🪷 Mahābhārata · Śānti-Parva · Chapter 187

The Book of Peace · the great dharma-śāstra · Parva 12 · 60 unique Sanskrit addresses · pinned Critical Edition-derived witness

The Devanāgarī Yathārtha · 60 Shlokas

MBh 12.187.1
युधिष्ठिर उवाच अध्यात्मं नाम यदिदं पुरुषस्येह चिन्त्यते यदध्यात्मं यतश्चैतत्तन्मे ब्रूहि पितामह
MBh 12.187.2
भीष्म उवाच अध्यात्ममिति मां पार्थ यदेतदनुपृच्छसि तद्व्याख्यास्यामि ते तात श्रेयस्करतरं सुखम्
MBh 12.187.3
यज्ज्ञात्वा पुरुषो लोके प्रीतिं सौख्यं च विन्दति फललाभश्च सद्यः स्यात्सर्वभूतहितं च तत्
MBh 12.187.4
पृथिवी वायुराकाशमापो ज्योतिश्च पञ्चमम् महाभूतानि भूतानां सर्वेषां प्रभवाप्ययौ
MBh 12.187.5
ततः सृष्टानि तत्रैव तानि यान्ति पुनः पुनः महाभूतानि भूतेषु सागरस्योर्मयो यथा
MBh 12.187.6
प्रसार्य च यथाङ्गानि कूर्मः संहरते पुनः तद्वद्भूतानि भूतात्मा सृष्ट्वा संहरते पुनः
MBh 12.187.7
महाभूतानि पञ्चैव सर्वभूतेषु भूतकृत् अकरोत्तेषु वैषम्यं तत्तु जीवोऽनु पश्यति
MBh 12.187.8
शब्दः श्रोत्रं तथा खानि त्रयमाकाशयोनिजम् वायोस्त्वक्स्पर्शचेष्टाश्च वागित्येतच्चतुष्टयम्
MBh 12.187.9
रूपं चक्षुस्तथा पक्तिस्त्रिविधं तेज उच्यते रसः क्लेदश्च जिह्वा च त्रयो जलगुणाः स्मृताः
MBh 12.187.10
घ्रेयं घ्राणं शरीरं च ते तु भूमिगुणास्त्रयः महाभूतानि पञ्चैव षष्ठं तु मन उच्यते
MBh 12.187.11
इन्द्रियाणि मनश्चैव विज्ञानान्यस्य भारत सप्तमी बुद्धिरित्याहुः क्षेत्रज्ञः पुनरष्टमः
MBh 12.187.12
चक्षुरालोकनायैव संशयं कुरुते मनः बुद्धिरध्यवसायाय क्षेत्रज्ञः साक्षिवत्स्थितः
MBh 12.187.13
ऊर्ध्वं पादतलाभ्यां यदर्वागूर्ध्वं च पश्यति एतेन सर्वमेवेदं विद्ध्यभिव्याप्तमन्तरम्
MBh 12.187.14
पुरुषे चेन्द्रियाणीह वेदितव्यानि कृत्स्नशः तमो रजश्च सत्त्वं च विद्धि भावांस्तदाश्रयान्
MBh 12.187.15
एतां बुद्ध्वा नरो बुद्ध्या भूतानामागतिं गतिम् समवेक्ष्य शनैश्चैव लभते शममुत्तमम्
MBh 12.187.16
गुणान्नेनीयते बुद्धिर्बुद्धिरेवेन्द्रियाण्यपि मनःषष्ठानि सर्वाणि बुद्ध्यभावे कुतो गुणाः
MBh 12.187.17
इति तन्मयमेवैतत्सर्वं स्थावरजङ्गमम् प्रलीयते चोद्भवति तस्मान्निर्दिश्यते तथा
MBh 12.187.18
येन पश्यति तच्चक्षुः शृणोति श्रोत्रमुच्यते जिघ्रति घ्राणमित्याहू रसं जानाति जिह्वया
MBh 12.187.19
त्वचा स्पृशति च स्पर्शान्बुद्धिर्विक्रियतेऽसकृत् येन संकल्पयत्यर्थं किंचिद्भवति तन्मनः
MBh 12.187.20
अधिष्ठानानि बुद्धेर्हि पृथगर्थानि पञ्चधा पञ्चेन्द्रियाणि यान्याहुस्तान्यदृश्योऽधितिष्ठति
MBh 12.187.21
पुरुषाधिष्ठिता बुद्धिस्त्रिषु भावेषु वर्तते कदाचिल्लभते प्रीतिं कदाचिदनुशोचति
MBh 12.187.22
न सुखेन न दुःखेन कदाचिदपि वर्तते एवं नराणां मनसि त्रिषु भावेष्ववस्थिता
MBh 12.187.23
सेयं भावात्मिका भावांस्त्रीनेतान्नातिवर्तते सरितां सागरो भर्ता महावेलामिवोर्मिमान्
MBh 12.187.24
अतिभावगता बुद्धिर्भावे मनसि वर्तते प्रवर्तमानं हि रजस्तद्भावमनुवर्तते
MBh 12.187.25
इन्द्रियाणि हि सर्वाणि प्रदर्शयति सा सदा प्रीतिः सत्त्वं रजः शोकस्तमो मोहश्च ते त्रयः
MBh 12.187.26
ये ये च भावा लोकेऽस्मिन्सर्वेष्वेतेषु ते त्रिषु इति बुद्धिगतिः सर्वा व्याख्याता तव भारत
MBh 12.187.27
इन्द्रियाणि च सर्वाणि विजेतव्यानि धीमता सत्त्वं रजस्तमश्चैव प्राणिनां संश्रिताः सदा
MBh 12.187.28
त्रिविधा वेदना चैव सर्वसत्त्वेषु दृश्यते सात्त्विकी राजसी चैव तामसी चेति भारत
MBh 12.187.29
सुखस्पर्शः सत्त्वगुणो दुःखस्पर्शो रजोगुणः तमोगुणेन संयुक्तौ भवतोऽव्यावहारिकौ
MBh 12.187.30
तत्र यत्प्रीतिसंयुक्तं काये मनसि वा भवेत् वर्तते सात्त्विको भाव इत्यवेक्षेत तत्तदा
MBh 12.187.31
अथ यद्दुःखसंयुक्तमतुष्टिकरमात्मनः प्रवृत्तं रज इत्येव तन्नसंरभ्य चिन्तयेत्
MBh 12.187.32
अथ यन्मोहसंयुक्तमव्यक्तमिव यद्भवेत् अप्रतर्क्यमविज्ञेयं तमस्तदुपधारयेत्
MBh 12.187.33
प्रहर्षः प्रीतिरानन्दः सुखं संशान्तचित्तता कथंचिदभिवर्तन्त इत्येते सात्त्विका गुणाः
MBh 12.187.34
अतुष्टिः परितापश्च शोको लोभस्तथाक्षमा लिङ्गानि रजसस्तानि दृश्यन्ते हेत्वहेतुभिः
MBh 12.187.35
अभिमानस्तथा मोहः प्रमादः स्वप्नतन्द्रिता कथंचिदभिवर्तन्ते विविधास्तामसा गुणाः
MBh 12.187.36
दूरगं बहुधागामि प्रार्थनासंशयात्मकम् मनः सुनियतं यस्य स सुखी प्रेत्य चेह च
MBh 12.187.37
सत्त्वक्षेत्रज्ञयोरेतदन्तरं पश्य सूक्ष्मयोः सृजते तु गुणानेक एको न सृजते गुणान्
MBh 12.187.38
मशकोदुम्बरौ चापि संप्रयुक्तौ यथा सदा अन्योन्यमन्यौ च यथा संप्रयोगस्तथा तयोः
MBh 12.187.39
पृथग्भूतौ प्रकृत्या तौ संप्रयुक्तौ च सर्वदा यथा मत्स्यो जलं चैव संप्रयुक्तौ तथैव तौ
MBh 12.187.40
न गुणा विदुरात्मानं स गुणान्वेत्ति सर्वशः परिद्रष्टा गुणानां च संस्रष्टा मन्यते सदा
MBh 12.187.41
इन्द्रियैस्तु प्रदीपार्थं कुरुते बुद्धिसप्तमैः निर्विचेष्टैरजानद्भिः परमात्मा प्रदीपवत्
MBh 12.187.42
सृजते हि गुणान्सत्त्वं क्षेत्रज्ञः परिपश्यति संप्रयोगस्तयोरेष सत्त्वक्षेत्रज्ञयोर्ध्रुवः
MBh 12.187.43
आश्रयो नास्ति सत्त्वस्य क्षेत्रज्ञस्य च कश्चन सत्त्वं मनः संसृजति न गुणान्वै कदाचन
MBh 12.187.44
रश्मींस्तेषां स मनसा यदा सम्यङ्नियच्छति तदा प्रकाशतेऽस्यात्मा घटे दीपो ज्वलन्निव
MBh 12.187.45
त्यक्त्वा यः प्राकृतं कर्म नित्यमात्मरतिर्मुनिः सर्वभूतात्मभूतः स्यात्स गच्छेत्परमां गतिम्
MBh 12.187.46
यथा वारिचरः पक्षी लिप्यमानो न लिप्यते एवमेव कृतप्रज्ञो भूतेषु परिवर्तते
MBh 12.187.47
एवंस्वभावमेवैतत्स्वबुद्ध्या विहरेन्नरः अशोचन्नप्रहृष्यंश्च चरेद्विगतमत्सरः
MBh 12.187.48
स्वभावसिद्ध्या संसिद्धान्स नित्यं सृजते गुणान् ऊर्णनाभिर्यथा स्रष्टा विज्ञेयास्तन्तुवद्गुणाः
MBh 12.187.49
प्रध्वस्ता न निवर्तन्ते निवृत्तिर्नोपलभ्यते प्रत्यक्षेण परोक्षं तदनुमानेन सिध्यति
MBh 12.187.50
एवमेके व्यवस्यन्ति निवृत्तिरिति चापरे उभयं संप्रधार्यैतदध्यवस्येद्यथामति
MBh 12.187.51
इतीमं हृदयग्रन्थिं बुद्धिभेदमयं दृढम् विमुच्य सुखमासीत न शोचेच्छिन्नसंशयः
MBh 12.187.52
मलिनाः प्राप्नुयुः शुद्धिं यथा पूर्णां नदीं नराः अवगाह्य सुविद्वंसो विद्धि ज्ञानमिदं तथा
MBh 12.187.53
महानदीं हि पारज्ञस्तप्यते न तरन्यथा एवं ये विदुरध्यात्मं कैवल्यं ज्ञानमुत्तमम्
MBh 12.187.54
एतां बुद्ध्वा नरः सर्वां भूतानामागतिं गतिम् अवेक्ष्य च शनैर्बुद्ध्या लभते शं परं ततः
MBh 12.187.55
त्रिवर्गो यस्य विदितः प्राग्ज्योतिः स विमुच्यते अन्विष्य मनसा युक्तस्तत्त्वदर्शी निरुत्सुकः
MBh 12.187.56
न चात्मा शक्यते द्रष्टुमिन्द्रियेषु विभागशः तत्र तत्र विसृष्टेषु दुर्जयेष्वकृतात्मभिः
MBh 12.187.57
एतद्बुद्ध्वा भवेद्बुद्धः किमन्यद्बुद्धलक्षणम् विज्ञाय तद्धि मन्यन्ते कृतकृत्या मनीषिणः
MBh 12.187.58
न भवति विदुषां ततो भयं; यदविदुषां सुमहद्भयं भवेत् न हि गतिरधिकास्ति कस्यचि;त्सति हि गुणे प्रवदन्त्यतुल्यताम्
MBh 12.187.59
यत्करोत्यनभिसंधिपूर्वकं; तच्च निर्णुदति यत्पुरा कृतम् नाप्रियं तदुभयं कुतः प्रियं; तस्य तज्जनयतीह कुर्वतः
MBh 12.187.60
लोक आतुरजनान्विराविण;स्तत्तदेव बहु पश्य शोचतः तत्र पश्य कुशलानशोचतो; ये विदुस्तदुभयं पदं सदा

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 60 source-pinned Devanāgarī addresses to Śānti-Parva, the Mahābhārata reading map, and any exact Bhagavad-Gītā correspondence.

MBh 12.187local chapter route · Śānti-ParvaŚānti-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷