🪷 Mahābhārata · Sabhā-Parva · Chapter 24

The Book of the Assembly Hall · Parva 2 · 27 unique Sanskrit addresses · pinned Critical Edition-derived witness

The Devanāgarī Yathārtha · 27 Shlokas

MBh 2.24.1
वैशंपायन उवाच तं विजित्य महाबाहुः कुन्तीपुत्रो धनंजयः प्रययावुत्तरां तस्माद्दिशं धनदपालिताम्
MBh 2.24.2
अन्तर्गिरिं च कौन्तेयस्तथैव च बहिर्गिरिम् तथोपरिगिरिं चैव विजिग्ये पुरुषर्षभः
MBh 2.24.3
विजित्य पर्वतान्सर्वान्ये च तत्र नराधिपाः तान्वशे स्थापयित्वा स रत्नान्यादाय सर्वशः
MBh 2.24.4
तैरेव सहितः सर्वैरनुरज्य च तान्नृपान् कुलूतवासिनं राजन्बृहन्तमुपजग्मिवान्
MBh 2.24.5
मृदङ्गवरनादेन रथनेमिस्वनेन च हस्तिनां च निनादेन कम्पयन्वसुधामिमाम्
MBh 2.24.6
ततो बृहन्तस्तरुणो बलेन चतुरङ्गिणा निष्क्रम्य नगरात्तस्माद्योधयामास पाण्डवम्
MBh 2.24.7
सुमहान्संनिपातोऽभूद्धनंजयबृहन्तयोः न शशाक बृहन्तस्तु सोढुं पाण्डवविक्रमम्
MBh 2.24.8
सोऽविषह्यतमं ज्ञात्वा कौन्तेयं पर्वतेश्वरः उपावर्तत दुर्मेधा रत्नान्यादाय सर्वशः
MBh 2.24.9
स तद्राज्यमवस्थाप्य कुलूतसहितो ययौ सेनाबिन्दुमथो राजन्राज्यादाशु समाक्षिपत्
MBh 2.24.10
मोदापुरं वामदेवं सुदामानं सुसंकुलम् कुलूतानुत्तरांश्चैव तांश्च राज्ञः समानयत्
MBh 2.24.11
तत्रस्थः पुरुषैरेव धर्मराजस्य शासनात् व्यजयद्धनंजयो राजन्देशान्पञ्च प्रमाणतः
MBh 2.24.12
स दिवःप्रस्थमासाद्य सेनाबिन्दोः पुरं महत् बलेन चतुरङ्गेण निवेशमकरोत्प्रभुः
MBh 2.24.13
स तैः परिवृतः सर्वैर्विष्वगश्वं नराधिपम् अभ्यगच्छन्महातेजाः पौरवं पुरुषर्षभः
MBh 2.24.14
विजित्य चाहवे शूरान्पार्वतीयान्महारथान् ध्वजिन्या व्यजयद्राजन्पुरं पौरवरक्षितम्
MBh 2.24.15
पौरवं तु विनिर्जित्य दस्यून्पर्वतवासिनः गणानुत्सवसंकेतानजयत्सप्त पाण्डवः
MBh 2.24.16
ततः काश्मीरकान्वीरान्क्षत्रियान्क्षत्रियर्षभः व्यजयल्लोहितं चैव मण्डलैर्दशभिः सह
MBh 2.24.17
ततस्त्रिगर्तान्कौन्तेयो दार्वान्कोकनदाश्च ये क्षत्रिया बहवो राजन्नुपावर्तन्त सर्वशः
MBh 2.24.18
अभिसारीं ततो रम्यां विजिग्ये कुरुनन्दनः उरशावासिनं चैव रोचमानं रणेऽजयत्
MBh 2.24.19
ततः सिंहपुरं रम्यं चित्रायुधसुरक्षितम् प्रामथद्बलमास्थाय पाकशासनिराहवे
MBh 2.24.20
ततः सुह्मांश्च चोलांश्च किरीटी पाण्डवर्षभः सहितः सर्वसैन्येन प्रामथत्कुरुनन्दनः
MBh 2.24.21
ततः परमविक्रान्तो बाह्लीकान्कुरुनन्दनः महता परिमर्देन वशे चक्रे दुरासदान्
MBh 2.24.22
गृहीत्वा तु बलं सारं फल्गु चोत्सृज्य पाण्डवः दरदान्सह काम्बोजैरजयत्पाकशासनिः
MBh 2.24.23
प्रागुत्तरां दिशं ये च वसन्त्याश्रित्य दस्यवः निवसन्ति वने ये च तान्सर्वानजयत्प्रभुः
MBh 2.24.24
लोहान्परमकाम्बोजानृषिकानुत्तरानपि सहितांस्तान्महाराज व्यजयत्पाकशासनिः
MBh 2.24.25
ऋषिकेषु तु संग्रामो बभूवातिभयंकरः तारकामयसंकाशः परमर्षिकपार्थयोः
MBh 2.24.26
स विजित्य ततो राजन्नृषिकान्रणमूर्धनि शुकोदरसमप्रख्यान्हयानष्टौ समानयत् मयूरसदृशानन्यानुभयानेव चापरान्
MBh 2.24.27
स विनिर्जित्य संग्रामे हिमवन्तं सनिष्कुटम् श्वेतपर्वतमासाद्य न्यवसत्पुरुषर्षभः

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 27 source-pinned Devanāgarī addresses to Sabhā-Parva, the Mahābhārata reading map, and any exact Bhagavad-Gītā correspondence.

MBh 2.24local chapter route · Sabhā-ParvaSabhā-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷