🪷 Rāmcharitamānas · Bāla-Kāṇḍa · Unit 31

The Book of Childhood · Numbered unit 31 of 361

चौपाई

तदपि कही गुर बारहिं बारा। समुझि परी कछु मति अनुसारा।। 
भाषाबद्ध करबि मैं सोई। मोरें मन प्रबोध जेहिं होई।।
जस कछु बुधि बिबेक बल मेरें। तस कहिहउँ हियँ हरि के प्रेरें।। 
निज संदेह मोह भ्रम हरनी। करउँ कथा भव सरिता तरनी।।
बुध बिश्राम सकल जन रंजनि। रामकथा कलि कलुष बिभंजनि।। 
रामकथा कलि पंनग भरनी। पुनि बिबेक पावक कहुँ अरनी।।
रामकथा कलि कामद गाई। सुजन सजीवनि मूरि सुहाई।। 
सोइ बसुधातल सुधा तरंगिनि। भय भंजनि भ्रम भेक भुअंगिनि।।
असुर सेन सम नरक निकंदिनि। साधु बिबुध कुल हित गिरिनंदिनि।। 
संत समाज पयोधि रमा सी। बिस्व भार भर अचल छमा सी।।
जम गन मुहँ मसि जग जमुना सी। जीवन मुकुति हेतु जनु कासी।। 
 रामहि प्रिय पावनि तुलसी सी। तुलसिदास हित हियँ हुलसी सी।।
 सिवप्रय मेकल सैल सुता सी। सकल सिद्धि सुख संपति रासी।। 
 सदगुन सुरगन अंब अदिति सी। रघुबर भगति प्रेम परमिति सी।।

दोहा/सोरठा

राम कथा मंदाकिनी चित्रकूट चित चारु। 
 तुलसी सुभग सनेह बन सिय रघुबीर बिहारु।।31।।

— Rāmcharitamānas Bāla-Kāṇḍa numbered unit 31 · Goswāmi Tulsidās · Awadhi-Hindi Devanāgarī

Place in the Mānas

Numbered unit 31 of 361 in Bāla-Kāṇḍa (Kāṇḍa 1 of 7)
Contained verse types: चौपाई · दोहा/सोरठा
Kāṇḍa theme: Maṅgalācaraṇa (the auspicious opening · Gaṇeśa-Sarasvatī-Śiva-Pārvatī-Hari-Hara invocations) · Rāma's līlā in childhood · Viśvāmitra-yajña-protection · Sītā-svayaṁvara at Mithilā · the four brothers' weddings

Continue the Pāṭha

Browse the Bāla-Kāṇḍa unit index and maṅgalācaraṇa, return to the seven-Kāṇḍa Mānas, or read the Vālmīki Rāmāyaṇa Sanskrit companion.

📚 Cite this unit · Academic citation formats

APA: Goswāmi Tulsidās. (n.d.). Śrī Rāmcharitamānas Bāla-Kāṇḍa numbered unit 31. Vidhyāmitra. Retrieved 2026-08-06, from https://vidhyamitra.com/ramcharitamanas/bala-kand/31

Chicago: Goswāmi Tulsidās. "Śrī Rāmcharitamānas Bāla-Kāṇḍa numbered unit 31." Vidhyāmitra. Accessed 2026-08-06. https://vidhyamitra.com/ramcharitamanas/bala-kand/31.

MLA: Goswāmi Tulsidās. "Śrī Rāmcharitamānas Bāla-Kāṇḍa numbered unit 31." Vidhyāmitra, 2026, https://vidhyamitra.com/ramcharitamanas/bala-kand/31.

Text address: https://vidhyamitra.com/ramcharitamanas/bala-kand/31 · numbered unit from the pinned IIT Kanpur-derived witness released under the Unlicense.

🪷 जय श्री राम · जय गोस्वामी तुलसीदास 🪷