🪷 Mahābhārata · Virāṭa-Parva · Chapter 29

The Book of Virāṭa · Parva 4 · 28 unique Sanskrit addresses · pinned Critical Edition-derived witness

The Devanāgarī Yathārtha · 28 Shlokas

MBh 4.29.1
वैशंपायन उवाच अथ राजा त्रिगर्तानां सुशर्मा रथयूथपः प्राप्तकालमिदं वाक्यमुवाच त्वरितो भृशम्
MBh 4.29.2
असकृन्निकृतः पूर्वं मत्स्यैः साल्वेयकैः सह सूतेन चैव मत्स्यस्य कीचकेन पुनः पुनः
MBh 4.29.3
बाधितो बन्धुभिः सार्धं बलाद्बलवता विभो स कर्णमभ्युदीक्ष्याथ दुर्योधनमभाषत
MBh 4.29.4
असकृन्मत्स्यराज्ञा मे राष्ट्रं बाधितमोजसा प्रणेता कीचकश्चास्य बलवानभवत्पुरा
MBh 4.29.5
क्रूरोऽमर्षी स दुष्टात्मा भुवि प्रख्यातविक्रमः निहतस्तत्र गन्धर्वैः पापकर्मा नृशंसवान्
MBh 4.29.6
तस्मिंश्च निहते राजन्हीनदर्पो निराश्रयः भविष्यति निरुत्साहो विराट इति मे मतिः
MBh 4.29.7
तत्र यात्रा मम मता यदि ते रोचतेऽनघ कौरवाणां च सर्वेषां कर्णस्य च महात्मनः
MBh 4.29.8
एतत्प्राप्तमहं मन्ये कार्यमात्ययिकं हितम् राष्ट्रं तस्याभियात्वाशु बहुधान्यसमाकुलम्
MBh 4.29.9
आददामोऽस्य रत्नानि विविधानि वसूनि च ग्रामान्राष्ट्राणि वा तस्य हरिष्यामो विभागशः
MBh 4.29.10
अथ वा गोसहस्राणि बहूनि च शुभानि च विविधानि हरिष्यामः प्रतिपीड्य पुरं बलात्
MBh 4.29.11
कौरवैः सह संगम्य त्रिगर्तैश्च विशां पते गास्तस्यापहरामाशु सह सर्वैः सुसंहताः
MBh 4.29.12
संधिं वा तेन कृत्वा तु निबध्नीमोऽस्य पौरुषम् हत्वा चास्य चमूं कृत्स्नां वशमन्वानयामहे
MBh 4.29.13
तं वशे न्यायतः कृत्वा सुखं वत्स्यामहे वयम् भवतो बलवृद्धिश्च भविष्यति न संशयः
MBh 4.29.14
तच्छ्रुत्वा वचनं तस्य कर्णो राजानमब्रवीत् सूक्तं सुशर्मणा वाक्यं प्राप्तकालं हितं च नः
MBh 4.29.15
तस्मात्क्षिप्रं विनिर्यामो योजयित्वा वरूथिनीम् विभज्य चाप्यनीकानि यथा वा मन्यसेऽनघ
MBh 4.29.16
प्रज्ञावान्कुरुवृद्धोऽयं सर्वेषां नः पितामहः आचार्यश्च तथा द्रोणः कृपः शारद्वतस्तथा
MBh 4.29.17
मन्यन्ते ते यथा सर्वे तथा यात्रा विधीयताम् संमन्त्र्य चाशु गच्छामः साधनार्थं महीपतेः
MBh 4.29.18
किं च नः पाण्डवैः कार्यं हीनार्थबलपौरुषैः अत्यर्थं वा प्रनष्टास्ते प्राप्ता वापि यमक्षयम्
MBh 4.29.19
यामो राजन्ननुद्विग्ना विराटविषयं वयम् आदास्यामो हि गास्तस्य विविधानि वसूनि च
MBh 4.29.20
ततो दुर्योधनो राजा वाक्यमादाय तस्य तत् वैकर्तनस्य कर्णस्य क्षिप्रमाज्ञापयत्स्वयम्
MBh 4.29.21
शासने नित्यसंयुक्तं दुःशासनमनन्तरम् सह वृद्धैस्तु संमन्त्र्य क्षिप्रं योजय वाहिनीम्
MBh 4.29.22
यथोद्देशं च गच्छामः सहिताः सर्वकौरवैः सुशर्मा तु यथोद्दिष्टं देशं यातु महारथः
MBh 4.29.23
त्रिगर्तैः सहितो राजा समग्रबलवाहनः प्रागेव हि सुसंवीतो मत्स्यस्य विषयं प्रति
MBh 4.29.24
जघन्यतो वयं तत्र यास्यामो दिवसान्तरम् विषयं मत्स्यराजस्य सुसमृद्धं सुसंहताः
MBh 4.29.25
ते यात्वा सहसा तत्र विराटनगरं प्रति क्षिप्रं गोपान्समासाद्य गृह्णन्तु विपुलं धनम्
MBh 4.29.26
गवां शतसहस्राणि श्रीमन्ति गुणवन्ति च वयमपि निगृह्णीमो द्विधा कृत्वा वरूथिनीम्
MBh 4.29.27
स स्म गत्वा यथोद्दिष्टां दिशं वह्नेर्महीपतिः आदत्त गाः सुशर्माथ घर्मपक्षस्य सप्तमीम्
MBh 4.29.28
अपरं दिवसं सर्वे राजन्संभूय कौरवाः अष्टम्यां तान्यगृह्णन्त गोकुलानि सहस्रशः

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 28 source-pinned Devanāgarī addresses to Virāṭa-Parva, the Mahābhārata reading map, and any exact Bhagavad-Gītā correspondence.

MBh 4.29local chapter route · Virāṭa-ParvaVirāṭa-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷