🪷 Mahābhārata · Virāṭa-Parva · Chapter 60

The Book of Virāṭa · Parva 4 · 19 unique Sanskrit addresses · pinned Critical Edition-derived witness

The Devanāgarī Yathārtha · 19 Shlokas

MBh 4.60.1
वैशंपायन उवाच भीष्मे तु संग्रामशिरो विहाय; पलायमाने धृतराष्ट्रपुत्रः उच्छ्रित्य केतुं विनदन्महात्मा; स्वयं विगृह्यार्जुनमाससाद
MBh 4.60.2
स भीमधन्वानमुदग्रवीर्यं; धनंजयं शत्रुगणे चरन्तम् आकर्णपूर्णायतचोदितेन; भल्लेन विव्याध ललाटमध्ये
MBh 4.60.3
स तेन बाणेन समर्पितेन; जाम्बूनदाभेन सुसंशितेन रराज राजन्महनीयकर्मा; यथैकपर्वा रुचिरैकशृङ्गः
MBh 4.60.4
अथास्य बाणेन विदारितस्य; प्रादुर्बभूवासृगजस्रमुष्णम् सा तस्य जाम्बूनदपुष्पचित्रा; मालेव चित्राभिविराजते स्म
MBh 4.60.5
स तेन बाणाभिहतस्तरस्वी; दुर्योधनेनोद्धतमन्युवेगः शरानुपादाय विषाग्निकल्पा;न्विव्याध राजानमदीनसत्त्वः
MBh 4.60.6
दुर्योधनश्चापि तमुग्रतेजाः; पार्थश्च दुर्योधनमेकवीरः अन्योन्यमाजौ पुरुषप्रवीरौ; समं समाजघ्नतुराजमीढौ
MBh 4.60.7
ततः प्रभिन्नेन महागजेन; महीधराभेन पुनर्विकर्णः रथैश्चतुर्भिर्गजपादरक्षैः; कुन्तीसुतं जिष्णुमथाभ्यधावत्
MBh 4.60.8
तमापतन्तं त्वरितं गजेन्द्रं; धनंजयः कुम्भविभागमध्ये आकर्णपूर्णेन दृढायसेन; बाणेन विव्याध महाजवेन
MBh 4.60.9
पार्थेन सृष्टः स तु गार्ध्रपत्र; आ पुङ्खदेशात्प्रविवेश नागम् विदार्य शैलप्रवरप्रकाशं; यथाशनिः पर्वतमिन्द्रसृष्टः
MBh 4.60.10
शरप्रतप्तः स तु नागराजः; प्रवेपिताङ्गो व्यथितान्तरात्मा संसीदमानो निपपात मह्यां; वज्राहतं शृङ्गमिवाचलस्य
MBh 4.60.11
निपातिते दन्तिवरे पृथिव्यां; त्रासाद्विकर्णः सहसावतीर्य तूर्णं पदान्यष्टशतानि गत्वा; विविंशतेः स्यन्दनमारुरोह
MBh 4.60.12
निहत्य नागं तु शरेण तेन; वज्रोपमेनाद्रिवराम्बुदाभम् तथाविधेनैव शरेण पार्थो; दुर्योधनं वक्षसि निर्बिभेद
MBh 4.60.13
ततो गजे राजनि चैव भिन्ने; भग्ने विकर्णे च सपादरक्षे गाण्डीवमुक्तैर्विशिखैः प्रणुन्ना;स्ते योधमुख्याः सहसापजग्मुः
MBh 4.60.14
दृष्ट्वैव बाणेन हतं तु नागं; योधांश्च सर्वान्द्रवतो निशम्य रथं समावृत्य कुरुप्रवीरो; रणात्प्रदुद्राव यतो न पार्थः
MBh 4.60.15
तं भीमरूपं त्वरितं द्रवन्तं; दुर्योधनं शत्रुसहो निषङ्गी प्राक्ष्वेडयद्योद्धुमनाः किरीटी; बाणेन विद्धं रुधिरं वमन्तम्
MBh 4.60.16
अर्जुन उवाच विहाय कीर्तिं विपुलं यशश्च; युद्धात्परावृत्य पलायसे किम् न तेऽद्य तूर्याणि समाहतानि; यथावदुद्यान्ति गतस्य युद्धे
MBh 4.60.17
युधिष्ठिरस्यास्मि निदेशकारी; पार्थस्तृतीयो युधि च स्थिरोऽस्मि तदर्थमावृत्य मुखं प्रयच्छ; नरेन्द्रवृत्तं स्मर धार्तराष्ट्र
MBh 4.60.18
मोघं तवेदं भुवि नामधेयं; दुर्योधनेतीह कृतं पुरस्तात् न हीह दुर्योधनता तवास्ति; पलायमानस्य रणं विहाय
MBh 4.60.19
न ते पुरस्तादथ पृष्ठतो वा; पश्यामि दुर्योधन रक्षितारम् परैहि युद्धेन कुरुप्रवीर; प्राणान्प्रियान्पाण्डवतोऽद्य रक्ष

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 19 source-pinned Devanāgarī addresses to Virāṭa-Parva, the Mahābhārata reading map, and any exact Bhagavad-Gītā correspondence.

MBh 4.60local chapter route · Virāṭa-ParvaVirāṭa-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷