🪷 Mahābhārata · Anuśāsana-Parva · Chapter 60

The Book of the Final Teaching · Parva 13 · 25 unique Sanskrit addresses · pinned Critical Edition-derived witness

The Devanāgarī Yathārtha · 25 Shlokas

MBh 13.60.1
युधिष्ठिर उवाच दानं यज्ञक्रिया चेह किं स्वित्प्रेत्य महाफलम् कस्य ज्यायः फलं प्रोक्तं कीदृशेभ्यः कथं कदा
MBh 13.60.2
एतदिच्छामि विज्ञातुं याथातथ्येन भारत विद्वञ्जिज्ञासमानाय दानधर्मान्प्रचक्ष्व मे
MBh 13.60.3
अन्तर्वेद्यां च यद्दत्तं श्रद्धया चानृशंस्यतः किं स्विन्निःश्रेयसं तात तन्मे ब्रूहि पितामह
MBh 13.60.4
भीष्म उवाच रौद्रं कर्म क्षत्रियस्य सततं तात वर्तते तस्य वैतानिकं कर्म दानं चैवेह पावनम्
MBh 13.60.5
न तु पापकृतां राज्ञां प्रतिगृह्णन्ति साधवः एतस्मात्कारणाद्यज्ञैर्यजेद्राजाप्तदक्षिणैः
MBh 13.60.6
अथ चेत्प्रतिगृह्णीयुर्दद्यादहरहर्नृपः श्रद्धामास्थाय परमां पावनं ह्येतदुत्तमम्
MBh 13.60.7
ब्राह्मणांस्तर्पयेद्द्रव्यैस्ततो यज्ञे यतव्रतः मैत्रान्साधून्वेदविदः शीलवृत्ततपोन्वितान्
MBh 13.60.8
यत्ते तेन करिष्यन्ति कृतं तेन भविष्यति यज्ञान्साधय साधुभ्यः स्वाद्वन्नान्दक्षिणावतः
MBh 13.60.9
इष्टं दत्तं च मन्येथा आत्मानं दानकर्मणा पूजयेथा यायजूकांस्तवाप्यंशो भवेद्यथा
MBh 13.60.10
प्रजावतो भरेथाश्च ब्राह्मणान्बहुभारिणः प्रजावांस्तेन भवति यथा जनयिता तथा
MBh 13.60.11
यावतो वै साधुधर्मान्सन्तः संवर्तयन्त्युत सर्वे ते चापि भर्तव्या नरा ये बहुभारिणः
MBh 13.60.12
समृद्धः संप्रयच्छस्व ब्राह्मणेभ्यो युधिष्ठिर धेनूरनडुहोऽन्नानि च्छत्रं वासांस्युपानहौ
MBh 13.60.13
आज्यानि यजमानेभ्यस्तथान्नाद्यानि भारत अश्ववन्ति च यानानि वेश्मानि शयनानि च
MBh 13.60.14
एते देया व्युष्टिमन्तो लघूपायाश्च भारत अजुगुप्सांश्च विज्ञाय ब्राह्मणान्वृत्तिकर्शितान्
MBh 13.60.15
उपच्छन्नं प्रकाशं वा वृत्त्या तान्प्रतिपादय राजसूयाश्वमेधाभ्यां श्रेयस्तत्क्षत्रियान्प्रति
MBh 13.60.16
एवं पापैर्विमुक्तस्त्वं पूतः स्वर्गमवाप्स्यसि स्रंसयित्वा पुनः कोशं यद्राष्ट्रं पालयिष्यसि
MBh 13.60.17
ततश्च ब्रह्मभूयस्त्वमवाप्स्यसि धनानि च आत्मनश्च परेषां च वृत्तिं संरक्ष भारत
MBh 13.60.18
पुत्रवच्चापि भृत्यान्स्वान्प्रजाश्च परिपालय योगक्षेमश्च ते नित्यं ब्राह्मणेष्वस्तु भारत
MBh 13.60.19
अरक्षितारं हर्तारं विलोप्तारमदायकम् तं स्म राजकलिं हन्युः प्रजाः संभूय निर्घृणम्
MBh 13.60.20
अहं वो रक्षितेत्युक्त्वा यो न रक्षति भूमिपः स संहत्य निहन्तव्यः श्वेव सोन्माद आतुरः
MBh 13.60.21
पापं कुर्वन्ति यत्किंचित्प्रजा राज्ञा ह्यरक्षिताः चतुर्थं तस्य पापस्य राजा भारत विन्दति
MBh 13.60.22
अप्याहुः सर्वमेवेति भूयोऽर्धमिति निश्चयः चतुर्थं मतमस्माकं मनोः श्रुत्वानुशासनम्
MBh 13.60.23
शुभं वा यत्प्रकुर्वन्ति प्रजा राज्ञा सुरक्षिताः चतुर्थं तस्य पुण्यस्य राजा चाप्नोति भारत
MBh 13.60.24
जीवन्तं त्वानुजीवन्तु प्रजाः सर्वा युधिष्ठिर पर्जन्यमिव भूतानि महाद्रुममिव द्विजाः
MBh 13.60.25
कुबेरमिव रक्षांसि शतक्रतुमिवामराः ज्ञातयस्त्वानुजीवन्तु सुहृदश्च परंतप

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 25 source-pinned Devanāgarī addresses to Anuśāsana-Parva, the Mahābhārata reading map, and any exact Bhagavad-Gītā correspondence.

MBh 13.60local chapter route · Anuśāsana-ParvaAnuśāsana-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷