🪷 Mahābhārata · Ādi-Parva · Chapter 16

The Book of the Beginning · Parva 1 · 40 unique Sanskrit addresses · pinned Critical Edition-derived witness

The Devanāgarī Yathārtha · 40 Shlokas

MBh 1.16.1
सूत उवाच ततोऽभ्रशिखराकारैर्गिरिशृङ्गैरलंकृतम् मन्दरं पर्वतवरं लताजालसमावृतम्
MBh 1.16.2
नानाविहगसंघुष्टं नानादंष्ट्रिसमाकुलम् किंनरैरप्सरोभिश्च देवैरपि च सेवितम्
MBh 1.16.3
एकादश सहस्राणि योजनानां समुच्छ्रितम् अधो भूमेः सहस्रेषु तावत्स्वेव प्रतिष्ठितम्
MBh 1.16.4
तमुद्धर्तुं न शक्ता वै सर्वे देवगणास्तदा विष्णुमासीनमभ्येत्य ब्रह्माणं चेदमब्रुवन्
MBh 1.16.5
भवन्तावत्र कुरुतां बुद्धिं नैःश्रेयसीं पराम् मन्दरोद्धरणे यत्नः क्रियतां च हिताय नः
MBh 1.16.6
तथेति चाब्रवीद्विष्णुर्ब्रह्मणा सह भार्गव ततोऽनन्तः समुत्थाय ब्रह्मणा परिचोदितः नारायणेन चाप्युक्तस्तस्मिन्कर्मणि वीर्यवान्
MBh 1.16.7
अथ पर्वतराजानं तमनन्तो महाबलः उज्जहार बलाद्ब्रह्मन्सवनं सवनौकसम्
MBh 1.16.8
ततस्तेन सुराः सार्धं समुद्रमुपतस्थिरे तमूचुरमृतार्थाय निर्मथिष्यामहे जलम्
MBh 1.16.9
अपांपतिरथोवाच ममाप्यंशो भवेत्ततः सोढास्मि विपुलं मर्दं मन्दरभ्रमणादिति
MBh 1.16.10
ऊचुश्च कूर्मराजानमकूपारं सुरासुराः गिरेरधिष्ठानमस्य भवान्भवितुमर्हति
MBh 1.16.11
कूर्मेण तु तथेत्युक्त्वा पृष्ठमस्य समर्पितम् तस्य शैलस्य चाग्रं वै यन्त्रेणेन्द्रोऽभ्यपीडयत्
MBh 1.16.12
मन्थानं मन्दरं कृत्वा तथा नेत्रं च वासुकिम् देवा मथितुमारब्धाः समुद्रं निधिमम्भसाम् अमृतार्थिनस्ततो ब्रह्मन्सहिता दैत्यदानवाः
MBh 1.16.13
एकमन्तमुपाश्लिष्टा नागराज्ञो महासुराः विबुधाः सहिताः सर्वे यतः पुच्छं ततः स्थिताः
MBh 1.16.14
अनन्तो भगवान्देवो यतो नारायणस्ततः शिर उद्यम्य नागस्य पुनः पुनरवाक्षिपत्
MBh 1.16.15
वासुकेरथ नागस्य सहसाक्षिप्यतः सुरैः सधूमाः सार्चिषो वाता निष्पेतुरसकृन्मुखात्
MBh 1.16.16
ते धूमसंघाः संभूता मेघसंघाः सविद्युतः अभ्यवर्षन्सुरगणाञ्श्रमसंतापकर्शितान्
MBh 1.16.17
तस्माच्च गिरिकूटाग्रात्प्रच्युताः पुष्पवृष्टयः सुरासुरगणान्माल्यैः सर्वतः समवाकिरन्
MBh 1.16.18
बभूवात्र महाघोषो महामेघरवोपमः उदधेर्मथ्यमानस्य मन्दरेण सुरासुरैः
MBh 1.16.19
तत्र नानाजलचरा विनिष्पिष्टा महाद्रिणा विलयं समुपाजग्मुः शतशो लवणाम्भसि
MBh 1.16.20
वारुणानि च भूतानि विविधानि महीधरः पातालतलवासीनि विलयं समुपानयत्
MBh 1.16.21
तस्मिंश्च भ्राम्यमाणेऽद्रौ संघृष्यन्तः परस्परम् न्यपतन्पतगोपेताः पर्वताग्रान्महाद्रुमाः
MBh 1.16.22
तेषां संघर्षजश्चाग्निरर्चिर्भिः प्रज्वलन्मुहुः विद्युद्भिरिव नीलाभ्रमावृणोन्मन्दरं गिरिम्
MBh 1.16.23
ददाह कुञ्जरांश्चैव सिंहांश्चैव विनिःसृतान् विगतासूनि सर्वाणि सत्त्वानि विविधानि च
MBh 1.16.24
तमग्निममरश्रेष्ठः प्रदहन्तं ततस्ततः वारिणा मेघजेनेन्द्रः शमयामास सर्वतः
MBh 1.16.25
ततो नानाविधास्तत्र सुस्रुवुः सागराम्भसि महाद्रुमाणां निर्यासा बहवश्चौषधीरसाः
MBh 1.16.26
तेषाममृतवीर्याणां रसानां पयसैव च अमरत्वं सुरा जग्मुः काञ्चनस्य च निःस्रवात्
MBh 1.16.27
अथ तस्य समुद्रस्य तज्जातमुदकं पयः रसोत्तमैर्विमिश्रं च ततः क्षीरादभूद्घृतम्
MBh 1.16.28
ततो ब्रह्माणमासीनं देवा वरदमब्रुवन् श्रान्ताः स्म सुभृशं ब्रह्मन्नोद्भवत्यमृतं च तत्
MBh 1.16.29
ऋते नारायणं देवं दैत्या नागोत्तमास्तथा चिरारब्धमिदं चापि सागरस्यापि मन्थनम्
MBh 1.16.30
ततो नारायणं देवं ब्रह्मा वचनमब्रवीत् विधत्स्वैषां बलं विष्णो भवानत्र परायणम्
MBh 1.16.31
विष्णुरुवाच बलं ददामि सर्वेषां कर्मैतद्ये समास्थिताः क्षोभ्यतां कलशः सर्वैर्मन्दरः परिवर्त्यताम्
MBh 1.16.32
सूत उवाच नारायणवचः श्रुत्वा बलिनस्ते महोदधेः तत्पयः सहिता भूयश्चक्रिरे भृशमाकुलम्
MBh 1.16.33
ततः शतसहस्रांशुः समान इव सागरात् प्रसन्नभाः समुत्पन्नः सोमः शीतांशुरुज्ज्वलः
MBh 1.16.34
श्रीरनन्तरमुत्पन्ना घृतात्पाण्डुरवासिनी सुरा देवी समुत्पन्ना तुरगः पाण्डुरस्तथा
MBh 1.16.35
कौस्तुभश्च मणिर्दिव्य उत्पन्नोऽमृतसंभवः मरीचिविकचः श्रीमान्नारायणउरोगतः
MBh 1.16.36
श्रीः सुरा चैव सोमश्च तुरगश्च मनोजवः यतो देवास्ततो जग्मुरादित्यपथमाश्रिताः
MBh 1.16.37
धन्वन्तरिस्ततो देवो वपुष्मानुदतिष्ठत श्वेतं कमण्डलुं बिभ्रदमृतं यत्र तिष्ठति
MBh 1.16.38
एतदत्यद्भुतं दृष्ट्वा दानवानां समुत्थितः अमृतार्थे महान्नादो ममेदमिति जल्पताम्
MBh 1.16.39
ततो नारायणो मायामास्थितो मोहिनीं प्रभुः स्त्रीरूपमद्भुतं कृत्वा दानवानभिसंश्रितः
MBh 1.16.40
ततस्तदमृतं तस्यै ददुस्ते मूढचेतसः स्त्रियै दानवदैतेयाः सर्वे तद्गतमानसाः

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 40 source-pinned Devanāgarī addresses to Ādi-Parva, the Mahābhārata reading map, and any exact Bhagavad-Gītā correspondence.

MBh 1.16local chapter route · Ādi-ParvaĀdi-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷