🪷 Mahābhārata · Vana-Parva (Āraṇyaka) · Chapter 139

The Book of the Forest · Parva 3 · 24 unique Sanskrit addresses · pinned Critical Edition-derived witness

The Devanāgarī Yathārtha · 24 Shlokas

MBh 3.139.1
लोमश उवाच एतस्मिन्नेव काले तु बृहद्द्युम्नो महीपतिः सत्रमास्ते महाभागो रैभ्ययाज्यः प्रतापवान्
MBh 3.139.2
तेन रैभ्यस्य वै पुत्रावर्वावसुपरावसू वृतौ सहायौ सत्रार्थे बृहद्द्युम्नेन धीमता
MBh 3.139.3
तत्र तौ समनुज्ञातौ पित्रा कौन्तेय जग्मतुः आश्रमे त्वभवद्रैभ्यो भार्या चैव परावसोः
MBh 3.139.4
अथावलोककोऽगच्छद्गृहानेकः परावसुः कृष्णाजिनेन संवीतं ददर्श पितरं वने
MBh 3.139.5
जघन्यरात्रे निद्रान्धः सावशेषे तमस्यपि चरन्तं गहनेऽरण्ये मेने स पितरं मृगम्
MBh 3.139.6
मृगं तु मन्यमानेन पिता वै तेन हिंसितः अकामयानेन तदा शरीरत्राणमिच्छता
MBh 3.139.7
स तस्य प्रेतकार्याणि कृत्वा सर्वाणि भारत पुनरागम्य तत्सत्रमब्रवीद्भ्रातरं वचः
MBh 3.139.8
इदं कर्म न शक्तस्त्वं वोढुमेकः कथंचन मया तु हिंसितस्तातो मन्यमानेन तं मृगम्
MBh 3.139.9
सोऽस्मदर्थे व्रतं साधु चर त्वं ब्रह्महिंसनम् समर्थो ह्यहमेकाकी कर्म कर्तुमिदं मुने
MBh 3.139.10
अर्वावसुरुवाच करोतु वै भवान्सत्रं बृहद्द्युम्नस्य धीमतः ब्रह्महत्यां चरिष्येऽहं त्वदर्थं नियतेन्द्रियः
MBh 3.139.11
लोमश उवाच स तस्या ब्रह्महत्यायाः पारं गत्वा युधिष्ठिर अर्वावसुस्तदा सत्रमाजगाम पुनर्मुनिः
MBh 3.139.12
ततः परावसुर्दृष्ट्वा भ्रातरं समुपस्थितम् बृहद्द्युम्नमुवाचेदं वचनं परिषद्गतम्
MBh 3.139.13
एष ते ब्रह्महा यज्ञं मा द्रष्टुं प्रविशेदिति ब्रह्महा प्रेक्षितेनापि पीडयेत्त्वां न संशयः
MBh 3.139.14
प्रेष्यैरुत्सार्यमाणस्तु राजन्नर्वावसुस्तदा न मया ब्रह्महत्येयं कृतेत्याह पुनः पुनः
MBh 3.139.15
उच्यमानोऽसकृत्प्रेष्यैर्ब्रह्महन्निति भारत नैव स प्रतिजानाति ब्रह्महत्यां स्वयं कृताम् मम भ्रात्रा कृतमिदं मया तु परिरक्षितम्
MBh 3.139.16
प्रीतास्तस्याभवन्देवाः कर्मणार्वावसोर्नृप तं ते प्रवरयामासुर्निरासुश्च परावसुम्
MBh 3.139.17
ततो देवा वरं तस्मै ददुरग्निपुरोगमाः स चापि वरयामास पितुरुत्थानमात्मनः
MBh 3.139.18
अनागस्त्वं तथा भ्रातुः पितुश्चास्मरणं वधे भरद्वाजस्य चोत्थानं यवक्रीतस्य चोभयोः
MBh 3.139.19
ततः प्रादुर्बभूवुस्ते सर्व एव युधिष्ठिर अथाब्रवीद्यवक्रीतो देवानग्निपुरोगमान्
MBh 3.139.20
समधीतं मया ब्रह्म व्रतानि चरितानि च कथं नु रैभ्यः शक्तो मामधीयानं तपस्विनम् तथायुक्तेन विधिना निहन्तुममरोत्तमाः
MBh 3.139.21
देवा ऊचुः मैवं कृथा यवक्रीत यथा वदसि वै मुने ऋते गुरुमधीता हि सुखं वेदास्त्वया पुरा
MBh 3.139.22
अनेन तु गुरून्दुःखात्तोषयित्वा स्वकर्मणा कालेन महता क्लेशाद्ब्रह्माधिगतमुत्तमम्
MBh 3.139.23
लोमश उवाच यवक्रीतमथोक्त्वैवं देवाः साग्निपुरोगमाः संजीवयित्वा तान्सर्वान्पुनर्जग्मुस्त्रिविष्टपम्
MBh 3.139.24
आश्रमस्तस्य पुण्योऽयं सदापुष्पफलद्रुमः अत्रोष्य राजशार्दूल सर्वपापैः प्रमोक्ष्यसे

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 24 source-pinned Devanāgarī addresses to Vana-Parva (Āraṇyaka), the Mahābhārata reading map, and any exact Bhagavad-Gītā correspondence.

MBh 3.139local chapter route · Vana-Parva (Āraṇyaka)Vana-Parva (Āraṇyaka)parent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷