🪷 Mahābhārata · Ādi-Parva · Chapter 28

The Book of the Beginning · Parva 1 · 25 unique Sanskrit addresses · pinned Critical Edition-derived witness

The Devanāgarī Yathārtha · 25 Shlokas

MBh 1.28.1
सूत उवाच ततस्तस्मिन्द्विजश्रेष्ठ समुदीर्णे तथाविधे गरुत्मान्पक्षिराट्तूर्णं संप्राप्तो विबुधान्प्रति
MBh 1.28.2
तं दृष्ट्वातिबलं चैव प्राकम्पन्त समन्ततः परस्परं च प्रत्यघ्नन्सर्वप्रहरणान्यपि
MBh 1.28.3
तत्र चासीदमेयात्मा विद्युदग्निसमप्रभः भौवनः सुमहावीर्यः सोमस्य परिरक्षिता
MBh 1.28.4
स तेन पतगेन्द्रेण पक्षतुण्डनखैः क्षतः मुहूर्तमतुलं युद्धं कृत्वा विनिहतो युधि
MBh 1.28.5
रजश्चोद्धूय सुमहत्पक्षवातेन खेचरः कृत्वा लोकान्निरालोकांस्तेन देवानवाकिरत्
MBh 1.28.6
तेनावकीर्णा रजसा देवा मोहमुपागमन् न चैनं ददृशुश्छन्ना रजसामृतरक्षिणः
MBh 1.28.7
एवं संलोडयामास गरुडस्त्रिदिवालयम् पक्षतुण्डप्रहारैश्च देवान्स विददार ह
MBh 1.28.8
ततो देवः सहस्राक्षस्तूर्णं वायुमचोदयत् विक्षिपेमां रजोवृष्टिं तवैतत्कर्म मारुत
MBh 1.28.9
अथ वायुरपोवाह तद्रजस्तरसा बली ततो वितिमिरे जाते देवाः शकुनिमार्दयन्
MBh 1.28.10
ननाद चोच्चैर्बलवान्महामेघरवः खगः वध्यमानः सुरगणैः सर्वभूतानि भीषयन् उत्पपात महावीर्यः पक्षिराट्परवीरहा
MBh 1.28.11
तमुत्पत्यान्तरिक्षस्थं देवानामुपरि स्थितम् वर्मिणो विबुधाः सर्वे नानाशस्त्रैरवाकिरन्
MBh 1.28.12
पट्टिशैः परिघैः शूलैर्गदाभिश्च सवासवाः क्षुरान्तैर्ज्वलितैश्चापि चक्रैरादित्यरूपिभिः
MBh 1.28.13
नानाशस्त्रविसर्गैश्च वध्यमानः समन्ततः कुर्वन्सुतुमुलं युद्धं पक्षिराण्न व्यकम्पत
MBh 1.28.14
विनर्दन्निव चाकाशे वैनतेयः प्रतापवान् पक्षाभ्यामुरसा चैव समन्ताद्व्याक्षिपत्सुरान्
MBh 1.28.15
ते विक्षिप्तास्ततो देवाः प्रजग्मुर्गरुडार्दिताः नखतुण्डक्षताश्चैव सुस्रुवुः शोणितं बहु
MBh 1.28.16
साध्याः प्राचीं सगन्धर्वा वसवो दक्षिणां दिशम् प्रजग्मुः सहिता रुद्रैः पतगेन्द्रप्रधर्षिताः
MBh 1.28.17
दिशं प्रतीचीमादित्या नासत्या उत्तरां दिशम् मुहुर्मुहुः प्रेक्षमाणा युध्यमाना महौजसम्
MBh 1.28.18
अश्वक्रन्देन वीरेण रेणुकेन च पक्षिणा क्रथनेन च शूरेण तपनेन च खेचरः
MBh 1.28.19
उलूकश्वसनाभ्यां च निमेषेण च पक्षिणा प्ररुजेन च संयुद्धं चकार प्रलिहेन च
MBh 1.28.20
तान्पक्षनखतुण्डाग्रैरभिनद्विनतासुतः युगान्तकाले संक्रुद्धः पिनाकीव महाबलः
MBh 1.28.21
महावीर्या महोत्साहास्तेन ते बहुधा क्षताः रेजुरभ्रघनप्रख्या रुधिरौघप्रवर्षिणः
MBh 1.28.22
तान्कृत्वा पतगश्रेष्ठः सर्वानुत्क्रान्तजीवितान् अतिक्रान्तोऽमृतस्यार्थे सर्वतोऽग्निमपश्यत
MBh 1.28.23
आवृण्वानं महाज्वालमर्चिर्भिः सर्वतोऽम्बरम् दहन्तमिव तीक्ष्णांशुं घोरं वायुसमीरितम्
MBh 1.28.24
ततो नवत्या नवतीर्मुखानां; कृत्वा तरस्वी गरुडो महात्मा नदीः समापीय मुखैस्ततस्तैः; सुशीघ्रमागम्य पुनर्जवेन
MBh 1.28.25
ज्वलन्तमग्निं तममित्रतापनः; समास्तरत्पत्ररथो नदीभिः ततः प्रचक्रे वपुरन्यदल्पं; प्रवेष्टुकामोऽग्निमभिप्रशाम्य

🪷 The Honest Framing

This chapter belongs to the source-pinned BORI Critical Edition-derived digital witness. Its unique addresses are publicly readable and indexable; this remains a digital-witness claim, not a claim that every Mahābhārata recension agrees word-for-word or that the traditional 100,000-verse extent is represented here.

Navigation

Sources and Connected Readings

Continue from these 25 source-pinned Devanāgarī addresses to Ādi-Parva, the Mahābhārata reading map, and any exact Bhagavad-Gītā correspondence.

MBh 1.28local chapter route · Ādi-ParvaĀdi-Parvaparent Parva chapter index/mahabharata18-parva Sanskrit reading index with edition and address notesBhīṣma-ParvaMahābhārata Parva 6 · the Gītā lives in chapters 23-40MBh 6.23Bhagavad-Gītā chapter 1 in its Itihāsa homeMBh 6.40Bhagavad-Gītā chapter 18 in its Itihāsa homeRāmopākhyānaVana-Parva 258 · Vyāsa narrates the Rāma-kathā inside Krishna's epicNārāyaṇīyamŚānti-Parva 335 · Nārāyaṇa/Krishna/Viṣṇu/Vāsudeva unity witness/bhagavad-gitadeep Gītā corpus with translations, commentaries, and verse-level anchorsBG 1.1Dharma-kṣetra opening cross-anchored to MBh 6.23.1BG 18.66Carama-Śloka surrender seal inside the Bhīṣma-Parva arcVyāsa vibhūtiBG 10.37 · Krishna names Vyāsa among munisBG 10.37Vyāsa and Dhanañjaya as Krishna-vibhūti source routeŚB 1.2.11Brahman · Paramātmā · Bhagavān as one advaya-tattvaŚB 1.3.28kṛṣṇas tu bhagavān svayam · Vyāsa corpus source seal/binduDiamond of Darśanas · Itihāsa as one Bindu aperture/philosophyKrishna = Paramaatma = Parabrahman constitutional foundation

🪷 जय व्यास भगवान् 🪷