🪷 Mahābhārata · Sabhā-Parva · Chapter 33

The Book of the Assembly Hall · Parva 2 · 32 unique Sanskrit addresses · pinned Critical Edition-derived witness

The Devanāgarī Yathārtha · 32 Shlokas

MBh 2.33.1
वैशंपायन उवाच ततोऽभिषेचनीयेऽह्नि ब्राह्मणा राजभिः सह अन्तर्वेदीं प्रविविशुः सत्कारार्थं महर्षयः
MBh 2.33.2
नारदप्रमुखास्तस्यामन्तर्वेद्यां महात्मनः समासीनाः शुशुभिरे सह राजर्षिभिस्तदा
MBh 2.33.3
समेता ब्रह्मभवने देवा देवर्षयो यथा कर्मान्तरमुपासन्तो जजल्पुरमितौजसः
MBh 2.33.4
इदमेवं न चाप्येवमेवमेतन्न चान्यथा इत्यूचुर्बहवस्तत्र वितण्डानाः परस्परम्
MBh 2.33.5
कृशानर्थांस्तथा केचिदकृशांस्तत्र कुर्वते अकृशांश्च कृशांश्चक्रुर्हेतुभिः शास्त्रनिश्चितैः
MBh 2.33.6
तत्र मेधाविनः केचिदर्थमन्यैः प्रपूरितम् विचिक्षिपुर्यथा श्येना नभोगतमिवामिषम्
MBh 2.33.7
केचिद्धर्मार्थसंयुक्ताः कथास्तत्र महाव्रताः रेमिरे कथयन्तश्च सर्ववेदविदां वराः
MBh 2.33.8
सा वेदिर्वेदसंपन्नैर्देवद्विजमहर्षिभिः आबभासे समाकीर्णा नक्षत्रैर्द्यौरिवामला
MBh 2.33.9
न तस्यां संनिधौ शूद्रः कश्चिदासीन्न चाव्रतः अन्तर्वेद्यां तदा राजन्युधिष्ठिरनिवेशने
MBh 2.33.10
तां तु लक्ष्मीवतो लक्ष्मीं तदा यज्ञविधानजाम् तुतोष नारदः पश्यन्धर्मराजस्य धीमतः
MBh 2.33.11
अथ चिन्तां समापेदे स मुनिर्मनुजाधिप नारदस्तं तदा पश्यन्सर्वक्षत्रसमागमम्
MBh 2.33.12
सस्मार च पुरावृत्तां कथां तां भरतर्षभ अंशावतरणे यासौ ब्रह्मणो भवनेऽभवत्
MBh 2.33.13
देवानां संगमं तं तु विज्ञाय कुरुनन्दन नारदः पुण्डरीकाक्षं सस्मार मनसा हरिम्
MBh 2.33.14
साक्षात्स विबुधारिघ्नः क्षत्रे नारायणो विभुः प्रतिज्ञां पालयन्धीमाञ्जातः परपुरंजयः
MBh 2.33.15
संदिदेश पुरा योऽसौ विबुधान्भूतकृत्स्वयम् अन्योन्यमभिनिघ्नन्तः पुनर्लोकानवाप्स्यथ
MBh 2.33.16
इति नारायणः शंभुर्भगवाञ्जगतः प्रभुः आदिश्य विबुधान्सर्वानजायत यदुक्षये
MBh 2.33.17
क्षितावन्धकवृष्णीनां वंशे वंशभृतां वरः परया शुशुभे लक्ष्म्या नक्षत्राणामिवोडुराट्
MBh 2.33.18
यस्य बाहुबलं सेन्द्राः सुराः सर्व उपासते सोऽयं मानुषवन्नाम हरिरास्तेऽरिमर्दनः
MBh 2.33.19
अहो बत महद्भूतं स्वयंभूर्यदिदं स्वयम् आदास्यति पुनः क्षत्रमेवं बलसमन्वितम्
MBh 2.33.20
इत्येतां नारदश्चिन्तां चिन्तयामास धर्मवित् हरिं नारायणं ज्ञात्वा यज्ञैरीड्यं तमीश्वरम्
MBh 2.33.21
तस्मिन्धर्मविदां श्रेष्ठो धर्मराजस्य धीमतः महाध्वरे महाबुद्धिस्तस्थौ स बहुमानतः
MBh 2.33.22
ततो भीष्मोऽब्रवीद्राजन्धर्मराजं युधिष्ठिरम् क्रियतामर्हणं राज्ञां यथार्हमिति भारत
MBh 2.33.23
आचार्यमृत्विजं चैव संयुक्तं च युधिष्ठिर स्नातकं च प्रियं चाहुः षडर्घ्यार्हान्नृपं तथा
MBh 2.33.24
एतानर्हानभिगतानाहुः संवत्सरोषितान् त इमे कालपूगस्य महतोऽस्मानुपागताः
MBh 2.33.25
एषामेकैकशो राजन्नर्घ्यमानीयतामिति अथ चैषां वरिष्ठाय समर्थायोपनीयताम्
MBh 2.33.26
युधिष्ठिर उवाच कस्मै भवान्मन्यतेऽर्घमेकस्मै कुरुनन्दन उपनीयमानं युक्तं च तन्मे ब्रूहि पितामह
MBh 2.33.27
वैशंपायन उवाच ततो भीष्मः शांतनवो बुद्ध्या निश्चित्य भारत वार्ष्णेयं मन्यते कृष्णमर्हणीयतमं भुवि
MBh 2.33.28
एष ह्येषां समेतानां तेजोबलपराक्रमैः मध्ये तपन्निवाभाति ज्योतिषामिव भास्करः
MBh 2.33.29
असूर्यमिव सूर्येण निवातमिव वायुना भासितं ह्लादितं चैव कृष्णेनेदं सदो हि नः
MBh 2.33.30
तस्मै भीष्माभ्यनुज्ञातः सहदेवः प्रतापवान् उपजह्रेऽथ विधिवद्वार्ष्णेयायार्घ्यमुत्तमम्
MBh 2.33.31
प्रतिजग्राह तत्कृष्णः शास्त्रदृष्टेन कर्मणा शिशुपालस्तु तां पूजां वासुदेवे न चक्षमे
MBh 2.33.32
स उपालभ्य भीष्मं च धर्मराजं च संसदि अपाक्षिपद्वासुदेवं चेदिराजो महाबलः

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 32 source-pinned Devanāgarī addresses to Sabhā-Parva, the Mahābhārata reading map, and any exact Bhagavad-Gītā correspondence.

MBh 2.33local chapter route · Sabhā-ParvaSabhā-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷