्वमनल्पं पुरंदर त्वमेव मेघस्त्वं वायुस्त्वमग्निर्वैद्युतोऽम्बरे
MBh 1.21.10
त्वमभ्रघनविक्षेप्ता त्वामेवाहुः पुनर्घनम् त्वं वज्रमतुलं घोरं घोषवांस्त्वं बलाहकः
MBh 1.21.11
स्रष्टा त्वमेव लोकानां संहर्ता चापराजितः त्वं ज्योतिः सर्वभूतानां त्वमादित्यो विभावसुः
MBh 1.21.12
त्वं महद्भूतमाश्चर्यं त्वं राजा त्वं सुरोत्तमः त्वं विष्णुस्त्वं सहस्राक्षस्त्वं देवस्त्वं परायणम्
MBh 1.21.13
त्वं सर्वममृतं देव त्वं सोमः परमार्चितः त्वं मुहूर्तस्तिथिश्च त्वं लवस्त्वं वै पुनः क्षणः
MBh 1.21.14
शुक्लस्त्वं बहुलश्चैव कला काष्ठा त्रुटिस्तथा संवत्सरर्तवो मासा रजन्यश्च दिनानि च
MBh 1.21.15
त्वमुत्तमा सगिरिवना वसुंधरा; सभास्करं वितिमिरमम्बरं तथा महोदधिः सतिमितिमिंगिलस्तथा; महोर्मिमान्बहुमकरो झषालयः
MBh 1.21.16
महद्यशस्त्वमिति सदाभिपूज्यसे; मनीषिभिर्मुदितमना महर्षिभिः अभिष्टुतः पिबसि च सोममध्वरे; वषट्कृतान्यपि च हवींषि भूतये
MBh 1.21.17
त्वं विप्रैः सततमिहेज्यसे फलार्थं; वेदाङ्गेष्वतुलबलौघ गीयसे च त्वद्धेतोर्यजनपरायणा द्विजेन्द्रा; वेदाङ्गान्यभिगमयन्ति सर्ववेदैः

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 17 source-pinned Devanāgarī addresses to Ādi-Parva, the Mahābhārata reading map, and any exact Bhagavad-Gītā correspondence.

MBh 1.21local chapter route · Ādi-ParvaĀdi-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷